| e-texts navigator |
| Wylie |
35b1 བྱང་ཆུབ་སེམས་དཔའ་བདུད་ཕྱིར་རྒོལ་བ་བཅོམ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་རྒྱ་མཚོ་གང་གི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་ཡོངས་སུ་འཛིན་པ
35b2 ཐམས་ཅད་དོན་དུ་མི་གཉེར་བ་དེའི་ཚེ་བདུད་ཕྱིར་རྒོལ་བ་བཅོམ་པ་ཡིན་ནོ། །གང་གི་ཚེ་མཚན་མ་དང་དམིགས་པ་ཐམས་ཅད་དོན་དུ་མི་གཉེར་བ་དེའི་ཚེ་བདུད་ཕྱིར་རྒོལ་བ་བཅོམ་པ་ཡིན་ནོ། །བློ་གྲོས་རྒྱ་མཚོ
35b3 བདུད་ནི་བཞི་པོ་འདི་དག་སྟེ། བཞི་གང་ཞེ་ན། ཕུང་པོའི་བདུད་དང་། ཉོན་མོངས་པའི་བདུད་དང་། འཆི་བདག་གི་བདུད་དང་། ལྷའི་བུའི་བདུད་དེ་བཞི་པོ་འདི་དག་ནི་བདུད་དོ། །དེ་ལ་སྒྱུ་མའི་ཆོས་སུ་སོ་སོར
35b4 རྟོགས་པས་ཕུང་པོའི་བདུད་འཇོམས། །སྟོང་པ་ཉིད་ངེས་པར་སེམས་པ་ལ་སོ་སོར་རྟོགས་པས་ཉོན་མོངས་པའི་བདུད་འཇོམ་མོ། །སྐྱེ་བ་མེད་པ་དང་འབྱུང་བ་མེད་པར་སོ་སོར་རྟོགས་པས་འཆི་བདག་གིས
35b5 བདུད་འཇོམ་མོ། །ང་རྒྱལ་གྱིས་སྒྲོ་བཏགས་པ་ཐམས་ཅད་འགོག་པར་འགྱུར་བའི་ལམ་གྱིས་ལྷའི་བུའི་བདུད་འཇོམ་མོ། །གཞན་ཡང་སྡུག་བསྔལ་ཡོངས་སུ་ཤེས་པས་ཕུང་པོའི་བདུད་འཇོམ་མོ། །
35b6 ཀུན་འབྱུང་བ་སྤོང་བས་ཉོན་མོངས་པའི་བདུད་འཇོམ་མོ། །འགོག་པ་མངོན་སུམ་དུ་བྱེད་པས་འཆི་བདག་གི་བདུད་འཇོམ་མོ། །ལམ་སྒོམ་པས་ལྷའི་བུའི་བདུད་འཇོམ་མོ། །གཞན་ཡང་འདུ་བྱེད
35b7 ཐམས་ཅད་ལ་སྡུག་བསྔལ་དུ་སོ་སོར་རྟོགས་པས་ཕུང་པོའི་བདུད་འཇོམ་མོ། །འདུ་བྱེད་ཐམས་ཅད་ལ་མི་རྟགས་པར་སོ་སོར་རྟོགས་པས་ཉོན་མོངས་པའི་བདུད་འཇོམ་མོ། །ཆོས་ཐམས་ཅད་ལ་བདག
35b8 མེད་པར་སོ་སོར་རྟོགས་པས་འཆི་བདག་གི་བདུད་འཇོམ་མོ། །མྱ་ངན་ལས་འདས་པ་ལ་ཞི་བར་སོ་སོར་རྟོགས་པས་ལྷའི་བུའི་བདུད་འཇོམ་མོ། །བློ་གྲོས་རྒྱ་མཚོ་གཞན་ཡང་གང་གི་ཚེ་བྱང་ཆུབ་སེམས་དཔའ
iiif viewer powered by OpenSeadragon
