| e-texts navigator |
| Wylie |
34b1 བཅོམ་ལྡན་འདས་ལ་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་གང་དག་ཆོས་གང་ལ་སྐྱེ་བ་འམ་འགག་པར་འཚལ་བ་དེ་དག་ལ་སངས་རྒྱས་འབྱུང་བ་མ་མཆིས་སོ། །
34b2 བཅོམ་ལྡན་འདས་གང་དག་མྱ་ངན་ལས་འདས་པ་དངོས་པོར་ཚོལ་བ་དེ་དག་ལ་ཡང་འཁོར་བ་ལས་འདའ་བ་མ་མཆིས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་མྱ་ངན་ལས་འདས་པ་ཞེས་བགྱི་བ་ནི་གང་མཚན་མ་ཐམས
34b3 ཅད་རབ་ཏུ་ཞི་བ་དང་། གཡོ་བ་ཐམས་ཅད་མ་མཆིས་པར་གྱུར་པ་ལགས་ན་བཅོམ་ལྡན་འདས་སྐྱེས་བུ་བླུན་པོ་འདི་དག་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ནས་མུ་སྟེགས་ཅན་གྱི་ལྟ་བར་ལྷུང་སྟེ་མྱ་ངན་ལས
34b4 འདས་པར་དངོས་པོར་ཚོལ་ལོ། །འདི་ལྟ་སྟེ། བཅོམ་ལྡན་འདས་ཏིལ་ལས་ཏིལ་མར་དང་། འོ་མ་ལས་མར་བཞིན་དུ་ཆོས་ཐམས་ཅད་ཤིན་ཏུ་མྱ་ངན་ལས་འདས་པ་ལ་གང་རྣམས་མྱ་ངན་ལས་འདས་པ་ལ་དངོས་པོར་ཚོལ་བ་དེ་དག
34b5 ནི་ཉན་ཐོས་མུ་སྟེགས་ཅན་ང་རྒྱལ་ཅན་ཞེས་བདག་མཆིའོ། །བཅོམ་ལྡན་འདས་རྣལ་འབྱོར་སྤྱོད་པ་ཡང་དག་པར་ཞུགས་པའི་ཆོས་གང་ལ་ཡང་སྐྱེ་བ་འམ་འགག་པར་མི་མཐོང་། ཆོས་གང་ལའང་འཐོབ་པ་འམ་མངོན་པར
34b6 རྟོགས་པར་མི་འཚལ་ལོ། །དེ་ནས་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས་ཚངས་པ་ཁྱད་པར་སེམས་ལ་འདི་སྐད་ཅེས་སྨྲས་སོ། །ཚངས་པ་དགེ་སློང་ལྔ་བརྒྱ་འཁོར་འདི་ནས་སྟན་ལས་ལངས་ཏེ་དོང་བ་འདི་དག་ཅི་ནས་ཀྱང་ཆོས
34b7 འདི་དག་ཅི་ནས་ཀྱང་ཆོས་འདུལ་བ་ལ་འཇུག་པ་དང་། མོས་པར་འགྱུར་བ་དང་། སྡིག་པའི་ལྟ་བར་འགྱུར་བ་དེ་ལས་རྣམ་པར་གྲོལ་བར་སྟོན་ཅིག་།སྨྲས་པ། རིགས་ཀྱི་བུ་འདོད་ལ་རག་གོ། །འདོད་ལ་རག་གོ། །གལ་ཏེ
34b8 སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་དུ་དོང་ཡང་བསྟན་པ་འདི་ལས་མི་ཐར་ཏོ། །རིགས་ཀྱི་བུ་འདི་ལྟ་སྟེ་དཔེར་ན། སྐྱེས་བུ་བྱིས་པའི་རང་བཞིན་ཅན་ནམ་མཁས་འཇིགས་ཤིང་སྐྲག་སྟེ་བྲོས་ཀྱང་དེ་ག་ལས་གར
iiif viewer powered by OpenSeadragon
