| e-texts navigator |
| Wylie |
37a1 གསོལ་པ། ཇི་ལྟར་ན་ཁྲེལ་མཆིས་པ་ཕུན་སུམ་ཚོགས་པ་རྣམས་ལགས། བཀའ་སྩལ་པ། ཕྱི་རོལ་གྱི་སྐྱེ་མཆེད་འདོར་བས་སོ། །གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་ཇི་ལྟར་ན་ཡོན་ཏན
37a2 ཐམས་ཅད་ན་ཚོགས་ཤིང་ཀུན་ཏུ་འགྲོ་བ་རྣམས་ལགས། བཅོམ་ལྡན་འདས་ཀྱིས་བཀའ་སྩལ་པ། ལུས་དང་། ངག་དང་། ཡིད་ཀྱི་ལས་ཡོངསུ་དག་པས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགསུ་བཅད་པ་འདི་དག
37a3 གསུངས་སོ། །ལུས་ནི་རྣམ་པར་དག་ཅིང་སྡིག་པ་མི་བྱེད་དེ། །ངག་ཀྱང་རྣམ་པར་དག་པས་རྟག་ཏུ་རྫུན་རྣམས་སྤངས། །ཡིད་ཀྱང་གཙང་བས་རྟག་ཏུ་བསམ་པ་དྲི་མ་མེད། །དེ་ཕྱིར་དེ་ནི་རྒྱལ་བས་ཀུན་ཏུ་འགྲོ་བར་གསུང་།
37a4 མི་སྡུག་སྒོམ་ཞིང་འདོད་ཆགས་ཀྱིས་ཀྱང་ཆགས་པ་མེད། །བྱམས་ལ་གནས་ཤིང་ཞེ་སྡང་གིས་ནི་གཏུམ་པ་མེད། །ཤེས་རབ་དག་ལ་གནས་ཤིང་གཏི་མུག་བླུན་མ་ཡིན། །མཁས་པ་རྣམས་ནི་དེ་ལ་ཀུན་ཏུ་འགྲོ་བར
37a5 གསུངས། །དེ་ནི་གྲོང་དུ་ཅི་བཞིན་དེ་བཞིན་སྒོམ་པ་ཡང་། །དགོན་པ་དང་ནི་གྲོང་དང་འཁོར་དུ་དེ་འདྲ་བར། །དེ་ནི་སྤྱོད་ལམ་རྣམ་པར་འགྱུར་བ་མི་བྱེད་དེ། །དེ་ཕྱིར་རྒྱལ་བས་དེ་ལ་ཀུན་ཏུ་འགྲོ་བར་བརྗོད། །རྒྱལ་བ་ཀུན་གྱི
37a6 ཆོས་ཉིད་ལ་ནི་དེ་མོས་ཏེ། །མཁས་པས་ཆོས་ཉིད་ལ་ཡང་འདོད་ཆགས་བྲལ་བ་དང་། །དགེ་འདུན་ལ་ཡང་འདུས་མ་བྱས་པར་ཤིན་ཏུ་མོས། །དེ་ཕྱིར་རྒྱལ་བ་རྣམས་ཀྱིས་ཀུན་ཏུ་འགྲོ་བར་གསུངས། །འདོད་ཆགས་མོས
37a7 པ་དག་གི་སྤྱོད་པ་རབ་ཏུ་ཤེས། །ཞེ་སྡང་མོས་པ་རྣམས་དང་དེ་བཞིན་གཏི་མུག་དང་། །སྤྱོད་པ་རྣམ་པར་འགྱུར་བ་ལ་ཡང་དེ་མཁས་ཏེ། །དེ་ཕྱིར་དེ་ནི་རྒྱལ་བས་ཀུན་ཏུ་འགྲོ་བར་བསྟན། །འདོད་པའི་ཁམས་ལ་ཤིན
37a8 ཏུ་གནས་པར་མི་བྱེད་དེ། །གཟུགས་ཀྱི་ཁམས་ལ་ཡང་ནི་གནས་པར་མི་འགྱུར་རོ། །དེ་ནི་གཟུགས་མེད་པའི་ཁམས་ལ་མི་གནས་ཏེ། །དེ་ཕྱིར་དེ་ནི་རྒྱལ་བས་ཀུན་ཏུ་འགྲོ་བར་བརྗོད། །རྟག་ཏུ་མཚན་མ་དང་ནི་སྨོན
iiif viewer powered by OpenSeadragon
