| e-texts navigator |
| Wylie |
38a1 འདི་ལ་གནས་པར་མ་བྱས་ན། །འཇིག་རྟེན་ཆོས་ལས་རྣམ་པར་གྲོལ། །བྱང་ཆུབ་སེམས་དཔའ་མཁས་པ་དེར། །འཇིག་རྟེན་རང་བཞིན་ཉིད་ཤེས་ནས། །ཕུང་པོ་རྣམས་དང་རབ་ལྡན་ཡང་། །འཇིག
38a2 རྟེན་ཆོས་དང་ལྡན་པ་ཡི། །རྙེད་པ་དང་ནི་མ་རྙེད་དང་། །དེ་བཞིན་གྲགས་དང་མ་གྲགས་དང་། །བསྟོད་སྨད་བདེ་དང་སྡུག་བསྔལ་དང་། །དེ་དག་གིས་ནི་འཇིག་རྟེན་སྐྱོང་། །ཤེས་རབ་ཆེན་པོ་བརྟེན་དེ་རྣམས། །འཇིག
38a3 རྟེན་ཆོས་རྣམས་རབ་རྟོགས་ཤིང་། །འཇིག་རྟེན་འཇིག་པ་མཐོང་ནས་ནི། །འདི་དག་ལ་ཡང་གཡོ་མི་འགྱུར། །རྙེད་པས་ཐོས་པར་མི་སེམས་ཏེ། །མ་རྙེད་པས་ཀྱང་ངོམས་པ་མེད། །རི་རབ་བཞིན་དུ་མཐུ
38a4 བརྟན་པ། །རྣམ་པ་ཀུན་ཏུ་གནོད་མི་འགྱུར། །དེ་བཞིན་གྲགས་དང་མ་གྲགས་ཀྱང་། །རྟག་ཏུ་མཚུངས་པར་འགྱུར་བ་ཡིན། །བདེ་དང་སྡུག་བསྔལ་བསྟོད་སྨད་ལ། །མཉམ་པ་ཉིད་དུ་གནས་པར་འགྱུར། །
38a5 འཇིག་རྟེན་འདི་ནི་གཉིས་ལས་བྱུང་། །ཕྱིན་ཅི་ལོག་ལས་ཀུན་ཏུ་ལངས། །དེ་ཕྱིར་འཇིག་རྟེན་འགྲོ་རྟོགས་ནས། །མཁས་པ་རྣམས་ནི་འགྲོ་མེད་འགྲོ། །འཇིག་རྟེན་འདི་འགྲོ་གང་ཡིན་པ། །འགྲོ་བ་དེ་ནི་དེ་དག
38a6 ཤེས། །དེ་ཕྱིར་འཇིག་རྟེན་འགྲོར་ཞུགས་ནས། །མི་བདེ་བ་ལས་སྐྱེ་བོ་འགྲོལ། །དཔའ་བོ་དེ་དག་འཇིག་རྟེན་སྤྱོད། །པད་མོ་བཞིན་དུ་ཆགས་པ་མེད། །ཆོས་ཀྱི་དབྱིངས་ལ་རབ་གནས་ནས། །འཇིག་རྟེན
38a7 དག་ཀྱང་འཇིག་མི་བྱེད། །འཇིག་རྟེན་ཆོས་ཉིད་མི་ཤེས་པར། །འཇིག་རྟེན་གང་ལ་སྤྱོད་པ་ཡང་། །འཇིག་རྟེན་མཚན་ཉིད་ཤེས་ནས་ནི། །མཁས་པ་དེ་དག་ཉིད་ན་སྤྱོད། །འཇིག་རྟེན་འཇིག་མཁའི་མཚན་ཉིད
38a8 དེ། །ནམཁའ་ལ་ཡང་མཚན་ཉིད་མེད། །དེ་དག་དེ་ཡི་འགྲོ་རིག་ནས། །འཇིག་རྟེན་ཆོས་ཀྱིས་གོས་པ་མེད། །ཇི་ལྟར་འཇིག་རྟེན་རབ་ཤེས་པ། །དེ་བཞིན་སྲོག་ཆགས་རྣམས་ལ་སྨྲ། །ཆོས་ཀྱི་རང་བཞིན་ཤེས
iiif viewer powered by OpenSeadragon
