| e-texts navigator |
| Wylie |
38b1 ནས་ནི། །འཇིག་རྟེན་དག་ཀྱང་འཇིག་མི་བྱེད། །ཕུང་པོ་རྣམས་ལ་རང་བཞིན་མེད། །འདི་ནི་འཇིག་རྟེན་ཆོས་ཉིད་དོ། །གང་རྣམས་དེ་ལྟར་མི་ཤེས་པ། །དེ་དག་རྟག་ཏུ་འཇིག་རྟེན་གནས། །
38b2 མ་སྐྱེས་པ་དང་མ་བྱུང་བར། །གང་གི་ཕུང་པོ་ཀུན་ཤེས་པ། །དེ་དག་འཇིག་རྟེན་སྤྱོད་འགྱུར་ཡང་། །འཇིག་རྟེན་འདི་ལ་འང་མི་གནས་སོ། །འཇིག་རྟེན་ཆོས་རྣམས་མི་ཤེས་ཤིང་། །འདུ་ཤེས་གཉིས་ལ
38b3 གང་གནས་པ། །འདི་བདེན་འདི་ནི་བརྫུན་ནོ་ཞེས། །མི་མཁས་དེ་དག་རྩོད་པར་འགྱུར། །འདི་ལྟར་འཇིག་རྟེན་ཆོས་རྣམས་ཀྱི། །ཡང་དག་ཆོས་ཉིད་ངས་ཤེས་པས། །ང་ནི་འཇིག་རྟེན་རྣམས་དང་ཡང་། །
38b4 ནམ་ཀྱང་རྩོད་པར་མི་བྱེད་དོ། །རྩོད་པ་མེད་པའི་ཆོས་འདི་ནི། །སངས་རྒྱས་ཀུན་གྱིས་བཤད་པ་སྟེ། །འཇིག་རྟེན་མཉམ་པ་ཉིད་ཤེས་ན། །འདི་ལ་བདེན་པའམ་བརྫུན་པ་མེད། །བརྫུན་པ་འམ་ཡང་ན
38b5 བདེན་པ་ཞིག་། བསྟན་པ་ལ་ནི་རྙེད་གྱུར་ན། །མཐར་འཛིན་པར་ནི་དེ་འགྱུར་ཏེ། །མུ་སྟེགས་ཅན་དང་ཁྱད་པར་མེད། །གང་ཕྱིར་ཆོས་རྣམས་ཡང་དག་མིན། །བདེན་པ་དང་ནི་བརྫུན་པ་མེད། །དེ་ཕྱིར་འཇིག་རྟེན
38b6 འདས་པའི་ཆོས། །ངས་འདི་གཉིསུ་མེད་པར་བཤད། །འཇིག་རྟེན་ཆོས་ཉིད་ཇི་ལྟ་བར། །གང་གི་འཇིག་རྟེན་འདི་ཤེས་པ། །མཁས་པ་དེ་དག་བདེན་པ་འམ། །བརྫུན་པའི་ལྟ་བ་འང་མི་འཛིན་ཏོ། །ནམཁའ
38b7 ལྟ་བུར་རྣམ་དག་པར། །གང་གི་འཇིག་རྟེན་འདི་ཤེས་པ། །གྲགས་པ་ཆེན་པོའི་འཇིག་རྟེན་གྱི། །སྣང་བ་ལྟ་བུར་གྱུར་པ་ཡིན། །ང་ཉིད་ཀྱིས་ནི་མཐོང་བ་ལྟར། །དེ་ལྟར་གང་གིས་འཇིག་རྟེན་མཐོང་། །ཕྱོགས
38b8 དང་ཕྱོགས་མཚམས་གང་བཞུགས་པ། །རྫོགས་པའི་སངས་རྒྱས་དེ་དག་གཟིགས། །ཆོས་རྣམས་ངོ་བོ་ཉིད་མེད་པར། །བརྟེན་པའི་ཆོས་རྣམས་རབ་ཏུ་ཤེས། །གང་དག་འཇིག་རྟེན་བཤིས་པ་ནི། །དེ་དག་ཆོས་ཉིད
iiif viewer powered by OpenSeadragon
