| e-texts navigator |
| Wylie |
170b1 འཇིག་རྟེན་མགོན་པོ་འདས་པ་ན། །གང་དག་ད་དུང་མ་བྱོན་དང་། །ཕྱོགས་རྣམས་མ་ལུས་གང་བཞུགས་པའི། །སངས་རྒྱས་རྣམས་ལ་སྐྱབས་སུ་མཆིས། །སངས་རྒྱས་རྣམས་ཀྱི་ཡུལ་གཅིག་པ། །ཆོས་དང་དགེ་འདུན་ཞི་བའི་མཆོག་།ཡོན
170b2 ཏན་ལེགས་པར་བསམ་མི་ཁྱབ། །དགེ་འདུན་ལ་ཡང་སྐྱབས་སུ་མཆིས། །བྱང་ཆུབ་སེམས་དཔའ་འཇིགས་པ་མེད། །གང་དག་བཟོད་ལ་རབ་གནས་ཤིང་། །གང་དག་གཟུངས་ལ་གནས་པ་དང་། །གང་དག་མཚུངས་མེད་སྟོང་ཉིད་ཚུལ། །མཚན་ཉིད
170b3 ཀྱི་ནི་མདོ་སྡེ་དང་། །བྱང་ཆུབ་རྒྱུར་འགྱུར་སྡེ་སྣོད་དང་། །འཐུན་པར་འཇུག་པའི་མདོ་སྡེ་ལ། །ལེགས་བསླབས་བྱང་ཆུབ་སེམས་རྣམས་ལྟར། །ཐུབ་པ་བདག་ནི་བྱང་ཆུབ་ཀྱི། །སྤྱད་པ་སྤྱོད་ཅིང་སློབ་པར་འཚལ། །རང་བྱུང་དེ་དག་ཇི་བཞིན་དུ། །
170b4 ཞིང་གི་བཀོད་པ་རྣམ་དག་དང་། །སྤྱོད་དང་སྤྱོད་ཡུལ་ཏིང་འཛིན་དང་། །དེ་དག་གི་ནི་ཡོན་ཏན་དང་། །དྲང་སྲོང་མཆོག་རྣམས་སྐུ་ཚེའི་ཚད། །གསུངས་པ་གང་ལགས་རྫོགས་པར་བགྱི། །དེ་ནས་བཅོམ་ལྡན་འདས་ཀྱིས་ལྷའི་བུ་དེ་དག་དང་། རིན་ཆེན
170b5 ཟླ་བ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ནས་ཚིགས་སུ་བཅད་པ་འདི་དག་བཀའ་སྩལ་ཏོ། །འཇིག་རྟེན་མགོན་པོ་དེ་རྣམས་ཀྱི། །མཚན་ནི་གང་ཞིག་འཛིན་བྱེད་པ། །མ་འོངས་དུས་ན་དེ་དག་ཀུན། །རྐང་གཉིས་རྣམས་ཀྱི་མཆོག་ཏུ་འགྱུར། །
170b6 ང་ཡིས་ཇི་སྐད་གསུངས་པ་བཞིན། །དྲང་སྲོང་མཆོག་བཞུགས་དེ་དག་ལྟར། །དེ་དག་ཚེ་ཡང་བསྐལ་པ་ནི། །བྱེ་བ་བསམ་ཡས་སྙེད་དུ་འགྱུར། །གང་ཞིག་སྐྱོབ་པ་དེ་དག་གི། མཚན་འདི་དག་ནི་འཛིན་འདི་ལ། །མེ་དང་ཆོམ་རྐུན་དུག་རྣམས་དང་། །
170b7 མཚོན་གྱིས་ཚུགས་པར་མི་འགྱུར་རོ། །མཚན་འདི་དག་ནི་འཛིན་བྱེད་ན། །ཆུ་ཆེན་དག་གིས་དེ་མི་འཆི། །རྒྱལ་པོའི་གནོད་པས་མ་ཡིན་ཏེ། །དེ་ནི་ནམས་ཀྱང་ཆོས་མི་སྤོང་། །མཚན་མོ་ཐུན་ཚོད་དང་པོ་དང་། །གུང་དང་ཐ་མའང་དེ་བཞིན་ཏེ། །དུས་གསུམ
170b8 དག་དུ་མཚན་སྒྲོགས་དང་། །དྲང་སྲོང་མཆོག་ནི་དེ་དག་གི། མཚན་རྣམས་སྔ་དྲོ་སྒྲོགས་བྱེད་ཅིང་། །ཉི་མའི་གུང་ལ་སྒྲོགས་བྱེད་དང་། །མཁས་པ་ནུབ་ཀར་སྒྲོགས་བྱེད་པ། །རྨི་ལམ་བཟང་པོ་མཐོང་བར་འགྱུར། །མཚན་རྣམས་བཟུང་ནས་དེ་འོག་ཏུ། །
iiif viewer powered by OpenSeadragon
