| e-texts navigator |
| Wylie |
31b1 ཆེན་པོ་རྣམས་འཁོར་གྱི་ནང་དུ་འགྲོ་སྟེ། བཞི་གང་ཞེ་ན། ཆོས་འདོད་པའི་ཕྱིར་ཏེ་ཀླན་ཀ་ཚོལ་བའི་བསམ་པས་མ་ཡིན་པ་དང་། རི་མོ་དང་བཅས་པའི་ཕྱིར་ཏེ་ང་རྒྱལ་དང་ཁེངས་པས་མ་ཡིན་པ་དང་། དགེ་བ་གང་ཡིན
31b2 ཚོལ་བའི་ཕྱིར་ཏེ་བདག་སྤྱོམས་པས་མ་ཡིན་པ་དང་། སེམས་ཅན་རྣམས་དགེ་བའི་རྩ་བ་ལ་གཟུད་པའི་ཕྱིར་ཏེ་རྙེད་པ་དང་། བཀུར་སྟི་དང་། ཚིགས་སུ་བཅད་པའི་ཕྱིར་མ་ཡིན་པ་སྟེ། བཞི་པོ་འདི་དག་གོ། །ཚངས་པ་ཆོས་བཞི
31b3 དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་སྦྱིན་པ་རྣམ་པར་འབྱེད་དེ། བཞི་གང་ཞེ་ན། དམ་པའི་ཆོས་ཡོངསུ་འཛིན་པ་དང་། བདག་ཉིད་ཀྱི་ཤེས་རབ་གསལ་བར་བྱེད་པ་དང་། སྐྱེས་བུ་དམ་པའི
31b4 ལས་བྱེད་པ་དང་། ཀུན་ནས་ཉོན་མོངས་པ་དང་། རྣམ་པར་བྱང་བ་སྟོན་པ་སྟེ་བཞི་པོ་འདི་དག་གོ། །ཚངས་པ་ཆོས་བཞི་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་རྒྱུའི་སྟོབས་དང་ལྡན་པས་དགེ་བའི
31b5 རྩ་བ་ཆུད་མི་ཟ་བ་ཡིན་ཏེ། བཞི་གང་ཞེ་ན། གཞན་གྱི་འཁྲུལ་པ་ལ་ཉེས་པར་མི་ལྟ་བ་དང་། ཁྲོས་པ་རྣམས་ལ་བྱམས་པ་སྒོམ་པ་དང་། ཆོས་རྣམས་ཀྱི་རྒྱུ་སྟོན་པ་དང་། བྱང་ཆུབ་ཀྱི་སེམས་མི་གཏོང་བ་སྟེ་བཞི་པོ་འདི་དག་གོ། །
31b6 ཚངས་པ་ཆོས་བཞི་དང་ལྡན་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཕ་རོལ་ཏུ་ཕྱིན་པ་དྲུག་ལ་མ་བསྟན་པར་ཤེས་པ་རྣམས་ཡིན་ཏེ། བཞི་གང་ཞེ་ན། སྦྱིན་པ་དག་ལ་སྔོན་དུ་འགྲོ་བ་རྣམས་ཡིན། ལྟུང་བ་རྣམས་ཀྱི
31b7 ཕ་རོལ་ལ་རྩོད་པར་མི་བྱེད་པ་ཡིན། སེམས་ཅན་ཡོངསུ་སྨིན་པར་བྱ་བའི་ཕྱིར་བསྡུ་བའི་དངོས་པོ་ལ་མཁས་པ་ཡིན། ཆོས་རྣམས་ལ་ཟབ་མོར་མོས་པ་རྣམས་ཡིན་ཏེ་བཞི་པོ་འདི་དག་གོ། །ཚངས་པ་ཆོས་བཞི་དང་ལྡན་ན་བྱང
31b8 ཆུབ་སེམས་དཔའ་སེམས་དཔའ་ཆེན་པོ་རྣམས་བསམ་གཏན་ལ་གནས་ནས་འདོད་པའི་ཁམསུ་སྐྱེའོ། །བཞི་གང་ཞེ་ན། སེམས་ཅན་ལས་སུ་རུང་བ་དང་། དགེ་བའི་རྩ་བ་རྣམས་ཀྱིས་སྟོབས་བསྐྱེད་པ་དང་། སེམས་ཅན་རྣམས་ཡོངསུ
iiif viewer powered by OpenSeadragon
