| e-texts navigator |
| Wylie |
148b1 བསྟོད་དོ། །འཕགས་པ་དཔལ་དབྱིག་གིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། རྫོགས་སོ།། །། རྒྱ་གར་གྱི་མཁན་པོ་སུ་རེན་ཏྲ་བོ་དྷི་དང་། པྲཛྙཱ་བར་མ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེ་ལ་སོགས་པས
148b2 བསྒྱུར་ཅིང་ཞུས་ཏེ་གཏན་ལ་ཕབ་པ། ། @#། །རྒྱ་གར་སྐད་དུ། ཨཱརྱ་རད་ན་ཛཱ་ལཱི་པ་རི་པྲིཙྪཱ་ནཱ་མ་མ་ཧཱ་ཡ་ན་སཱུ་ཏྲ། བོད་སྐད་དུ། འཕགས་པ་རིན་ཆེན་དྲ་བ་ཅན་གྱིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ།
148b3 སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་ཡངས་པ་ཅན་ན་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་གནས་ན་དགེ་སློང་གི་དགེ
148b4 འདུན་ཆེན་པོ་དང་། ཐབས་གཅིག་ཏུ་བཞུགས་ཏེ། བྱམས་པ་ལ་སོགས་པ་བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པ་རྣམས་དང་། སྐྱེ་བ་གཉིས་ཀྱིས་ཐོགས་པ་རྣམས་དང་། སྐྱེ་བ་གསུམ་གྱིས་ཐོགས་པ་རྣམས་དང་།
148b5 སྐྱེ་བ་བཞིས་ཐོགས་པ་རྣམས་དང་། སྐྱེ་བ་ལྔས་ཐོགས་པ་རྣམས་དང་། སྐྱེ་བ་བཅུས་ཐོགས་པ་རྣམས་དང་། སུམ་བཅུ་དང་། བཞི་བཅུ་དང་། སྐྱེ་བ་སྟོང་གི་བར་རྣམས་ཀྱིས་ཐོགས་པའི་བྱང་ཆུབ་སེམས་དཔའ་བྱེ་བ་ཕྲག་བཞི་བཅུ་རྩ
148b6 གཉིས་དང་། དགྲ་བཅོམ་པ་བྱེ་བ་ཕྲག་དྲུག་བཅུ་དང་། ལྷ་བྱེ་བ་ཕྲག་དགུ་བཅུ་རྩ་དགུ་ལ་འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷའི་བུ་རྣམས་དང་། རྒྱལ་པོ་ཆེན་པོ་བཞི་དང་། ལྷའི་དབང་པོ་བརྒྱ་བྱིན་དང་། མི་འཇེད་ཀྱི
148b7 བདག་པོ་ཚངས་པ་དང་། ལྷའི་བུ་ཤིན་ཏུ། བཟང་ལྡན་དང་། ལྷའི་བུ་ཟླ་བའི་འོད་དང་། ལྷའི་བུ་ཉི་མའི་འོད་དང་། ལྷའི་བུ་གྲགས་པའི་ཏོག་དང་། ལྷའི་བུ་མངོན་པར་དགའ་བ་དང་། དེ་དག་དང་གཞན་ཡང་ལྷ་བྱེ་བ་ཕྲག
148b8 དགུ་བཅུ་རྩ་དགུ་དང་། ཀླུའི་རྒྱལ་པོ་མ་དྲོས་པ་དང་། ཀླུའི་རྒྱལ་པོ་རྒྱ་མཚོ་དང་། ཀླུའི་རྒྱལ་པོ་ནོར་རྒྱས་ཀྱི་བུ་དང་། གཟི་ཅན་དང་། ཀླུའི་རྒྱལ་པོ་དགའ་བོ་དང་། ཉེ་དགའ་བོ་དང་། ཀླུའི་རྒྱལ་པོ་བཏང་ཟུང་དང་། ཀླུའི་རྒྱལ་པོ
iiif viewer powered by OpenSeadragon
