| e-texts navigator |
| Wylie |
22a1 ཆོས་སྨྲ་བ་ལ་སྡང་བ་དང་། མངོན་པར་བརྩོན་པ་མེད་པར་དད་པས་བྱིན་པ་ལེན་པ་སྟེ། རྒྱལ་པོ་ཆེན་པོ་བཞི་པོ་དེ་དག་ནི་བསྟན་པ་འདི་ལ་རབ་ཏུ་བྱུང་བའི་གཡང་ས་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད
22a2 པ་འདི་དག་བཀའ་སྩལ་ཏོ། །སངས་རྒྱས་སོམ་ཉིས་ཟ་བ་གཡང་སའི་མཆོག་།འཇིག་རྟེན་ཀུན་གྱིས་སྐྱབས་བྱེད་མི་ནུས་ཏེ། །བློ་ཆུང་དེ་ནི་བསྟན་ལས་ཉམས་གྱུར་པས། །མགོན་མེད་དེ་ནི་ངན་འགྲོར་འགྲོ་བར་འགྱུར། །དེས་ནི་ཆོས་ཀྱང
22a3 སྤངས་པས་ངན་སོང་འགྲོ། །ལོ་ནི་སྟོང་ལས་མི་ཉུང་བར་དུ་ཡང་། །དམུས་ལོང་དབང་པོ་དམན་ཞིང་སེམས་ཀྱང་ཉམས། །སྡུག་བསྔལ་ཆེན་པོ་འདི་ནི་གཡང་ས་གཉིས། །སངས་རྒྱས་ཆོས་འཛིན་མི་འཇིགས་གང་ཡིན་པ། །ཐམས་ཅད
22a4 མཁྱེན་པའི་ཡེ་ཤེས་སྐྱོང་བྱེད་པ། །དེ་དག་སྐུར་འདེབས་གཡང་ས་ཆེན་པོ་གསུམ། །བསྐལ་པ་བྱེ་བ་མང་པོར་མྱོང་བར་འགྱུར། །དེ་ནི་དད་པས་བྱིན་པ་མི་རིགས་སྤྱོད། །དེ་ནི་གཡང་ས་ཆེན་པོ་བཞི་པ་ཡིན། །དེ་ནི་འཇིག་རྟེན་སུས
22a5 ཀྱང་སྐྱབས་མི་ནུས། །སྡིག་པའི་ལས་ཅན་ངན་སོང་ཀུན་ཏུ་རྒྱུག་།བསམ་པ་དག་པ་འཕགས་པའི་དག་པ་ཡིན། །བྱང་ཆུབ་གཡོ་མེད་དེ་ནི་སེམས་ཀྱི་གཞི། །སྨྲས་པ་ཙམ་གྱིས་བྱང་ཆུབ་མི་འཐོབ་ཀྱི། །སེམས་ཀྱང་དག་པར་བྱ་ཞེས
22a6 བདེ་གཤེགས་གསུངས། །བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བཤད་པ་ན་སྲོག་ཆགས་ལྔ་སྟོང་གིས་སྔོན་མ་བསྐྱེད་པ་ལས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ་མི་སྐྱེ་བའི་ཆོས་རྣམས
22a7 ལ་ཡང་བཟོད་པ་ཐོབ་པར་གྱུར་ཏོ་རྒྱལ་པོ་ཚངས་པས་བྱིན་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏེ། །སྲོག་ཆགས་འབུམ་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ
22a8 རྣམ་པར་དག་གོ། །ལྷ་དུང་ཕྱུར་གྱིས་ནི་སྔོན་མ་བསྐྱེད་པ་ལས་བྱང་ཆུབ་ཏུ་སེམས་བསྐྱེད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་འཛུམ་པ་མཛད་དེ། །འདི་ནི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་དེ་གང་གི་ཚེ་འཛུམ
iiif viewer powered by OpenSeadragon
