| e-texts navigator |
| Wylie |
21a1 དག་ཡིན། །དེ་དག་དད་མེད་རབ་ཏུ་བྱུང་ནས་ནི། །འདྲེན་པའི་བསྟན་ལ་དེ་དག་སུན་ཡང་འབྱིན། །འཐུན་པ་གང་གིས་དགེ་འདུན་མཛེས་འགྱུར་ཏེ། །དེ་དག་ཆོས་མིན་ཚིག་གིས་འགལ་བར་བྱེད། །རྒྱལ་བ་རྣམས་ཀྱི
21a2 བསྟན་ལ་དྲི་མ་དེས། །མུ་སྟེགས་ཅན་ལྟར་སོམ་ཉི་ཐེ་ཙོམ་བཅས། །དེས་ནི་ཆོས་ལ་ཀླགས་གཏོང་འགལ་བྱས་ནས། །དད་མེད་དེ་ནི་ཆོས་ཀྱང་སྤོང་བར་བྱེད། །དེ་ཡི་ལོག་པར་ལྟ་བ་མ་སྤངས་ཏེ། །ཕྱི་རོལ་མུ་སྟེགས་ཅན་གྱིས་ནང་དུ
21a3 སྨོད། །དེས་ནི་བསྟན་པ་འདི་ལ་གཏིང་མི་ཚུག་།ཆོས་གོས་འཆང་བ་ཙམ་གྱི་དགེ་སློང་བརྗོད། །བདག་མེད་རྡོ་རྗེ་ཤིན་ཏུ་སྒོམ་པ་དེས། །འཇིག་འཚོགས་ལྟ་བ་འདི་དང་བྲལ་བའི། །དགེ་སློང་དེ་ནི་བསྟན་འདིར་ཡེ་ཤེས་ལ། །སྤྱོད
21a4 ཡུལ་རླུང་ལྟར་འདུས་བྱས་ཆགས་པ་མེད། །དད་པ་མེད་པ་ལས་ལ་ཡིད་མི་ཆེས། །སྡིག་པའི་སེམས་ཀྱི་དབང་དུ་སོང་ནས་ནི། །དེ་ནི་ཇི་ལྟར་གཞན་ལ་གཙེས་པ་བཞིན། །རིང་པོར་མི་ཐོགས་ངན་སོང་གནས་པར་འགྱུར། །
21a5 རྒྱ་མཚོ་ཆེ་ལ་ཇི་ལྟར་ཆུ་གནས་བཞིན། །བསྟན་པ་འདི་ལ་དད་པ་གཞི་ཡིན་ཏེ། །གང་ཟག་གང་ཞིག་བསྟན་ལ་མ་དད་དེ། །ང་ཡི་མ་ཡིན་ང་ཡང་ངའི་མ་ཡིན། །བགྲོད་པ་ཕུན་སུམ་ཚོགས་གཞི་དད་པ་ཡིན། །བདུད་རྩི་ཐོབ་པའི
21a6 ལམ་དང་སྣང་བ་ཡིན། །ཅི་ལྟར་འཛམ་བུ་གླིང་པའི་རྒྱལ་པོ་བཞིན། །འདི་ནི་ཡོན་ཏན་ཀུན་གྱི་ཐོག་མར་འགྲོ། །རྒྱལ་པོ་ཆེན་པོ་ཁྱོད་ཀྱི་གཙུག་ལག་ཁང་གི་དགེ་སློང་དེ་དག་ནི་ཡོན་ཏན་དེ་ལྟ་བུ་དེ་དག་དང་མི་ལྡན་པས་ན་དེའི་ཕྱིར
21a7 དེར་བྱང་ཆུབ་སེམས་དཔའ་མཐོང་བ་དོན་ཡོད་ཀྱིས་སོ་སོར་བརྟགས་ནས་མ་འདུག་པར་མྱུར་བ་ཁོ་ནར་སོང་ངོ་། །རྒྱལ་པོ་ཆེན་པོ་དགེ་སློང་དྲུག་བཅུ་པོ་དེ་དག་ཐམས་ཅད་ནི་དེ་ནས་ཤི་འཕོས་ནས་བསྐལ་པ་གསུམ་གྱི་བར་དུ
21a8 ངན་སོང་རྣམས་སུ་འཁོར་འཁོར་ནས་ཚེ་རབ་བརྒྱད་ཁྲིའི་བར་དུ་རིགས་ངན་དུ་སྐྱེ་བར་འགྱུར་ཏེ། དམན་པ་དང་། གཞན་གྱི་ཟས་ཀྱིས་འཚོ་བ་དང་། འཇིག་རྟེན་གྱིས་སྨད་པར་འགྱུར་བ་དང་། ལུས་རིད་པ་དང་། མདོག་ངན་པ་དང
iiif viewer powered by OpenSeadragon
