| e-texts navigator |
| Wylie |
52a1 ཤེས་པ། །རྩོམ་པ་ལྷག་པའི་ཚུལ་ཁྲིམས་སློབ་ཅེས་བྱ། །རྟུལ་བའི་ཚུལ་ཁྲིམས་ལྷོད་པ་མེད་པ་ཡིན། །ལྷག་པའི་སེམས་སློབ་འདི་ནི་སོ་སོར་རྟོག་།ལྷག་པའི་ཤེས་རབ་སློབ་པ་བསྒྲུབ་པ་མཆོག་།
52a2 རྩོམ་པ་སྦྱིན་དང་དེ་བཞིན་ཚུལ་ཁྲིམས་ཡིན། །རྟུལ་བ་བཟོད་དང་དེ་བཞིན་བརྩོན་འགྲུས་སོ། །སོ་སོར་རྟོག་འདི་བསམ་གཏན་ཤེས་རབ་སྟེ། །བསྒྲུབ་པ་ཡེ་ཤེས་དང་ནི་དེ་བཞིན་ཐབས། །རྩོམ་པའི་འཇིག་རྟེན་ཟང
52a3 ཟིང་ཆོས་སྦྱིན་པ། །སྙན་པར་སྨྲ་བ་དེ་ནི་རྟུལ་བ་ཡིན། །དོན་དཔྱོད་གང་ཡིན་དེ་ནི་སོ་སོར་རྟོག་།བསྒྲུབ་པ་དོན་འཐུན་པ་སྟེ་སྙིང་པོ་ཡིན། །རྩོམ་པ་གང་ཡིན་བྱམས་པ་ཡོངས་སུ་དག་།རྟུལ་བ་དེ་ནི་སྙིང་རྗེ་ལྡན
52a4 པ་ཡིན། །དགའ་བ་ཆོས་ལ་སོ་སོར་རྟོག་པ་སྟེ། །བཏང་སྙོམས་ཡེ་ཤེས་བསྒྲུབ་པར་བརྗོད་པ་ཡིན། །རྩོམ་པ་ཞིང་ནི་རྣམ་པར་སྦྱོང་བ་སྟེ། །རྟུལ་བ་མཚན་རྣམས་ཡོངས་སུ་རྫོགས་པར་བྱེད། །སོ་སོར་རྟོག་པ
52a5 དམ་ཆོས་ཡོངས་སུ་འཛིན། །བསྒྲུབ་པ་སེམས་ཅན་ཡོངས་སུ་སྨིན་པར་བྱེད། །རྩོམ་པ་གང་ཡིན་ཕུང་པོ་བདུད་སེལ་བ། །རྟུལ་བ་ཉོན་མོངས་བདུད་ནི་ཚར་གཅོད་པ། །སོ་སོར་རྟོག་པ་འཆི་བདག་ཚར་གཅོད་དེ། །
52a6 སྙིང་པོ་བསྒྲུབ་པ་བདུད་ཀྱིས་ཅི་བྱར་ཡོད། །རྩོམ་པ་སྡུག་བསྔལ་ཡོངས་སུ་ཤེས་པ་སྟེ། །སྲིད་པའི་གནས་མེད་འདི་ནི་རྟུལ་བ་ཡིན། །ལམ་སྒོམ་གང་ཡིན་དེ་ནི་སོ་སོར་རྟོག་།འགོག་པ་ཤེས་པ་བསྒྲུབ་པར་བརྗོད་པ་ཡིན། །རྩོམ་པ
52a7 ལུས་ལ་དྲན་པ་བཅིངས་པ་མེད། །རྟུལ་བ་ཚོར་བ་ལ་ནི་ལྟ་བ་མེད། །སེམས་ལ་དྲན་པ་འདི་ནི་སོ་སོར་རྟོག་།ཆོས་ལ་དྲན་པ་བསྒྲུབ་པ་དམ་པ་ཡིན། །རྩོམ་པ་དད་པའི་སྟོབས་དང་དེ་དབང་པོ། །རྟུལ་བ་བརྩོན་འགྲུས་སྟོབས་དང་མཐུ་ཡིན་ཏེ། །
52a8 དྲན་དང་ཏིང་འཛིན་དབང་པོ་སོ་སོར་རྟོག་།ཤེས་རབ་དབང་པོ་བསྒྲུབ་པར་བརྗོད་པ་ཡིན། །རྩོམ་པ་མི་དགེ་རྣམ་པར་སྤོང་ཞེས་བརྗོད། །རྟུལ་བ་གང་ཡིན་དགེ་བ་ཆུད་མི་གསོན། །ལུས་དང་སེམས་ཀྱང་གང་ཡིན་སོ་སོར་རྟོག་།བསྒྲུབ་པ་རྫུ
iiif viewer powered by OpenSeadragon
