| e-texts navigator |
| Wylie |
77a1 པར་བྱེད་ལ་ཁམས་གསུམ་ཡང་འགོག་པའོ། །གཞན་ཡང་གསུམ་སྟེ། མིག་སྟོང་པ་ཉིད་དང་། གཟུགས་དབེན་པ་དང་། མིག་གི་རྣམ་པར་ཤེས་པ་གནས་པ་མེད་པ་ཉིད་དོ། །གཞན་ཡང་གསུམ་སྟེ།
77a2 རྣ་བ་སྟོང་པ་ཉིད་དང་། སྒྲ་དབེན་པ་ཉིད་དང་། རྣ་བའི་རྣམ་པར་ཤེས་པ་གནས་པ་མེད་པའོ། །གཞན་ཡང་གསུམ་སྟེ། སྣ་སྟོང་པ་ཉིད་དང་། དྲི་དབེན་པ་ཉིད་དང་། སྣའི་རྣམ་པར་ཤེས་པ་གནས་པ་མེད་པའོ། །གཞན་ཡང
77a3 གསུམ་སྟེ། ལྕེ་སྟོང་པ་ཉིད་དང་། རོ་དབེན་པ་ཉིད་དང་། ལྕེའི་རྣམ་པར་ཤེས་པ་གནས་པ་མེད་པའོ། །གཞན་ཡང་གསུམ་སྟེ། ལུས་སྟོང་པ་ཉིད་དང་། རེག་བྱ་དབེན་པ་ཉིད་དང་། ལུས་ཀྱི་རྣམ་པར་ཤེས་པ་གནས་པ
77a4 མེད་པའོ། །གཞན་ཡང་གསུམ་སྟེ། ཡིད་སྟོང་པ་ཉིད་དང་། ཆོས་དབེན་པ་ཉིད་དང་། ཡིད་ཀྱི་རྣམ་པར་ཤེས་པ་གནས་པ་མེད་པའོ། །གཞན་ཡང་གསུམ་སྟེ། ཚུལ་ཁྲིམས་སྦེད་པ་དང་། ཏིང་ངེ་འཛིན་ཀུན་དུ
77a5 སྲུང་བ་དང་། ཤེས་རབ་ཀྱིས་རབ་ཏུ་རྣམ་པར་འབྱེད་པ་ཤེས་པའོ། །གཞན་ཡང་གསུམ་སྟེ། དྲན་པས་དམ་པའི་ཆོས་ཀུན་དུ་འཛིན་པ་དང་། བློ་གྲོས་ཀྱིས་ཚུལ་བཞིན་དུ་སོ་སོར་རྟོག་པ་དང་། རྟོགས་པས་དོན་གྱིས
77a6 རྣམ་པར་ཁོང་དུ་ཆུད་པའོ། །གཞན་ཡང་གསུམ་སྟེ། ཉན་ཐོས་རྣམས་ལ་འཕགས་པའི་བདེན་པའི་སྒྲའི་རྗེས་སུ་ཞུགས་པས་རྣམ་པར་གྲོལ་བའི་ཚུལ་སྟོན་པ་དང་། རང་སངས་རྒྱས་རྣམས་ལ་རྟེན་ཅིང་འབྲེལ་པར
77a7 འབྱུང་བ་ལ་རྩེ་གཅིག་ཏུ་བྱ་བས་རྣམ་པར་གྲོལ་བའི་ཚུལ་སྟོན་པ་དང་། བྱང་ཆུབ་སེམས་དཔའ་རྣམས་ལ་ཕ་རོལ་དུ་ཕྱིན་པ་དྲུག་ལ་སྤྱོད་པས་རྣམ་པར་གྲོལ་བའི་ཚུལ་སྟོན་པའོ། །གཞན་ཡང་གསུམ་སྟེ། གཏོང་བ
77a8 དང་། གཏོང་བ་ཆེན་པོ་དང་། ཤིན་དུ་གཏོང་བའོ། །དེ་ལ་གཏོང་བ་ནི་རིན་པོ་ཆེ་ཐམས་ཅད་ཡོངས་སུ་གཏོང་བའོ། །གཏོང་བ་ཆེན་པོ་ནི་ཆུང་མ་དང་། བུ་དང་། བུ་མོ་ཡོངས་སུ་གཏོང་བའོ། །ཤིན་དུ་གཏོང་བ་ལ་ནི་ལག
iiif viewer powered by OpenSeadragon
