| e-texts navigator |
| Wylie |
24b1 པུ་བགྲོད་ལམ་མཉམ་པ་ཉིད། །ལམ་གྱི་ཤེས་པ་རབ་ཏུ་རྟོགས། །ངེས་པའི་དོན་གྱི་དོན་རྣམས་མཐོང་། །བློ་ནི་དོན་གྱི་རྗེས་སུ་ཞུགས། །སྐད་ནི་སྐད་མེད་ཁོང་དུ་ཆུད། །སྒྲ་རྣམས་ཀུན་ལ་སྔོན་མཐའ་དང་། །ཕྱི་མའི
24b2 མཐའ་མར་ཡོངས་སུ་གཅོད། །དོན་དང་ཚིག་འབྲུ་རྣམས་ལ་མཁས། །ཆོས་རྣམས་གཉིས་སུ་མེད་པར་རྟོགས། །བརྗོད་དུ་མེད་པའི་དོན་ལ་ནི། །འདི་ཉིད་ཡང་དག་ཁོང་དུ་ཆུད། །སྐྱེ་བ་མེད་པར་སྡུག་བསྔལ
24b3 ཤེས། །ཀུན་འབྱུང་བ་ལ་མཉམ་པའི་བློ། །འགོག་པ་ཤེས་པ་ཟད་པར་བསྟན། །ལམ་ཤེས་པ་ནི་འདུས་མ་བྱས། །ལུས་དང་ཚོར་བ་སེམས་དང་ནི། །ཆོས་ལ་ཆོས་སུ་རྗེས་སུ་རྟོགས། །དྲན་མེད
24b4 ཡིད་ལ་བྱེད་མེད་པའི། །དྲན་པ་ཉེ་བར་གཞག་པ་སྟོན། །ཆོས་ཀྱི་དབྱིངས་ནི་དབྱིངས་མིན་པར། །ཡང་དག་ཉིད་ནི་མཉམ་པས་མཉམ། །སྤོང་བས་སྤང་དུ་མེད་པ་ནི། །ཡང་དག་སྤོང་བར་རབ་ཏུ་བསྟན།
24b5 སེམས་ལ་དབང་ནི་ཐོབ་པ་ཡི། །རྫུ་འཕྲུལ་རྐང་པ་རབ་ཏུ་བསྟན། །ཆགས་པ་ཀུན་ལས་རབ་འདས་པ། །དེ་ནི་དད་པའི་དབང་པོ་ཡིན། །ཆོས་རྣམས་ཐམས་ཅད་རྣམ་དབེན་པ། །དེ་ནི་བརྩོན་འགྲུས་དབང
24b6 པོ་ཡིན། །དྲན་པ་མེད་ཅིང་དྲན་འཇུག་པ། །དེ་ནི་དྲན་པའི་དབང་པོ་ཡིན། །ཆོས་རྣམས་ཡིད་ལ་མི་བྱེད་པ། །དེ་ནི་ཏིང་འཛིན་དབང་པོ་ཡིན། །སྤྲོས་ལས་ཤིན་དུ་རབ་འདས་པ། །དེ་ནི་ཤེས་རབ་དབང་པོ
24b7 ཡིན། །ཡང་དག་ཉིད་ནི་རྟོགས་ནས་དེ། །གཞན་གྱི་དད་པས་འགྲོ་མ་ཡིན། །སེམས་ནི་གཡོ་བ་ཡོད་མིན་པ། །དད་པའི་སྟོབས་ནི་འདི་འདྲའོ། །ཡང་དག་ཤེས་ལས་ཉམས་པ་མེད། །དྲན་པའི་སྟོབས
24b8 ནི་འདི་འདྲའོ། །ཏིང་ངེ་འཛིན་གྱི་སྟོབས་མཛོད་ནི། །དེས་པར་སེམས་ལ་དགའ་བ་ཡིན། །མི་རྟོག་རྣམ་པར་མི་རྟོག་པ། །ཤེས་རབ་སྟོབས་ནི་འདི་འདྲའོ། །ཆོས་རྣམས་རྟོགས་པའི་དོན་དུ་ནི། །བྱང་ཆུབ་ཡན
iiif viewer powered by OpenSeadragon
