| e-texts navigator |
| Wylie |
16b1 མེད། །དེ་ནི་དམུས་ལོང་ལམ་དང་ཇི་བཞིན་དུ། །འཕགས་པའི་ལམ་དང་ཤིན་ཏུ་རིང་བས་རིང་། །གང་ཟག་མི་ལྡན་དེ་ནི་སྨྲ་བ་མང་། །རྒོད་ལ་དགའ་ཞིང་རྟག་ཏུ་དབང་པོ་གཡེངས། །དེ་ནི་བསྟན་ལ་ཆུ་རིའི་ཆུ་འོས་མིན། །དེ་ནི་གྲོང་ཟས
16b2 ལྕགས་ཀྱི་ཐུ་ལུམ་ཟ། །སྦྱིན་པ་པོ་ཡིས་དད་པས་བྱིན་པ་ན། །ལྡན་དང་གྲོལ་ལ་ང་ཡིས་གནང་བ་ཡིན། །མི་ལྡན་པས་ནི་ཁམ་ཅིག་ཟོས་ན་ཡང་། །ངོ་ལོན་རི་རབ་ཙམ་ཡང་བྱ་བ་ཡིན། །བསྟན་ལ་ཡུལ་འཁོར་ཟས
16b3 ནི་སྦྱོང་བར་དཀའ། །ལྡན་པ་གང་ཡིན་རྣམས་ཀྱང་འདི་ལ་འཛེམ། །མི་ལྡན་དེ་ཡིས་རྒོད་བཞིན་ཟོས་ན་ནི། །གླང་ཆེན་རྟ་དང་བ་ལང་བོང་བུར་སྐྱེ། །དེ་དག་དེ་ཟོས་བརྙས་པའི་གཟུགས་སུ་འགྱུར། །དེ
16b4 དག་རིད་ཅིང་ཉམ་ཆུང་སྨད་པར་འགྱུར། །ཟས་བླང་ཟོས་པས་མི་གཙང་དྲི་ངར་འགྱུར། །དེ་དག་དབྱུག་པས་བསྣུན་པས་སྦྱོང་བར་འགྱུར། །སེམས་ཀྱང་གཡེངས་ཤིང་དྲན་པ་རྣམ་པར་ཉམས། །སློང་མོ་བྱེད་ཅིང
16b5 སྨོན་པ་རྟག་ཏུ་འགྱུར། །བསྟན་པ་བསོད་ནམས་སྟེགས་འདི་ཐོབ་ན་ཡང་། །བག་མེད་གྱུར་ན་ངན་འགྲོར་ལྟུང་བར་འགྱུར། །ལོ་ནི་བྱེ་བ་ཁྲག་ཁྲིག་མཐའ་ཡས་པར། །ངན་སོང་སྡུག་བསྔལ་མང་པོ་དེ་མྱོང་ནས། །
16b6 མིའི་འཇིག་རྟེན་ཁོམ་པ་ཐོབ་པར་འགྱུར། །སྡིག་བྱས་ཕྱིར་ཡང་ངན་འགྲོར་ལྟུང་བར་འགྱུར། །ལྕགས་ཀྱི་ཐུ་ལུམ་རྒྱ་མཚོ་ཆེན་པོ་ཡི། །ནང་དུ་ལྟུང་བར་གྱུར་ན་གནས་མེད་དེ། །ལོ་ནི་བྱེ་བ་ཕྲག་སྟོང་སྙེད་དུ་ཡང་། །
16b7 རྒྱ་མཚོ་ཆེ་ལས་སླར་ནི་དབྱུང་མི་ནུས། །དེ་བཞིན་བྱིས་པ་ངན་འགྲོར་ལྟུང་བ་ཡང་། །བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ། །དེ་དག་མིར་སྐྱེ་བ་ཡང་ཐེ་ཙོམ་བཅས། །དེ་དག་མཐོ་རིས་བྱང་ཆུབ་ག་ལ་ཐོབ། །
16b8 བསམ་པ་དག་ཅིང་རྟག་ཏུ་བརྩོན་པ་དང་། །ལེགས་པར་བསྡམས་ཤིང་གཡོ་རྒྱུ་མེད་པ་དང་། །མཉམ་པའི་སེམས་ཀྱིས་བྱང་ཆུབ་ཐོབ་འགྱུར་ཏེ། །དེ་ལ་ཐམས་ཅད་མཁྱེན་ཉིད་དཀའ་བ་མེད། །
iiif viewer powered by OpenSeadragon
