| e-texts navigator |
| Wylie |
30b1 བའི་ཕྱག་རྒྱ་དྲི་མེད་གཡོ་བ་མེད། །དེའི་རྩ་བའི་གནས་ནི་དབྱེ་བ་མེད་པའི་གཟུངས། །བྱམས་པ་དང་ནི་སྙིང་རྗེ་སྒོམ་པ་ཟུང་དུ་འབྲེལ། །དེས་ན་འགྲོ་བ་ཀུན་གྱིས་བཀུར་ཀྱང་དགའ་བ་མེད། །སྟི་སྟང་མ་བྱས
30b2 ཡི་འཆད་མེད་དེ་མཉམ་པའི་བློ། །དེ་ནི་མཉམ་པའི་ཆོས་ལས་ཡེ་ཤེས་སྐྱེས་གྱུར་ནས། །གཏི་མུག་མུན་པ་ཐམས་ཅད་བཅོམ་སྟེ་རྨོངས་པ་མེད། །ཡེ་ཤེས་ལྡན་པ་ཡིན་གྱིས་ང་རྒྱལ་ལྡན་པ་མིན། །ངེས་བསམ་མཉམ
30b3 ཆོས་ཤེས་ནས་ཤིན་དུ་རྣམ་པར་དག་། མཁས་པ་ལུས་ངག་ཡིད་ཀྱིས་ལས་ནི་གང་བྱེད་པ། །ཐམས་ཅད་ཤེས་པས་བྱས་ཏེ་འགྲོ་ལ་བདེ་བ་བྱེད། །དེ་ལུས་རྣམ་པར་དག་པ་སེམས་ཅན་མང་པོས་མཐོང་། །རྒྱལ་བའི
30b4 ཡེ་ཤེས་རྡུལ་མེད་བླ་ན་མེད་པ་སྨོན། །དེའི་སྤྱོད་ལམ་རྟག་ཏུ་བསྡམས་ཏེ་འཁྲུལ་པ་མེད། །ལྷུན་ཀྱིས་གྲུབ་སྟེ་ཐ་མར་མི་རྟོག་རྣམ་རྟོག་མེད། །ལུས་ཀྱི་ཉེས་པ་མཐའ་ཡས་ཇི་ཙམ་གང་བརྗོད་པ། །དེ་དག་དེ་ལ་ཆད
30b5 དེ་གདོད་ནས་སྐྱེས་པ་མེད། །དེ་ལུས་མཚན་གྱིས་བརྒྱན་ཏེ་ཤིན་ཏུ་རྣམ་པར་ཕྱེ། །དེའི་རྐང་མཐིལ་འཇམ་ཞིང་བསོད་ནམས་རྣམས་ལས་བྱུང་། །དབང་པོ་ཐམས་ཅད་ཡོངས་སུ་རྫོགས་པས་ལུས་མཛེས་ཀྱང་། །
30b6 མཁས་པ་གཟུགས་ཀྱིས་རྒྱགས་པས་རློམ་སེམས་བྱེད་པ་མེད། །དམན་ཞིང་དབུལ་བས་སྡུག་བསྔལ་སེམས་ཅན་མང་པོ་གང་། །དེ་དག་ལ་ཡང་གུས་བཅས་འདུད་ཅིང་རབ་ཏུ་འདུད། །བདག་ནི་ཆོས་འཛིན་གྱུར་ཅིག་སྙམ་སྟེ་ང
30b7 རྒྱལ་མེད། །ཆོས་མཉན་དེས་ནི་བྱང་ཆུབ་དམ་པ་ཐོབ་པར་འགྱུར། །དེ་ཡིས་རང་གི་ལུས་ཀྱི་ཆོས་ཉིད་ཤེས་ནས་ནི། །དེའི་སེམས་ཅན་ཀུན་ལུས་དེ་ལྟར་རྟོགས་པས་ན། །དེ་ནི་ཆོས་ལུས་རྡུལ་དང་བྲལ་བ་ཐོབ
30b8 འགྱུར་ཏེ། །ཟང་ཟིང་ལུས་མིན་ཉོན་མོངས་རྣམས་ལས་ཤིན་ཏུ་གྲོལ། །རྟག་ཏུ་ཏིང་འཛིན་སྤྱོད་ཡུལ་བསམ་གཏན་ཟས་ཅན་འགྱུར། །གཟི་བརྗིད་ཆེན་པོ་ལ་ནི་ཟང་ཟིང་ལུས་མི་སྲིད། །སེམས་ཅན་དོན
iiif viewer powered by OpenSeadragon
