| e-texts navigator |
| Wylie |
15a1 བླངས་སོ། །དེའི་ཚེ་རྒྱལ་པོ་ཚངས་པས་བྱིན་གྱིས་བྱང་ཆུབ་སེམས་དཔའ་མཐོང་བ་དོན་ཡོད་འཁོར་ལྔ་བརྒྱའི་མལ་ཆ་དང་། སྟན་དང་། གདིང་བ་དང་། བགོ་བ་དང་། བཟའ་བ་ཐམས་ཅད་ཀྱི་ཡོ་ལང་ཡང་བཤམས་སོ། །བྱང་ཆུབ་སེམས་དཔའ
15a2 ཆེན་པོ་མཐོང་བ་དོན་ཡོད་ལ་ཡང་ཆོས་ཀྱི་མཆོད་པ་ཅི་རིགས་པར་བྱས་སོ། །དེའི་ཚེ་གནས་དེ་ན་དགེ་སློང་དྲུག་བཅུ་གནས་པར་གྱུར་ཏོ། །དེ་དག་མི་བརྩོན་པ་དང་། ཐོས་པ་ཉུང་བ་དང་། ཀུན་ནས་མནར་སེམས་མང་བ་དང་། གཞན་མཆོད་པ་དག
15a3 ལ་སེམས་སྡུག་བསྔལ་བ་དང་། བྱང་ཆུབ་སེམས་དཔའ་ཁས་ཆེ་བ་དང་། བྱང་ཆུབ་སེམས་དཔའ་དམུ་རྒོད་དང་། ཅང་ཤེས་མ་ཡིན་པ་དང་། དབང་པོ་ཁོ་རུ་ཆུད་པ་དང་། རྒོད་པ་དང་། ཁེངས་པ་དང་། རྒོད་བག་ཅན་དང་། མུ་ཅོར་སྨྲ་བ་དང་།
15a4 ཁྭ་ལྟར་སྐྲུ་བ་དང་། འཇིག་རྟེན་ཕ་རོལ་ལ་མི་ལྟ་བ་དང་། ལས་ཀྱིས་མི་འཇིགས་པ་དང་། བྲེ་མོའི་གཏམ་ལ་དགའ་བ་དང་། གཉིད་ཆེ་བ་དང་། ཆོས་མ་ཡིན་པ་འདོད་པ་དང་། ལུས་དང་། ངག་དང་། ཡིད་ཀྱི་ལས་ཀྱི་མཐའ་མ་བསྡམས་པ་དང་།
15a5 རྩོད་པ་མང་བ་དང་། ཚུལ་ཁྲིམས་དང་ལྡན་པ་ལ་སྡང་བ་དང་། གཞན་གྱི་ཤེས་པ་ལ་ཤས་ཆེར་མ་མོས་པ་དང་། ཐ་ན་སྟོན་པ་བལྟ་བར་ཡང་མངོན་པར་མི་དགའ་ན་ཚངས་པ་མཚུངས་པར་སྤྱོད་པ་གཞན་དག་ལ་ལྟ་སྨོས་ཀྱང་ཅི་དགོས་པ་ཤ་སྟག
15a6 སྟེ། དེ་དག་བྱང་ཆུབ་སེམས་དཔའ་མཐོང་བ་དོན་ཡོད་ལ་ཆོས་བཞིན་མ་ཡིན་པར་སྐུར་པ་འདེབསོ། །དེ་ཡང་དད་པ་ཆུང་ངུའི་བྲམ་ཟེ་དང་། ཁྱིམ་བདག་རྣམས་ཀྱི་ཁྱིམ་དུ་སོང་ནས་སྒྲོགས་པར་བྱེད་དེ། དེ་ཐོས་ནས་བསྐལ་པ་བྱེ་བ་ཕྲག
15a7 བརྒྱད་བཅུར་སེམས་ཅན་དམྱལ་བ་ཆེན་པོར་སྐྱེ་བ་ཡོངས་སུ་འཛིན་པར་གྱུར་ཏོ། །དེ་ནས་བྱང་ཆུབ་སེམས་དཔའ་མཐོང་བ་དོན་ཡོད་ཀྱིས་སེམས་ཅན་དེ་དག་ཉིད་ལ་སྙིང་བརྩེ་བའི་ཕྱིར། རྒྱལ་པོ་ཚངས་པས་བྱིན་ལ
15a8 མ་བསྙད་དོ། །དེའི་ཚེ་རྒྱལ་པོ་ཚངས་པས་བྱིན་གྱི་མདུན་ན་འདོན་པ་བྲམ་ཟེ་རབ་ཏུ་རྨུགས་བྱེད་ཅེས་བྱ་བ་ཞིག་བྱུང་སྟེ། དེས་དེ་ན་གནས་པའི་དགེ་སློང་རྣམས་བྱང་ཆུབ་སེམས་དཔའ་མཐོང་བ་དོན་ཡོད་དང་བྱེ་བར་བྱས་ཏེ།
iiif viewer powered by OpenSeadragon
