| e-texts navigator |
| Wylie |
51a1 བདག་ནི་དེ་ལ་རབ་ཏུ་ནན་ཏན་བགྱིད། །དེ་ཡི་བསམ་པ་མཁྱེན་ནས་ཆོས་རྗེ་དེས། །བརྩོན་འགྲུས་ལས་བརྩམས་ཡོན་ཏན་རབ་གསུང་པ། །རྩོམ་པ་དང་ནི་དེ་བཞིན་རྟུལ་བ་དང་། །རྟག་ཏུ་སོ་སོར
51a2 རྟོག་དང་བསྒྲུབ་པའོ། །རྩོམ་པ་དེ་ནི་བྱང་ཆུབ་སེམས་ཤེས་བྱ། །རྟུལ་བ་དགེ་བ་སྟོང་དག་སྒྲུབ་བྱེད་པ། །སོ་སོར་རྟོག་པ་སེམས་ཅན་ཕན་པའི་དངོས། །བསྒྲུབ་པ་དེ་བྱེད་ཆོས་ལ་བཟོད་པ་ཡིན། །རྩོམ་པ་གུས་པར
51a3 བྱས་ཏེ་ཐོས་ཚོལ་བ། །རྟུལ་བ་བརྟན་པ་ཡང་དག་སྟོན་བྱེད་པ། །སོ་སོར་རྟོག་པ་འདི་ནི་ཚུལ་བཞིན་བརྗོད། །བསྒྲུབ་པ་གང་ཚེ་ཡང་དག་ལྟ་སྐྱེ་བ། །རྩོམ་པ་སེར་སྣའི་དྲི་མ་སེལ་བ་ཡིན། །རྟུལ་བ
51a4 བདོག་པ་ཐམས་ཅད་ཡོངས་གཏོང་བ། །སོ་སོར་རྟོག་པ་རྫོགས་པའི་བྱང་ཆུབ་སེམས། །བསྒྲུབ་པ་གང་ཚེ་རྣམ་པར་མི་རིག་པ། །རྩོམ་པ་གཏོང་བ་ཆེན་པོ་གང་བསྒྲུབས་པ། །རྟུལ་བ་སོང་བ་རྣམས་ལ་བྱམས་བྱེད་པ། །
51a5 སོ་སོར་རྟོག་འདི་ལོངས་སྤྱོད་མི་རྟག་སྙམ། །བསྒྲུབ་པ་བྱིན་ནས་གདུང་བ་མེད་པ་ཡིན། །རྩོམ་པ་ཆོས་ཀྱིས་ལོངས་སྤྱོད་གང་ཚོལ་བ། །རྟུལ་བ་དེ་ནི་འཚོ་བ་དག་པ་ཡིན། །བདག་གིས་སྙིང་པོ་བླངས་སྙམ་སོ་སོར་རྟོག་།
51a6 བསྒྲུབ་པ་སྦྱིན་པ་སྦྱིན་པས་རློམ་སེམས་མེད། །རྩོམ་པ་འཆལ་བའི་ཚུལ་ཁྲིམས་དྲི་མ་སེལ། །རྟུལ་བ་ཚུལ་ཁྲིམས་བརྟུལ་ཞུགས་ཉམས་པ་མེད། །ཚུལ་ཁྲིམས་འཆལ་པའི་སྦྱིན་བྱེད་སོ་སོར་རྟོག་།བསྒྲུབ་པ
51a7 གང་ཚེ་ཚུལ་ཁྲིམས་རློམ་སེམས་མེད། །རྩོམ་པ་དག་ནི་ཡོངས་སུ་དག་པ་སྟེ། །རྟུལ་བ་ལུས་ནི་ཡོངས་སུ་དག་པ་ཡིན། །སོ་སོར་རྟོག་པ་གང་ཡིན་འདི་སེམས་དག་།བསྒྲུབ་པ་གང་ཡིན་ཆོས་རྣམས་ཡོངས་སུ་དག་།
51a8 རྩོམ་པ་གནོད་སེམས་གོ་སྐབས་མེད་པ་ཡིན། །རྟུལ་བ་བཟོད་པའི་སྟོབས་ནི་ཉེ་བར་སྟོན། །སོ་སོར་རྟོག་པ་བདག་དང་གཞན་སྲུང་བྱེད། །བསྒྲུབ་པ་གང་ཚེ་རློམ་སེམས་གང་མེད་པ། །རྩོམ་པ་གཤེ་ལ་རྟག་ཏུ་དད་བྱེད་པ། །
iiif viewer powered by OpenSeadragon
