| e-texts navigator |
| Wylie |
20b1 འགྱུར། །བློ་སྡང་གང་གི་ཡིད་ཀྱང་སྲུང་མི་བྱེད། །སྙིང་པོ་ཅན་ཀུན་རྣམ་པར་སྤངས་ནས་ནི། །དད་པ་མེད་པས་སྙིགས་མ་འཛིན་པར་བྱེད། །འགྱིང་བར་བྱེད་ཅིང་རྟག་ཏུ་ཁེངས་པ་སྟེ། །མ་དད་དེ་ནི་གཞན་ལ་འདུད་མི་བྱེད། །ཤི
20b2 ནས་རིགས་དམར་སྐྱེ་བ་འཛིན་པར་འགྱུར། །དབུལ་པོར་འགྱུར་ཞིང་གཞན་ལ་འཁུ་བར་བྱེད། །གང་ཟག་མ་དད་བདག་ཉིད་གླེང་མི་བྱེད། །ཀླན་ཀ་ཚོལ་ཞིང་གཞན་གྱི་ཉེས་པ་འཛིན། །ནགས་ཀྱི་ཨེ་རན་ད་ཡི་ཤིང་ལྟ་བུ། །
20b3 དེ་ནི་ཁྱིམ་པ་མ་ཡིན་དགེ་སློང་མིན། །རྣམ་པར་མ་དག་རུང་བཞིན་ཁོང་གཡོ་ཅན། །སུ་ཡི་བསྟན་པ་ལ་ཡང་འཇུག་མི་བྱེད། །གཞན་གྱི་ཡིད་བརྟེན་ན་ཡང་འཁུ་བར་བྱེད། །བསྐལ་པར་གསོས་ཀྱང་མཛའ་བོར་ཡོང་མི་འགྱུར། །
20b4 དེ་དག་འཚོ་བ་ནམས་ཀྱང་དག་པ་མེད། །མ་དད་རབ་ཏུ་བྱུང་བའི་དགེ་སློང་རྣམས། །དེ་དག་ཐར་པའི་ཆོས་མང་སྤངས་པས་ན། །རིང་པོར་མི་ཐོགས་པར་ནི་ལྟུང་བར་འགྱུར། །དད་པ་མེད་པ་བསྙེན་བཀུར་འདོད་པའི་ཕྱིར། །
20b5 མི་བདེན་ཆོས་རྣམས་གཞན་ལ་གོ་བར་བྱེད། །གཡོ་བྱེད་རང་བཞིན་རྣམ་པར་སྦེད་བྱེད་ཅིང་། །དེ་ནི་གཞོགས་སློང་ཁ་གསག་བྱེད་པ་ཡིན། །དེ་ཡི་སེམས་རྒྱུད་རྟག་ཏུ་གཡན་ཡང་སྤྱོ། །གཞན་དག་གཏམ་བརྗོད་པ་ནི་ཐོས་ན
20b6 ཡང་། །གཏམ་འདི་བདག་གི་ཕྱིར་ནི་གཏམ་བྱེད་སྙམ། །དད་པ་མེད་པ་ཁུ་འཕྲིག་ཟ་བར་འགྱུར། །དེ་ནི་གཞན་གྱི་གཏམ་དག་བརྗོད་བྱས་ནས། །བདག་ཉིད་མ་དག་དེ་བཞིན་གཞན་ཡང་མཐོང་། །མ་དད་པ་ནི་རི་དགས་སྐྲག
20b7 པ་བཞིན། །སུ་ལ་འང་མི་འབེབས་ཡིད་ཀྱི་རྟོན་མི་བྱེད། །སྦྱོར་བ་ཉམས་ཤིང་གཞན་ཡིད་མི་སྲུང་བ། །ཚོགས་ཀྱི་ནང་དུ་ཡིད་ཀྱང་ཞུམ་པར་འགྱུར། །ལག་པས་ཚད་དམ་བྱེད་ཅིང་འཐབ་པར་བྱེད། །འོང་བ
20b8 དག་ལ་ཚར་ཡང་གཅོད་བྱེད་ཅིང་། །གཞུང་མེད་པར་ནི་འཛུགས་ཤིང་གླེང་བར་བྱེད། །ཕྲ་མའི་རང་བཞིན་སྡིག་པ་མང་པོ་ཅན། །འཐུན་དང་བྲལ་ལ་འཐབ་ཅིང་སྡང་བ་རྣམས། །མ་དད་རང་བཞིན་མཚན་མ་འདི
iiif viewer powered by OpenSeadragon
