| e-texts navigator |
| Wylie |
36b1 ཅན་ཐམས་ཅད་མཁྱེན་པའི་སེམས་ལ་མོས་པར་བྱེད་པའོ། །གསོལ་པ་ཇི་ལྟར་ན། ཚུལ་ཁྲིམས་དང་ལྡན་པ་རྣམས་ལགས། བཀའ་སྩལ་པ། ནམ་ཐམས་ཅད་མཁྱེན་པའི་སེམས་མི་འདོར་བའོ། །གསོལ་པ།
36b2 ཇི་ལྟར་ན་བཟོད་པ་དང་ལྡན་པ་རྣམས་ལགས། བཀའ་སྩལ་པ། ནམ་ཐམས་ཅད་མཁྱེན་པའི་སེམས་མི་ཟད་པར་མཐོང་བ་རྣམས་སོ། །གསོལ་པ། ཇི་ལྟར་ན་བརྩོན་འགྲུས་དང་ལྡན་པ་རྣམས་ལགས། བཀའ་སྩལ
36b3 པ། བཀའ་སྩལ་པ། ནམ་ཐམས་ཅད་མཁྱེན་པའི་སེམས་བརྟགས་ནས་མི་དམིགས་པའོ། །གསོལ་པ། ཇི་ལྟར་ན་བསམ་གཏན་པ་རྣམས་ལགས། བཀའ་སྩལ་པ། ནམ་ཐམས་ཅད་མཁྱེན་པའི་སེམས
36b4 རང་བཞིན་གྱིས་ཞི་བར་རབ་ཏུ་རྟོགས་པའོ། །གསོལ་པ་ཇི་ལྟར་ན་ཤེས་རབ་དང་ལྡན་པ་རྣམས་ལགས། བཀའ་སྩལ་པ། ནམ་ཆོས་ཐམས་ཅད་ལ་སྤྲོས་པར་མི་བྱེད་པའོ། །གསོལ་པ། ཇི་ལྟར་ན་བྱམས་པ་ལ་གནས
36b5 པ་རྣམས་ལགས། བཀའ་སྩལ་པ། ནམ་སེམས་ཅན་དུ་འདུ་ཤེས་འཇུག་པར་མི་བྱེད་པའོ། །གསོལ་པ། ཇི་ལྟར་ན་སྙིང་རྗེ་ལ་གནས་པ་རྣམས་ལགས། བཀའ་སྩལ་པ། ནམ་ཆོས་ཐམས་ཅད་ལ་འདུ་ཤེས་འཇུག
36b6 པར་མི་བྱེད་པའོ། །གསོལ་པ། ཅི་ལྟར་ན་དགའ་བ་ལ་གནས་པ་རྣམས་ལགས། བཀའ་སྩལ་པ། ནམ་བདག་ཏུ་འདུ་ཤེས་འཇུག་པར་མི་བྱེད་དོ། །གསོལ་པ། ཇི་ལྟར་ན་བཏང་སྙོམས་ལ་གནས་པ་རྣམས་ལགས།
36b7 བཀའ་སྩལ་པ། ནམ་བདག་དང་གཞན་དུ་འདུ་ཤེས་འཇུག་པར་མི་བྱེད་པའོ། །གསོལ་པ། ཇི་ལྟར་ན་དད་པ་ལ་གནས་པ་རྣམས་ལགས། བཀའ་སྩལ་པ། ནམ་ཆོས་ཐམས་ཅད་བརྗོད་དུ་མེད་པར་མོས་པའོ། །གསོལ་པ། ཇི
36b8 ལྟར་ན་ཐོས་པ་ལ་གནས་པ་རྣམས་ལགས། བཀའ་སྩལ་པ། ནམ་སྒྲ་ཐམས་ཅད་ལ་མངོན་པར་མི་ཆགས་པའོ། །གསོལ་པ། ཇི་ལྟར་ན་ངོ་ཚ་འཚལ་བ་དང་ལྡན་པ་རྣམས་ལགས། བཀའ་སྩལ་པ། ནང་ཡོངསུ་ཤེས་པས་སོ། །
iiif viewer powered by OpenSeadragon
