| e-texts navigator |
| Wylie |
79b1 པ་རྣམས་དང་། ལུས་དང་སེམས་རྩུབ་པས་རྟག་པར་རྒྱུན་དུ་མི་མཐུན་པར་གནས་པའོ། །གཞན་ཡང་བཞི་སྟེ། བདག་གི་ཡོན་ཏན་བརྗོད་པ་དང་། གཞན་གྱི་ཡོན་ཏན་ལོག་པར་བརྗོད་པ་དང་། ངའོ་སྙམ་པའི་ང
79b2 རྒྱལ་འབར་བ་དང་། ཁྲོ་བ་བརྟན་པའོ། །གཞན་ཡང་བཞི་སྟེ། ལེ་ལོ་དང་། སྙོམས་ལས་དང་། བཀའ་བློ་མི་བདེ་བ་དང་། འཐུན་པར་མི་འཛིན་པའོ། །གཞན་ཡང་བཞི་སྟེ། མ་དུལ་བ་དང་། མ་ཞི་བ་དང་།
79b3 མ་སྦས་པ་དང་། མ་བཏུལ་བའོ། །གཞན་ཡང་བཞི་སྟེ། ཐོས་པ་ཉུང་ངུས་གྲོང་དང་གྲོང་ཁྱེར་དང་གྲོང་རྡལ་དུ་འཇུག་པ་དང་། ཚུལ་ཁྲིམས་ཀྱི་ཕུང་པོ་ལ་མི་གནས་པར་རྙེད་པ་དང་བཀུར་སྟི་དང་ཚིགས་སུ་བཅད་པ་འདོད་པ
79b4 པ་དང་། དབང་པོ་རྣམས་ཀྱི་སྒོ་མ་བསྲུངས་པར་བུད་མེད་ལ་ལྟ་བ་དང་། མཉམ་པར་མ་བཞག་པའི་སེམས་ཀྱིས་སེམས་ཅན་གྱི་དབང་པོ་ལ་འཇུག་པའོ། །གཞན་ཡང་བཞི་སྟེ། བསྡུ་བའི་དངོས་པོ་ལ་མི་བརྩོན
79b5 པ་དང་། སེམས་ཅན་ཡོངས་སུ་སྨིན་པར་བྱ་བ་ལ་གཡེལ་བ་དང་། ཆོས་སྤོང་གི་ལས་ཀུན་ཏུ་མི་སྲུང་བ་དང་། ཆོས་སྨྲ་བའི་གང་ཟག་རྣམས་ལ་གནོད་པ་བྱེད་པའོ། །གཞན་ཡང་བཞི་སྟེ། གཏི་མུག་གིས་འདོད་པ་ཆེ་བ
79b6 དང་། ཞེ་སྡང་གིས་སྡིག་པ་འདོད་པ་དང་། འདོད་ཆགས་ཀྱིས་ཆོག་མི་ཤེས་པ་དང་། ཆགས་པས་ངོམས་མི་མྱོང་བའོ། །གཞན་ཡང་བཞི་སྟེ། མ་དད་པས་མི་འདུན་པ་དང་། སྡིག་པའི་གྲོགས་པོ་དང་སྟེན
79b7 པས་སྡིག་པ་ལ་མི་སྨོད་པ་དང་། ལེ་ལོས་དགེ་བའི་ཆོས་ཡོངས་སུ་འགྲིབ་པ་དང་། བག་མེད་པས་དགེ་བའི་རྩ་བ་བྱས་པ་རབ་ཏུ་འཇིག་པའོ། །གཞན་ཡང་བཞི་སྟེ། ནང་དུ་སོ་སོར་མི་རྟོག་པས་ངོ་ཚ་མེད་པ
79b8 དང་། སངས་རྒྱས་ལ་མི་རྟོག་པས་ཁྲེལ་མེད་པ་དང་། མཚམས་མེད་པ་དང་མཚུངས་པས་བྱས་པ་མི་གཟོ་བ་དང་། རེ་བས་བྱས་ན་མི་འཇིགས་པའོ། །གཞན་ཡང་བཞི་སྟེ། གནོད་སེམས་དང་། ཁོང་ཁྲོ་བ་དང་།
iiif viewer powered by OpenSeadragon
