| e-texts navigator |
| Wylie |
39a1 ཤེས་པ་ཡིན། །གང་རྣམས་ཆོས་ཉིད་རབ་ཤེས་པ། །དེ་དག་སྟོང་པ་ཉིད་དེ་ཤེས། །གང་རྣམས་སྟོང་ཉིད་རབ་ཤེས་པ། །དེ་ཡི་འདྲེན་པ་དེ་རྣམས་མཐོང་། །གང་རྣམས་འཇིག་རྟེན་བསྟན་པ་འདི། །
39a2 རྣ་ལམ་གྲགས་པར་འགྱུར་བ་ནི། །དེ་དག་འཇིག་རྟེན་སྤྱོད་མོད་ཀྱི། །འཇིག་རྟེན་འདི་ལ་གནོས་མ་ཡིན། །ལྟ་ལ་གནས་པ་གང་སུ་དག་།གཞན་གྱི་ས་ནི་འདི་མ་ཡིན། །འཇིག་རྟེན་དུ་ན་སྤྱོད་བྱེད་ཀྱང་། །འཇིག་རྟེན
39a3 འདི་ལ་གནས་པ་མེད། །སངས་རྒྱས་མྱ་ངན་འདས་ནས་ཀྱང་། །གང་རྣམས་བཟོད་པ་འདིར་མོས་པ། །དེ་བཞིན་གཤེགས་པ་ཆོས་ཀྱི་སྐུ། །རྫོགས་པའི་སངས་རྒྱས་དེ་ལ་བཞུགས། །གང་གིས་ཚུལ་འདི
39a4 ཤེས་པ་ནི། །དེས་ནི་ང་ཡི་ཆོས་བཟུང་སྟེ། །དེ་ཡི་ང་ལ་རྟག་ཏུ་མཆོད། །དེ་དག་འཇིག་རྟེན་སྟོན་པའོ། །གང་ཞིག་འཇིག་རྟེན་བསྟན་པ་འདི། །རྣ་ལམ་གྲགས་པར་གྱུར་པ་ནི། །སྡིག་ཅན་བདུད་ཀྱི་དེ་དག་ལ། །
39a5 གླགས་ཀྱང་རྙེད་པར་མི་འགྱུར་རོ། །གང་གིས་རྣམ་པ་འདི་ཤེས་པ། །དེ་དག་ཕྱུག་ཅིང་ལོངས་སྤྱོད་ཆེ། །དེ་དག་སྦྱིན་ལ་རྟག་པར་དགའ། །དེ་དག་ཚུལ་ཁྲིམས་ཕུན་སུམ་ཚོགས། །གང་གིས་འཇིག་རྟེན་འདི
39a6 ཤེས་པ། །དེ་དག་བཟོད་པའི་སྟོབས་ལྡན་པ། །དེ་དག་བརྩོན་འགྲུས་རྟོགས་པར་རིག་།མཁས་པ་དེ་དག་བསམ་གཏན་དགའ། །གང་གིས་རྣམ་པ་འདི་ཤེས་པ། །དེ་དག་ཏིང་འཛིན་ཕུན་སུམ་ཚོགས། །དེ་དག་ཉེ་བར
39a7 ཞི་ལ་དགའ། །བསྟན་པ་དེ་དག་ཤེས་རབ་འཕགས། །གང་ན་འདི་འདྲ་གྲགས་པ་ཡི། །ཕྱོགས་དེ་སངས་རྒྱས་སྟོང་མ་ཡིན། །སེམས་དཔའ་ཆེན་པོ་རིང་མི་ཐོག་།བྱང་ཆུབ་སྙིང་པོར་འགྲོ་བར་འགྱུར། །གང་རྣམས
39a8 འཇིག་རྟེན་བསྟན་པ་འདི། །རྣ་ལམ་གྲགས་པར་འགྱུར་བ་དག་།གཡོན་ཅན་བདུད་རྣམས་བཅོམ་ནས་ནི། །བྱང་ཆུབ་མཆོག་ཏུ་རྫོགས་འཚང་རྒྱ། །དེ་ནས་བཅོམ་ལྡན་འདས་ཀྱིས་ཚངས་པ་ཁྱད་པར་སེམས་ལ་འདི
iiif viewer powered by OpenSeadragon
