| e-texts navigator |
| Wylie |
51b1 རྟུལ་བ་དེ་དག་ཐག་རིང་སྤོང་བ་སྟེ། །སོ་སོར་རྟོག་པ་ནང་ནི་ཞི་བ་ཡིན། །བསྒྲུབ་པ་བདག་དང་གཞན་དུ་དམིགས་པ་མེད། །རྩོམ་པ་ལེ་ལོའི་དྲི་མ་སེལ་བ་སྟེ། །རྟུལ་བ་བརྩོན་འགྲུས་སྟོབས་དང་མཐུ་ཡིན་ནོ། །
51b2 ལེ་ལོ་ཅན་དག་སྨིན་བྱེད་སོ་སོར་རྟོག་།དེ་བྱེད་ཆོས་ལ་བཟོད་པ་བསྒྲུབ་པ་ཡིན། །རྩོམ་པ་བྱ་བ་ཡང་དག་སྒྲུབ་བྱེད་པ། །རྟུལ་བ་བྱ་བ་ཉམས་འོག་ཆུད་པར་བྱེད། །ཐེག་པ་གཞན་ལ་མི་རེ་སོ་སོར་རྟོག་།
51b3 བསྒྲུབ་པ་ལས་རྣམས་ཆུད་མི་གསོན་པ་ཡིན། །རྩོམ་པ་ཡང་དག་དྲན་དང་ཤེས་བཞིན་ཅན། །རྟུལ་བ་ཆོས་རྟོགས་པ་ལ་འཇུག་པ་ཡིན། །བློ་གྲོས་ཀུན་ཏུ་ག་བསྲུངས་པ་སོ་སོར་རྟོག་།བསྒྲུབ་པ་དེ་ལ་མོས
51b4 ཤིང་འགྱུར་བ་མེད། །རྩོམ་པ་རིག་པ་རྟུལ་བ་ཚུལ་ཡིན་ཏེ། །སོ་སོར་རྟོག་པ་དེ་ནི་ཆོས་སྒོ་ཡིན། །བསྒྲུབ་པ་དེ་ནི་འབྱུང་བ་རབ་ཏུ་ཤེས། །འདི་དག་བརྩོན་འགྲུས་བརྩམས་པའི་སྦྱོར་བ་ཡིན། །རྩོམ་པ་ཚིག་འབྲུ་ཀུན
51b5 ཏུ་འཛིན་པ་ཏེ། །རྟུལ་བ་བསྟན་པ་ཡང་དག་སྟོན་པར་བྱེད། །སོ་སོར་རྟོག་པ་སྒྲ་ནི་སེལ་བྱེད་པ། །བསྒྲུབ་པ་ཆོས་རྣམས་བརྗོད་པ་མེད་པ་ཉིད། །རྩོམ་པ་དགེ་བའི་བཤེས་གཉེན་བསྟེན་པ་ཡིན། །རྟུལ་བ་སྡིག་པའི
51b6 གྲོགས་པོ་རྣམ་པར་སྤོང་། །ཐོས་ནས་ཆོས་ཉིད་ལ་ནི་སོ་སོར་རྟོག་།བསྒྲུབ་པ་ཆོས་རྣམས་དང་ནི་འགལ་མི་བྱེད། །རྩོམ་པ་སངས་རྒྱས་བསྟན་ལ་རབ་ཏུ་འབྱུང་། །རྟུལ་བ་དགའ་བ་ཐམས་ཅད་སྤོང་བ་ཡིན། །
51b7 དགེ་ལ་གནས་པ་གང་ཡིན་སོ་སོར་རྟོག་།ཆོས་རྣམས་འགལ་བ་མེད་པ་བསྒྲུབ་པ་ཡིན། །རྩོམ་པ་དགོན་པར་དགའ་བ་གང་ཐོབ་པ། །རྟུལ་བ་འདུ་འཛི་རྣམ་པར་སྤོང་བ་ཡིན། །དབེན་པར་གནས་པར་དགའ་བ་སོ
51b8 སོར་རྟོག་། བསྒྲུབ་པ་གང་ཡིན་ཉོན་མོངས་མེད་པར་གནས། །རྩོམ་པ་འདོད་པ་ཆུང་ཞིང་བཀའ་བློ་བདེ། །རྟུལ་བ་དེ་ནི་ཆོག་ཤེས་གྱུར་པ་ཡིན། །དེས་པར་གང་གྱུར་དེ་ནི་སོ་སོར་རྟོག་།བསྒྲུབ་པ་གང་ཡིན་རུང་བའི་ཚོད
iiif viewer powered by OpenSeadragon
