| e-texts navigator |
| Wylie |
49a1 གཞན་ཡང་བཅོམ་ལྡན་འདས་དེ་བཞིན་གཤེགས་པ་བརྩོན་འགྲུས་འབར་བ་དེས། བྱང་ཆུབ་སེམས་དཔའ་གོ་ཆ་སྲ་བ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་བརྩོན་འགྲུས་དེ་ནི་གང་ལུས
49a2 དང་སེམས་ཡོངས་སུ་སྦྱངས་པའོ། །བརྩོན་འགྲུས་དེ་ནི་གང་རྒྱུ་དང་ལྟ་བ་དང་བྲལ་བའོ། །བརྩོན་འགྲུས་དེ་ནི་གང་མིང་དང་གཟུགས་ཡོངས་སུ་ཤེས་པའོ། །བརྩོན་འགྲུས་དེ་ནི་གང་ངར་འཛིན་པ་དང་། ང་ཡིར་འཛིན
49a3 པ་འགོག་པའོ། །བརྩོན་འགྲུས་དེ་ནི་གང་འཛིན་པ་དང་། འཆིང་བ་འདོར་བའོ། །བརྩོན་འགྲུས་དེ་ནི་གང་སྒྲིབ་པ་རྣམས་དང་ཀུན་ནས་ལྡང་བ་རྣམས་རྣམ་པར་སེལ་བའོ། །བརྩོན་འགྲུས་དེ་ནི་གང་འགྱོད་པ་དང་ཐེ་ཙོམ
49a4 སྤོང་བའོ། །བརྩོན་འགྲུས་དེ་ནི་གང་མདུད་པ་རྣམས་དང་ཟུག་ངུ་རྣམས་ཡང་དག་པར་སེལ་བའོ། །བརྩོན་འགྲུས་དེ་ནི་གང་དམིགས་པ་དང་། རྒྱུན་ཆད་པ་ལས་ཤིན་ཏུ་འདའ་བའོ། །བརྩོན་འགྲུས་དེ་ནི་གང་ང་རྒྱལ་དང
49a5 མངོན་པའི་ང་རྒྱལ་རྣམ་པར་སྤོང་བའོ། །བརྩོན་འགྲུས་དེ་ནི་གཞི་དང་གནས་ལས་ཤིན་དུ་འདའ་བའོ། །བརྩོན་འགྲུས་དེ་ནི་གང་རྗེས་སུ་ཆགས་པ་དང་། ཁོང་ཁྲོ་སྤོང་བའོ། །བརྩོན་འགྲུས་དེ་ནི་གང་མ་རིག་པ་དང་།
49a6 སྲིད་པའི་སྲེད་པ་རབ་ཏུ་སྦྱངས་པའོ། །བརྩོན་འགྲུས་དེ་ནི་གང་ཆགས་པ་དང་ཞེ་སྡང་ཀུན་ཏུ་མི་རྒྱུ་བའོ། །བརྩོན་འགྲུས་དེ་ནི་གང་གཏི་མུག་དང་སོ་སོར་མི་རྟོག་པ་དང་བྲལ་བའོ། །བརྩོན་འགྲུས་དེ་ནི་གང་ནང་དང་ཕྱིའི་སྐྱེ་མཆེད
49a7 རྣམས་ཡོངས་སུ་ཤེས་པའོ། །བརྩོན་འགྲུས་དེ་ནི་གང་ཕུང་པོ་དང་ཁམས་རྣམས་གདོད་མ་ནས་སྐྱེ་བ་མེད་པའོ། །བརྩོན་འགྲུས་དེ་ནི་གང་སེམས་ཞི་བ་དང་རབ་ཏུ་ཞི་བ་དང་ཉེ་བར་ཞི་བའོ། །བརྩོན་འགྲུས་དེ་ནི་གང་རྣམ
49a8 པར་བསམས་ན་ཆོས་ཐམས་ཅད་མི་དམིགས་པའོ། །བརྩོན་འགྲུས་དེ་ནི་གང་གཉིས་སུ་མེད་ཅིང་གཉིས་སུ་དབྱེར་མེད་པའོ། །བརྩོན་འགྲུས་དེ་ནི་གང་ཆོས་ཉིད་གནས་པར་ཤེས་པའོ། །བརྩོན་འགྲུས་དེ་ནི་གང
iiif viewer powered by OpenSeadragon
