| e-texts navigator |
| Wylie |
3b1 དུ་དྲན་པ་དང་ལྡན་པ་ཡིན་ཞིང་ཡང་དག་པར་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་གཅིག་པུ་དབེན་པར་འདུག་སྟེ་ནང་དུ་ཡང་དག་བཞག་ནས་འཁྲུག་པ་མེད་པའི་ཡིད་ཀྱིས་ལུས་འདི་ཉིད་ལ་འདི་ལྟ་སྟེ། ཀྱེ་མ་ལུས་འདི་ནི་མི་བརྟན་པ།
3b2 མི་རྟག་པ། རང་བཞིན་གྱིས་ཉམ་ཆུང་བ། སྙིང་པོ་མེད་པ། ཐེར་ཟུག་མ་ཡིན་པ། རྣམ་པར་འཐོར་བའི་ཆོས་ཅན། རྣམ་པར་འཇིག་པའི་ཆོས་ཅན། རྟེན་ཅིང་འབྲེལ་པ་འབྱུང་བ། སྒྱུ་མ་དང་འདྲ་བ། ཟིལ་པའི་ཐིག་པ་དང་འདྲ
3b3 བ། གཡོ་བ་མི་གནས་པ། མི་གཙང་བ། རྣག་གི་དྲི་མ་ཅན། རླུང་དང་ཉི་མས་མཐར་ཐུག་པ། མཐར་འདུལ་བ། མཐར་རྡུལ་དུ་འགྱུར་བ། ངན་སྐྱུགས་ཀྱི་མཐར་ཐུག་པ། ནད་མང་བ། གནོད་པ་ཅན། འགོ་བའི་ནད་མང་བ། ན་བ། འཇིག
3b4 པའི་ངང་ཅན། རུས་པ་བསོགས་པ། དྲི་ང་བ། འཛེག་པ་ཅན་བསྒྲིམས་ཏེ་རིམ་འགྲོ་བྱེད་དགོས་པ་ཡིན་པར་ཡང་དག་པའི་དྲན་པས་ཡང་དག་པར་ཇི་ལྟ་བ་བཞིན་དུ་སོ་སོར་རྟོག་གོ། །དེ་དེ་ལྟར་ཡང་དག་པའི་དྲན་པས་ལུས་ཀྱི་སྐྱོན
3b5 རྣམས་ཡང་དག་པར་ཇི་ལྟ་བ་བཞིན་དུ་རབ་ཏུ་ཤེས་པས་ལུས་ལ་ཆགས་པ་དང་། ལུས་ལ་ཀུན་ཏུ་འདོད་ཆགས་དང་། ལུས་ལ་བདག་གི་ཉིད་ཡིན་པ་མི་བསྐྱེད་དོ། །དེ་ལུས་ལ་མི་ལྟ་བས་སྲོག་ལ་ཆགས་པ་དང་། སྲོག་ལ
3b6 ཀུན་ཏུ་འདོད་ཆགས་དང་། སྲོག་ལ་བདག་གི་ཉིད་ཡིན་པ་མི་བསྐྱེད་དོ། །དེ་ལུས་དང་སྲོག་ལ་མི་ལྟ་བར་ཆོས་གོས་ངན་ངོན་དང་། ཁ་ཟས་ངན་ངོན་དང་། མལ་ཆ་དང་། སྟན་ངན་ངོན་དང་། ན་བའི་གསོས་སྨན་དང་། ཡོ་བྱད་ངན་ངོན་ཙམ་དག་གིས
3b7 ཆོག་པར་འཛིན་པ་ཡིན་ནོ། །དེ་ཚངས་པ་མཚུངས་པར་སྤྱོད་པ་རྣམས་ཀྱི་བྱ་བ་གང་དག་ཡིན་པ་དོན་དང་ལྡན་པ་རྣམས་སམ། དགེ་བ་དང་ལྡན་པ་རྣམས་ཀྱང་དེ་དག་ལ་སྟོང་པར་བྱེད་དེ། ཡོངས་སུ་མི་སྐྱོ་ཞིང་ཡོངས་སུ་ཡིད་འཆད་པ་མེད་ལ་ཡོངས
3b8 སུ་སྐྱོ་བའི་སེམས་མི་བསྐྱེད་དོ། །དེ་མཁན་པོ་དང་སློབ་དཔོན་གྱི་གན་དུ་འགྲོ་ན་དྲན་པ་དང་ལྡན་ཞིང་འདི་སྙམ་དུ་སེམས་ཏེ། མཁན་པོ་དག་ནི་བསྙེན་པར་དཀའ་བོ། །སློབ་དཔོན་དག་ནི་བསྙེན་པར་དཀའ་བ་སྟེ། བདག་དེར་སོང་བ་ན་སྡིག་པ
iiif viewer powered by OpenSeadragon
