| e-texts navigator |
| Wylie |
50b1 པའི་སྔོན་བྱུང་བའི་ལེའུ་འདི་བཤད་པ་ན་བྱང་ཆུབ་སེམས་དཔའ་ལྔ་སྟོང་གིས་མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པར་གྱུར་ཏོ། །ལྷ་དང་མིའི་སྐྱེ་དགུའི་སྲོག་ཆགས་བདུན་སྟོང་གི་བླ་ན་མེད་པ་ཡང་དག་པར་རྫོགས་པའི
50b2 བྱང་ཆུབ་ཏུ་སེམས་བསྐྱེད་དོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །ངས་དྲན་སྔ་མ་འདས་པའི་དུས་ན་ནི། །བསྐལ་པ་མེ་ཏོག་འབྱུང་གནས་བལྟ་སྡུག་ལ། །
50b3 ཤིན་དུ་རྣམ་བལྟས་འཇིག་རྟེན་ཁམས་མཆོག་ཏུ། །བརྩོན་འགྲུས་འབར་བའི་བདེ་བར་གཤེགས་པ་བྱུང་། །བསྐལ་པ་དེ་ལ་རྒྱལ་བ་གང་བྱུང་བ། །དེ་དག་བརྒྱད་ཁྲི་བཞི་སྟོང་ཐམ་པའོ། །འཇིག་རྟེན
50b4 ཁམས་ནི་དགའ་ལྡན་གནས་འདྲ་སྟེ། །མི་ཡི་བཟའ་དང་བཏུང་བ་བསམས་པས་འབྱོར། །བུད་མེད་ཡོད་མིན་མངལ་ན་གནས་པ་མིན། །སེམས་ཅན་ཐམས་ཅད་བརྫུས་ཏེ་སྐྱེ་བར་གྱུར། །དེ་དག་དམན
50b5 པ་གྲགས་པར་མ་གྱུར་ཏེ། །ཐམས་ཅད་བདག་ཉིད་ཆེ་བའི་ཐེག་ཆེན་ཞུགས། །ཤིན་ཏུ་རྣམ་བལྟས་འཇིག་རྟེན་ཁམས་བལྟའི་ཕྱིར། །བྱང་ཆུབ་སེམས་དཔའ་ཕྱོགས་བཅུ་ནས་ལྷགས་པ། །དེ་དག
50b6 དགའ་བའི་རྣམ་པའི་ཏིང་འཛིན་ཐོབ། །སྔོན་ཆད་མ་མཐོང་བ་ཡི་བདེ་བ་མྱོང་། །རྐང་གཉིས་ཀྱི་ནི་ཚོགས་གྱུར་གྲགས་ཆེན་པོ། །བྱེ་བ་ཕྲག་ནི་སུམ་བཅུ་རྩ་དྲུག་ཡོད། །གཞན་ཡང་ལྷ་དང་མི་ནི་མང་པོ
50b7 དག་། སངས་རྒྱས་ཐེག་པ་མཆོག་ལ་ཞུགས་པར་གྱུར། །ཡོན་ཏན་ཡེ་ཤེས་རྒྱ་མཚོ་དྲང་སྲོང་ཆེ། །དེ་ནི་བརྩོན་འགྲུས་བསྔགས་པ་ཡང་ཡང་བརྗོད། །དེ་ནས་བརྩོན་འགྲུས་བརྟན་པ་མཁས་པ་དེ། །
50b8 ལངས་ནས་དོན་འདི་ཉིད་ནི་རྒྱལ་ཞུས། །བྱང་ཆུབ་སེམས་དཔའ་བརྩོན་འགྲུས་བརྩམས་གྱུར་པ། །ཇི་ཙམ་གྱིས་ནི་བརྩོན་འགྲུས་སྟོབས་ལ་གནས། །དེ་དོན་བཅོམ་ལྡན་བདག་ལ་བཤད་དུ་གསོལ། །
iiif viewer powered by OpenSeadragon
