| e-texts navigator |
| Wylie |
54a1 འགག་པ་མེད་པའི་དོན་ནི་གནས་མེད་པའི་དོན་ནོ། །དེ་ལ་འདི་སྐད་ཅེས་བྱ་སྟེ། མཚན་མ་མེད་པའི་དོན་བརྗོད་འདི། །སངས་རྒྱས་ཆོས་ཀྱི་དམ་པ་སྟེ། །སངས་རྒྱས་ཆོས་དོན་བསྟན
54a2 པ་ནི། །འཆི་འཕོ་མེད་པའི་ཚིག་ཅེས་བྱ། །འཆི་འཕོ་མེད་དོན་ཞི་བའི་དོན། །རྣམ་པར་དབེན་པའི་དོན་དུ་བསྟན། །དབེན་པའི་དོན་ནི་སྟོང་པའི་དོན། །སྟོང་པའི་དོན་ནི་གནས་མེད་དོན། །གནས་མེད
54a3 དོན་ནི་དེ་ཁོ་ན། །དེ་ཉིད་དོན་ནི་དེ་བཞིན་ཉིད། །ཤིན་ཏུ་སྐྱེ་དང་བྲལ་བ་ནི། །འགག་པ་མེད་པའི་དོན་དུ་བསྟན། །འགག་པ་མེད་དོ་གནས་མེད་དོན། །གནས་པ་མེད་པའི་ཆོས་དོན་ཚིག་།ཆོས་དབྱིངས
54a4 ཇི་ལྟར་གནས་པ་ལྟར། །ཆོས་རྣམས་ཐམས་ཅད་དེ་ལྟར་གནས། །ཆོས་ཀུན་ཇི་ལྟར་གནས་པ་ལྟར། །སངས་རྒྱས་ཆོས་རྣམས་དེ་ལྟར་གནས། །ཇི་ལྟར་སངས་རྒྱས་ཆོས་གནས་ལྟར། །སློབ་པའི་ཆོས
54a5 རྣམས་དེ་ལྟར་གནས། །ཆགས་མེད་ཆོས་ནི་མཚུངས་པའི་དོན། །དེ་ལྟར་དེ་དག་གཞན་མེད་གནས། །རང་སངས་རྒྱས་ཀྱི་ཆོས་རྣམས་ཀྱང་། །འདིར་ནི་མཉམ་པ་ཇི་བཞིན་གནས། །དེ་ལྟའི་གནས་ལ་གནས
54a6 པའི་ཆོས། །སངས་རྒྱས་ཆོས་ཏེ་བླ་ན་མེད། །སངས་རྒྱས་ཆོས་རྣམས་དེ་དག་ནི། །ཡུལ་དང་ཕྱོགས་ན་གནས་པ་མེད། །སྐྱེ་བ་དང་ནི་འཇིག་པ་ཡིས། །ནམ་ཡང་རབ་ཏུ་ཕྱེ་བ་མིན། །གང་དུའང་ཆོས་རྣམས
54a7 དེ་དག་ལ། །དབྱིབས་དང་ཁ་དོག་རྙེད་མི་འགྱུར། །མཚན་མ་མེད་ཅིང་རྟགས་མེད་པར། །སངས་རྒྱས་ཆོས་རྣམས་རབ་ཏུ་བསྟན། །ཆོས་ཀུན་རང་བཞིན་གང་ཡིན་པ། །སངས་རྒྱས་ཆོས་རྣམས་དེ་ལྟའི་ཚུལ། །དེས་ན
54a8 དེ་དག་མཉམ་པར་བསྟན། །ཁྱད་པར་མེད་དེ་མཚན་ཉིད་མེད། །སངས་རྒྱས་ཆོས་རྟོགས་འདོད་པ་ཡིས། །ཆོས་རྣམས་ཀུན་ལ་བལྟ་བར་བྱ། །གང་ཚེ་ཅུང་ཟད་མི་དམིགས་པ། །དེ་ཚེ་རྣམ་པར་བལྟས་པ་ཡིན། །སངས་རྒྱས
iiif viewer powered by OpenSeadragon
