| e-texts navigator |
| Wylie |
96a1 རང་སངས་རྒྱས་ཀྱི་ཐེག་པ་པ། གཅིག་ནི་ཐེག་པ་ཆེན་པོ་ལ་ཡང་དག་པར་ཞུགས་པ་བཙུད་ལ་དེ་དག་ཚུད་པ་དང་། གང་གིས་ཅི་འདྲ་བའི་བསམ་པ་དང་སེམས་ཀྱི་ཚོན་བསགས་པ་དེ་འདྲ་བར་དེ
96a2 ཡེ་ཤེས་ཚོན་ཡོངས་སུ་འཛིན་ཀྱང་སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པའི་སྣོད་ལ་ནི་རྣམ་པར་རྟོག་པ་གང་ཡང་མེད་དོ། །དེ་ལ་རས་ཤོག་པོའི་ཡུག་ལྟ་བུར་ནི་ཉན་ཐོས་ཀྱི་ཐེག་པ་པར་བལྟའོ། །རས
96a3 ཕྲན་གྱི་ཡུག་ལྟ་བུར་ནི་རང་སངས་རྒྱས་ཀྱི་ཐེག་པ་པར་བལྟའོ། །རིན་ཐང་མེད་པའི་རས་བཅོས་བུའི་ཟུང་ལྟ་བུར་ནི་ཐེག་པ་ཆེན་པོ་ལ་ཡང་དག་པར་ཞུགས་པར་བལྟའོ། །བློ་གྲོས་རྒྱ་མཚོ་ཆོས་རྣམས་ནི་སྙིང་པོ་མེད
96a4 པ། བྱེད་པ་པོ་མེད་པ། བདག་མེད་པ། སེམས་ཅན་མེད་པ། སྲོག་མེད་པ། གང་ཟག་མེད་པ། བདག་པོ་མེད་པ་སྟེ། འདི་ལྟར་ཇི་ལྟར་འདོད་པ་དེ་ལྟར་རྣམ་པར་སྒྲུབ་སྟེ་རྣམ་པར་བསྒྲུབས་ཀྱང་སེམས་པ་མ
96a5 ཡིན། རབ་ཏུ་རྟོགས་པ་མ་ཡིན་པ་ལ་ལྟོས། བློ་གྲོས་རྒྱ་མཚོ་ཆོས་རྣམ་པར་བསྒྲུབ་པ་འདི་ལ་མོས་པའི་བྱང་ཆུབ་སེམས་དཔའ་ནི་ཆོས་གང་ལ་ཡང་ཡོངས་སུ་སྐྱོ་བ་མི་བསྐྱེད་དོ། །དེ་དེ་ལྟར་ཡེ་ཤེས་མཐོང་བ་ཤིན་དུ་རྣམ
96a6 པར་དག་པ་ཡིན་ཏེ། འདིར་གང་ལ་ཡང་ཕན་པ་འམ་གནོད་པ་མི་བྱེད་དོ། །དེ་ལྟར་ཆོས་རྣམས་ཀྱི་ཆོས་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་ནི་སྙིང་རྗེ་ཆེན་པོའི་གོ་ཆ་དེ་ཡང་མི་འདོར་རོ། །བློ་གྲོས་རྒྱ
96a7 མཚོ་འདི་ལྟ་སྟེ་དཔེར་ན། ནོར་བུ་རིན་པོ་ཆེ་བཻ་དཱུརྱ་རིན་ཐང་མེད་པ། ཤིན་དུ་བྱང་བ། ཤིན་དུ་རྣམ་པར་དག་པ། ཤིན་དུ་དྲི་མ་མེད་པ་རྫབ་ཀྱི་ནང་དུ་བཅུག་ནས་ལོ་སྟོང་ལོན་ལ་དེ་ལོ་སྟོང་འདས་ནས་རྫབ་དེ་ནས
96a8 ཕྱུང་སྟེ་བཀྲུས་ཤིང་ཡོངས་སུ་སྦྱངས་ཏེ། བྱི་དོར་བྱས་ན་ཤིན་དུ་དག་ཅིང་ཤིན་དུ་ཡོངས་སུ་དག་ལ་ཤིན་དུ་བྱང་ནས་དེ་ཉིད་དག་པ་དྲི་མ་མེད་པའི་ནོར་བུ་རིན་པོ་ཆེའི་རང་བཞིན་མི་འདོར་རོ། །བློ་གྲོས་རྒྱ
iiif viewer powered by OpenSeadragon
