| e-texts navigator |
| Wylie |
96b1 མཚོ་དེ་བཞིན་དུ་བྱང་ཆུབ་སེམས་དཔའ་ཡང་སེམས་ཅན་ཐམས་ཅད་ཀྱི་སེམས་རང་བཞིན་གྱིས་འོད་གསལ་བར་རབ་ཏུ་ཤེས་ལ་དེ་ཡང་བློ་བུར་གྱི་ཉེ་བའི་ཉོན་མོངས་པས་ཉོན་མོངས་པ་ཅན་དུ་བྱས་པར་མཐོང་ངོ་། །
96b2 དེ་ལ་བྱང་ཆུབ་སེམས་དཔའ་འདི་སྙམ་དུ་སེམས་ཏེ། ཉོན་མོངས་པ་འདི་དག་ནི་སེམས་ཅན་རྣམས་ཀྱི་སེམས་རང་བཞིན་གྱིས་འོད་གསལ་བ་ལ་ཞུགས་པ་མེད་ཀྱི་ཉོན་མོངས་པ་དེ་དག་ནི་ཡང་དག་པ་མ་ཡིན་པ་ཀུན
96b3 བ་རྟགས་པ་ལས་བྱུང་དུ་ཟད་པས་བདག་གིས་སེམས་ཅན་དེ་དག་གི་བློ་བུར་གྱི་ཉོན་མོངས་པ་སྤང་བའི་ཕྱིར་ཆོས་བསྟན་ནུས་སོ་སྙམ་ནས་དེ་ཞུམ་པའི་སེམས་མི་སྐྱེད་ཀྱི་དེ་དེ་བས་ཀྱང་ཤས་ཆེར་སེམས་ཅན་ཐམས
96b4 ཅད་རབ་ཏུ་ཐར་བར་བྱ་བའི་སེམས་བསྐྱེད་པ་བསྐྱེད་དོ། །དེ་ཡང་འདི་སྙམ་དུ་སེམས་ཏེ། ཉོན་མོངས་པ་དེ་དག་ལ་ནི་སྟོབས་དང་མཐུ་ཅུང་ཟད་ཀྱང་མེད་དེ། ཉོན་མོངས་པ་དེ་དག་ནི་སྟོབས་མེད་པ་ཉམ་ཆུང་བ་དག
96b5 གོ། །དེ་དག་ནི་ཡང་དག་པ་ལ་ཅུང་ཟད་ཀྱང་མི་གནས་ཀྱི་ཉོན་མོངས་པ་དེ་དག་ནི་ཡང་དག་པ་མ་ཡིན་པ་ཀུན་བརྟགས་པ་དག་སྟེ། དེ་དག་ལ་ཡང་དག་པ་ཇི་ལྟ་བ་བཞིན་དུ་ཚུལ་བཞིན་ཡིད་ལ་བྱེད་པས་བརྟགས་ན
96b6 འཁྲུགས་པར་མི་འགྱུར་བས་བདག་གིས་དེ་དག་ལ་ཅི་ནས་ཀྱང་འདྲེ་བར་མི་འགྱུར་བ་དེ་ལྟ་དེ་ལྟར་བརྟག་པར་བྱའོ། །ཉོན་མོངས་པ་རྣམས་དང་མི་འདྲེ་བ་ནི་ལེགས་པ་ཡིན་གྱི་འདྲེ་བ་ནི་མ་ཡིན་ནོ། །གལ
96b7 ཏ་ཨེ་བདག་ཉོན་མོངས་པ་རྣམས་དང་འདྲེ་བར་གྱུར་ན་ཉོན་མོངས་པའི་བཅིང་བས་བཅིང་པའི་སེམས་ཅན་རྣམས་ཀྱི་ཉོན་མོངས་པའི་བཅིངས་བ་སྤང་བའི་ཕྱིར་ཇི་ལྟར་ཆོས་བསྟན་གྱིས་བདག་ཉོན་མོངས་པ་རྣམས་དང་མི
96b8 འདྲེ་བར་བྱས་ལ་ཉོན་མོངས་པའི་བཅིང་བ་སྤང་བའི་ཕྱིར་སེམས་ཅན་རྣམས་ལ་ཆོས་བསྟན་པར་བྱའོ། །བདག་སེམས་ཅན་ཡོངས་སུ་སྨིན་པར་བྱེད་པའི་ཕྱིར་གང་དག་འཁོར་བའི་རྒྱུན་བྱེད་ལ་དགེ་བའི་རྩ་བ
iiif viewer powered by OpenSeadragon
