| e-texts navigator |
| Wylie |
75b1 ཡང་གསུམ་སྟེ། ཐོས་པ་ཡོངས་སུ་ཚོལ་བ་དང་། ཐོས་པ་ལ་སོ་སོར་རྟོག་པ་དང་། བྱང་ཆུབ་ཏུ་ཡོངས་སུ་སྔོ་བའོ། །གཞན་ཡང་གསུམ་སྟེ། སེམས་ཅན་ལ་དམིགས་པའི་བྱམས་པ་དང་། ཆོས་ལ་དམིགས་པའི
75b2 བྱམས་པ་དང་། དམིགས་པ་མེད་པའི་བྱམས་པའོ། །གཞན་ཡང་གསུམ་སྟེ། རང་གིས་བྱེད་པའི་སྙིང་རྗེ་དང་། གཞན་བྱེད་དུ་འཇུག་པའི་སྙིང་རྗེ་དང་། མཐའ་གཉིས་བསལ་བའི་སྙིང་རྗེ་ཆེན་པོའོ། །གཞན་ཡང
75b3 གསུམ་སྟེ། བདག་ལ་ཕན་པའི་ཕྱིར་ཤེས་པ་ཡོངས་སུ་ཚོལ་བ་དང་། གཞན་ལ་ཕན་པའི་ཕྱིར་ཤེས་པ་ཡོངས་སུ་ཚོལ་བ་དང་། གཉི་གའི་དོན་ཡོངས་སུ་རྫོགས་པར་བྱ་བའི་ཕྱིར་བརྩོན་འགྲུས་རྩོམ་པའོ། །གཞན
75b4 ཡང་གསུམ་སྟེ། འདས་པ་ལ་ཟད་པར་ཤེས་པ་དང་། མ་འོངས་པ་ལ་མ་ཕྱིན་པར་ཤེས་པ་དང་། ད་ལྟར་བྱུང་བ་ལ་ཆོས་གནས་པ་མེད་པར་ཤེས་པའོ། །གཞན་ཡང་གསུམ་སྟེ། ངེས་པའི་སེམས་ཅན་རྣམས
75b5 ལ་རབ་ཏུ་གྲོལ་བའི་བྱམས་པ་དང་། མ་ངེས་པའི་སེམས་ཅན་རྣམས་ལ་རབ་ཏུ་གྲོལ་བའི་བྱམས་པ་དང་། ལོག་པ་ཉིད་དུ་ངེས་པའི་སེམས་ཅན་རྣམས་ལ་བསྐྱབ་པ་ཆེན་པོའི་བྱམས་པའོ། །གཞན་ཡང་གསུམ
75b6 སྟེ། འགྲོགས་ན་བདེ་བས་ལུས་ལས་སུ་རུང་བ་དང་། ཕ་རོལ་ཀུན་དུ་བསྲུང་བས་ངག་སྙན་པ་དང་། དྲང་བས་སེམས་ལས་སུ་རུང་བའོ། །གཞན་ཡང་གསུམ་སྟེ། མི་སྡུག་པ་ལ་ཡང་གནས་ལ་འདོད་ཆགས
75b7 ལ་སྤྱོད་པའི་སེམས་ཅན་དང་འགྲོགས་པ་ལ་ཡང་མི་སྨོད་པ་དང་། བྱམས་པ་ལ་ཡང་གནས་ལ་ཞེ་སྡང་ལ་སྤྱོད་པའི་སེམས་ཅན་དང་འགྲོགས་པ་ལ་ཡང་མི་སྨོད་པ་དང་། རྟེན་ཅིང་འབྲེལ་པར་འབྱུང་བ་ལ་ཡང
75b8 རྣམ་པར་ལྟ་ལ་གཏི་མུག་ལ་སྤྱོད་པའི་སེམས་ཅན་དང་འགྲོགས་པ་ལ་ཡང་མི་སྨོད་པའོ། །གཞན་ཡང་གསུམ་སྟེ། ལེགས་པར་སྤྱད་པའི་ཕྱིར་ཕན་པ་དང་། ཆོག་ཤེས་པའི་ཕྱིར་རན་པ་དང་། ཕྱིས
iiif viewer powered by OpenSeadragon
