| e-texts navigator |
| Wylie |
178a1 ལྷུང་བཟེད་ཆོས་གོས་རྙེད་མི་ཚོལ། །ལེན་པ་མེད་པར་བརྩོན་པ་གང་། །དེ་དག་སངས་རྒྱས་ཉན་ཐོས་ཡིན། །དེ་དག་བུད་མེད་སྟོན་མི་བྱེད། །བུད་མེད་རྣམས་དང་འདུ་བ་མེད། །ཤིང་དྲུང་རྣམས་ནི་བསྔགས་པར་བྱེད། །དེ་དག་སངས་རྒྱས་ཉན་ཐོས་ཡིན། །
178a2 ཟས་དང་སྐོམ་གྱི་དོན་གྱི་ཕྱིར། །གཅམ་གསག་དག་ཀྱང་ཡང་མི་བྱེད། །དེ་འདྲར་གྱུར་པ་དེ་དག་ནི། །དགེ་སློང་མ་ལ་སྟེན་མི་བྱེད། །མཚོན་རྣོ་ཇི་ལྟར་བདར་བ་བཞིན། །བུད་མེད་རྣམས་ནི་དེ་འདྲར་ཤེས། །སོ་སོར་ཐར་ལས་བྱུང་བ་བཞིན། །བུད་མེད་འདུ་ཤེས
178a3 སྤོང་བར་བྱེད། །དེས་པ་དེ་དག་ཟས་ཕྱིར་དང་། །སྐོམ་གྱི་ཕྱིར་དང་གོས་ཀྱི་ཕྱིར། །ཁྱིམ་ཁྱིམ་དག་དུ་འགྲོ་བྱེད་ཅིང་། །ཆོས་རྣམས་སྟོན་པར་མི་བྱེད་དོ། །དགེ་སློང་རྣམས་ཀྱིས་བུད་མེད་རྣམས། །བལྟ་བར་མི་བྱ་རྫོགས་སངས་རྒྱས། །དེ་ལ་ཤེས་ལྡན་སུ
178a4 ཞིག་རྟོན། །དེ་ནི་བདུད་ཀྱི་སྤྱོད་ཡུལ་ཡིན། །དེ་དག་གིས་ནི་མེད་པར་སྨྲས། །རོ་དང་ཉལ་བ་བཞིན་དུ་ཉལ། །དེ་ཕྱིར་སངས་རྒྱས་ཐམས་ཅད་མཁྱེན། །འདུ་འཛི་བསྔགས་པར་མི་མཛད་དོ། །ཆོས་རྣམས་སྲོག་མེད་གསོ་བ་མེད། །གསོག་དང་གསོབ་དང་སྙིང
178a5 པོ་མེད། །སྟོང་པ་ཉིད་ལ་མོས་བྱེད་པ། །དེ་ནི་དགེ་སློང་ཆོས་ཉིད་དོ། །རྟག་ཏུ་བརྩོན་འགྲུས་ཕུན་སུམ་ཚོགས། །གཅིག་པུ་དགོན་པར་གནས་བྱེད་དང་། །འཇིག་རྟེན་ན་ནི་རྟེན་མེད་སེམས། །དེ་ནི་དགེ་སློང་ཆོས་ཉིད་དོ། །སེང་གེ་བཞིན་དུ་འཇིག་པ་མེད། །ཚངས་པར
178a6 སྤྱོད་ལ་གཞོལ་བར་བྱེད། །སྡུག་བསྔལ་ཀུན་ལས་ཐར་བྱའི་ཕྱིར། །ཤེས་རབ་ལྡན་པས་ལམ་ལ་སྒོམ། །མིག་དང་གཟུགས་ནི་ཚོལ་བ་ན། །དེ་དག་གིས་ནི་རྣམ་ཤེས་རྙེད། །དངོས་པོ་དེ་ཡང་ཚོལ་བ་ན། །བཙལ་བ་གང་ཡིན་མི་རྙེད་དོ། །སྔོན་ཡང་མ་བྱུང་ཕྱིས་མི
178a7 འབྱུང་། །དབུས་ནའང་ཡོད་པ་མ་ཡིན་ཏེ། །དེ་ལྟ་བུ་ཡི་དོན་གྱིས་ན། །ཆོས་ཀུན་མཉམ་པ་ཉིད་ཀྱིས་ཕྱིར། །དེས་པ་དེ་དག་ཟས་ཕྱིར་དང་། །སྐོམ་གྱི་ཕྱིར་དང་གོས་ཀྱི་ཕྱིར། །ཁྱིམ་ཁྱིམ་དག་དུ་འགྲོ་བྱེད་ཅིང་། །ཆོས་རྣམས་སྟོན་པར་མི་བྱེད་དོ། །རྒྱུ་མེད་དེས་པ
178a8 བཟང་པོ་ཡིན། །དེ་དག་སངས་རྒྱས་བསླབས་པ་རྣམས། །འདའ་ཞིང་འཇིག་པར་མི་བྱེད་དེ། །བརྟུལ་བཟང་སྟོང་ཉིད་སྐྲག་པ་མེད། །འཇིགས་པ་མེད་པར་འཇུག་པར་བྱེད། །ལྟ་བ་མི་བཟད་འཇིག་མི་བྱེད། །སེམས་ཅན་གང་ཟག་དངོས་མི་འཇིག་།དཀར་པོའི་ཆོས་རྣམས
iiif viewer powered by OpenSeadragon
