| e-texts navigator |
| Wylie |
88b1 ཅད་སངས་རྒྱས་ཀྱི་ཕྲིན་ལས་འདི་ནི་རྡོ་རྗེའི་ཚིག་སྟེ། རྡོ་རྗེའི་ཚིག་འདི་ནི་བདུད་ཀྱི་ལས་ཐམས་ཅད་ལས་ཤིན་དུ་འདའ་བར་འགྱུར་བའོ། །སྐད་ཐམས་ཅད་རྗེས་སུ་རྟོགས་པ་ལ་འཇུག་པའི་ཕྱིར་ཚིག་ཐམས་ཅད་དེ་བཞིན
88b2 གཤེགས་པའི་གསུང་འདི་ནི་རྡོ་རྗེའི་ཚིག་སྟེ། རྡོ་རྗེའི་ཚིག་འདི་ནི་ཆོས་བརྗོད་དུ་མེད་པར་རྟོགས་པར་འགྱུར་བའོ། །འཆི་འཕོ་མེད་པ་ལ་འཇུག་པའི་ཕྱིར་ཆོས་ཐམས་ཅད་མ་སྐྱེས་པ་འདི་ནི་རྡོ་རྗེའི་ཚིག་སྟེ། རྡོ་རྗེའི
88b3 ཚིག་འདི་ནི་སྐྱེ་བ་དང་རྒ་བ་དང་ན་བ་དང་འཆི་བའི་ལམ་ལས་ཤིན་དུ་འདའ་བར་འགྱུར་བའོ། །འགོག་པ་མེད་པ་ལ་འཇུག་པའི་ཕྱིར་ཆོས་ཐམས་ཅད་མ་བྱུང་བ་འདི་ནི་རྡོ་རྗེའི་ཚིག་སྟེ། རྡོ་རྗེའི་ཚིག་འདི་ནི་ཆོས་ཐམས་ཅད་སྐྱེ་བ་མེད་པ
88b4 དང་འགག་པ་མེད་པར་འགྱུར་བའོ། །བློ་གྲོས་རྒྱ་མཚོ་རྡོ་རྗེའི་ཚིག་དེ་དག་ནི་མི་ཕྱེད་པའི་ཚིག་།སྙིང་པོའི་ཚིག་།མཉམ་པའི་ཚིག་།བདེན་པའི་ཚིག་།བརྟན་པའི་ཚིག་།ཐ་དད་མེད་པའི་ཚིག་།རྗེས་སུ་འགྲོ་བའི་ཚིག་།རྒྱུན
88b5 ཆད་པ་མེད་པའི་ཚིག་། ཞི་བ་དང་རབ་ཏུ་ཞི་བ་དང་ཉེ་བར་ཞི་བའི་ཚིག་།སྐྱོན་དུ་བྱ་བ་མེད་པའི་ཚིག་།སྒྲོ་བཏགས་པ་མེད་པའི་ཚིག་།འགྲོ་བ་མེད་པ་རྟོགས་པ་ལ་འཇུག་པའི་ཚིག་།འགྲོ་བ་མེད་པའི་ཚིག་།དེ་ཁོ་ནའི་ཚིག་།
88b6 ཡང་དག་པའི་ཚིག་།སངས་རྒྱས་དང་མི་འགལ་བའི་ཚིག་།ཆོས་མི་སྤོང་བའི་ཚིག་།དགེ་འདུན་ཡོངས་སུ་སྡུད་པའི་ཚིག་།ཇི་ལྟ་བ་བཞིན་གྱི་ཚིག་།འཁོར་གསུམ་ཡོངས་སུ་དག་པའི་ཚིག་།དཔའ་བའི་ཚིག་།
88b7 ཚངས་པའི་ཚིག་།གཡོ་བ་མེད་པའི་ཚིག་།ནམ་མཁའ་དང་མཉམ་པའི་ཚིག་།བྱང་ཆུབ་ཀྱི་རྗེས་སུ་འགྲོ་བའི་ཚིག་།མཚན་མ་མེད་པའི་ཚིག་།ཆོས་ཀྱི་མཚན་ཉིད་མཚན་ཉིད་མེད་པའི་ཚིག་།སེམས་དང་ཡིད་དང་རྣམ་པར་ཤེས
88b8 པ་ལ་མི་གནས་པའི་ཚིག་། བདུད་དང་ཕྱིར་རྒོལ་བ་བཅོམ་པའི་ཚིག་།དག་ཅིང་དྲི་མ་མེད་ལ་འོད་གསལ་བའི་ཚིག་།བྱང་ཆུབ་ལ་རྣམ་པར་ལྟ་བའི་ཚིག་།ཤེས་རབ་ཀྱི་སྣང་བའི་ཚིག་།མུན་པ་མེད་ཅིང
iiif viewer powered by OpenSeadragon
