| e-texts navigator |
| Wylie |
32b1 བདག་ཏུ་སྒྲོ་འདོགས་པས་འདྲི་ན་ཚུལ་བཞིན་མ་ཡིན་པས་འདྲིའོ། །གཞན་དུ་སྒྲོ་འདོགས་པས་འདྲི་ན་ཚུལ་བཞིན་མ་ཡིན་པར་འདྲིའོ། །ཆོས་སུ་སྒྲོ་འདོགས་པས་འདྲི་ན་ཚུལ་བཞིན་མ་ཡིན་པར་འདྲིའོ་དྲ་བ་ཅན
32b2 གྱི་འོད་གང་ལ་བདག་ཏུ་སྒྲོ་འདོགས་པ་མེད་པ་དང་། གཞན་དུ་སྒྲོ་འདོགས་པ་མེད་པ་དང་། ཆོས་སུ་སྒྲོ་འདོགས་པ་མེད་པ་འདི་ནི་ཚུལ་བཞིན་འདྲིའོ། །གཞན་ཡང་དྲ་བ་ཅན་གྱི་འོད་བསྐྱེད་པའི་ཕྱིར་འདྲི་ན་ཚུལ་བཞིན་མ་ཡིན
32b3 པར་འདྲིའོ། །འགག་པའི་ཕྱིར་འདྲི་ན་ཚུལ་བཞིན་མ་ཡིན་པའོ། །གནས་དང་གནས་མ་ཡིན་པའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ། །དྲ་བ་ཅན་གྱི་འོད་གང་ལ་ཆོས་གང་ཡང་སྐྱེ་བའི་ཕྱིར་རམ། འགག་པའི་ཕྱིར
32b4 རམ། གནས་དང་གནས་མ་ཡིན་པའི་ཕྱིར་འདྲི་བ་མེད་པ་དེ་ནི་ཚུལ་བཞིན་འདྲི་བའོ། །གཞན་ཡང་དྲ་བ་ཅན་གྱི་འོད་ཀུན་ནས་ཉོན་མོངས་པའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ། །རྣམ་པར་བྱང་བའི་ཕྱིར་འདྲི་ན་དེ་ནི
32b5 ཚུལ་བཞིན་མ་ཡིན་པའོ། །འཁོར་བའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ། །འཁོར་བ་ལས་ཤིན་ཏུ་བཟླ་བའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ། །ཡོངས་སུ་མྱ་ངན་ལས་འདའ་བའི་ཕྱིར་འདྲི་ན་དེ་ནི་ཚུལ་བཞིན
32b6 མ་ཡིན་པའོ། །དྲ་བ་ཅན་གྱི་འོད་གང་ལ་ཀུན་ནས་ཉོན་མོངས་པའི་ཕྱིར་མ་ཡིན། རྣམ་པར་བྱང་བའི་ཕྱིར་མ་ཡིན། འཁོར་བའི་ཕྱིར་མ་ཡིན། འཁོར་བ་ལས་ཤིན་ཏུ་བཟླ་བའི་ཕྱིར་མ་ཡིན། ཡོངས་སུ་མྱ་ངན་ལས་འདའ
32b7 བའི་ཕྱིར་འདྲི་ན་དེ་ནི་ཚུལ་བཞིན་འདྲི་བའོ། །དེ་ཅིའི་ཕྱིར་ཞེ་ན། ཆོས་མི་འགྱུར་བ་ཉིད་ནི་ཀུན་ནས་ཉོན་མི་མོངས། རྣམ་པར་བྱང་བར་མི་འགྱུར། མི་འཁོར་ཞིང་ཡོངས་སུ་མྱ་ངན་ལས་མི་འདའོ། །གཞན་ཡང
32b8 དྲ་བ་ཅན་གྱི་འོད་འཐོབ་པའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ། །མངོན་དུ་བྱ་བའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ། །མངོན་པར་ཤེས་པའི་ཕྱིར་འདྲི་ན་དེ་ནི་ཚུལ་བཞིན་མ་ཡིན་པའོ། །ཡོངསུ་ཤེས་པ་དང
iiif viewer powered by OpenSeadragon
