| e-texts navigator |
| Wylie |
164b1 འབུམ་ཕྲག་དུ་མ་དང་ཐབས་གཅིག་ཏུ་བཞུགས་སོ། །དེ་ནས་བཅོམ་ལྡན་འདས་སྔ་དྲོའི་དུས་ཀྱི་ཚེ། ཤམ་ཐབས་དང་ཆོས་གོས་གསོལ་ཏེ། ལྷུང་བཟེད་བསྣམས་ནས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་བསོད་སྙོམས་ལ་གཤེགས་སོ། །
164b2 དེའི་ཚེ་རྒྱལ་པོ་གཟུགས་ཅན་སྙིང་པོའི་སྲས་ཁྱེའུ་རིན་ཆེན་ཟླ་བ་ཞེས་བྱ་བ་གླང་པོ་ཆེའི་ལྷག་བརྒྱད་པ་ཞེས་བྱ་བ་རིན་པོ་ཆེ་སྣ་བདུན་གྱིས་བརྒྱན་ཅིང་གསེར་གྱི་དྲ་བས་གཡོགས་པ། དྲིལ་བུ་གཡེར་ཁ་སྦྱངས་པ། གསེར་གྱིས་སྤྲས་པའི་དར་གྱི་ལྡ
164b3 ལྡི་མང་པོས་མཛེས་པར་བྱས་པ། བདུག་པས་གདུགས་པ། མེ་ཏོག་སིལ་མས་གཏོར་བ། རྒྱལ་མཚན་དང་བ་དན་སྒྲེང་བ། གདུགས་དང་ར་བས་བརྒྱན་པ། རིན་པོ་ཆེའི་ཤིང་ལྗོན་པས་མཛེས་པར་བྱས་པ། སྟིག་བུ་བདུན་གྱིས་ཁོར་ར་ཁོར་ཡུག་དག་བསྐོར
164b4 བ་ལ་ཞོན་ནས་རྒྱལ་པོའི་འབྱོར་པ་ཆེན་པོ་དང་། རྒྱལ་པོའི་མཐུ་ཆེན་པོ་དང་ལྡན་པས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ནས་བྱུང་སྟེ། སེམས་ཅན་ཐམས་ཅད་ལ་སྦྱིན་པ་དག་སྦྱིན་ཞིང་སོང་བ་ལས་གཞོན་ནུ་རིན་ཆེན་ཟླ་བས་ཐག་རིང་པོ་ཞིག་ནས་བཅོམ་ལྡན་འདས
164b5 མཛེས་པ། དད་པར་བྱ་བ། དབང་པོ་དུལ་བ། ཐུགས་དུལ་བ། ཁ་དོག་བཟང་པོ་རྒྱས་པ་མཆོག་དང་ལྡན་པ། དུལ་བ་དང་ཞི་བའི་མཆོག་།དུལ་བ་དང་ཞི་བ་དམ་པའི་ཕ་རོལ་ཏུ་ཕྱིན་པ། གཙོ་བོ་ཆེན་པོ། དབང་པོ་བསྲུང་པ། དབང་པོ་ཐུལ་བ། མཚོ་ལྟར་དང་ཞིང་གསལ་ལ་རྙོག
164b6 པ་མེད་པ། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་མངའ་བ། དཔེ་བྱད་བཟང་པོ་བརྒྱད་བཅུས་བརྒྱན་པའི་སྐུ་གསེར་གྱི་མཆོད་སྡོང་ལྟར་འཕགས་ལ་དཔལ་གྱི་མཆོག་གིས་ལམ་མེ། ལྷན་ནེ། ལྷང་ངེ་སྟེ་གཤེགས་པ་མཐོང་ངོ་། །མཐོང་ནས་ཀྱང་། སེམས
164b7 དད་པར་གྱུར་ཏོ། །སེམས་དད་པར་གྱུར་ནས་གླང་པོ་ཆེའི་སྟེང་ནས་སྐྱེན་པར་བབས་ཏེ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱིས་ཞབས་ལ་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་གོ། །
164b8 བཅོམ་ལྡན་འདས་ལ་ཞེ་ས་དང་བཅས། གུས་པ་དང་བཅས་པས་ཕྱོགས་གཅིག་ཏུ་འདུག་ནས་རྒྱལ་པོ་གཟུགས་ཅན་སྙིང་པོའི་སྲས་ཁྱེའུ་རིན་ཆེན་ཟླ་བས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ
iiif viewer powered by OpenSeadragon
