| e-texts navigator |
| Wylie |
22b1 དགའ་བ་ཡང་དག་བྱང་ཆུབ་ཀྱི་ཡན་ལག་དབའ་རླབས་མེད་པ་དང་། རབ་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ལུས་དང་སེམས་ལ་ཞུགས་པ་དང་། ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་མཉམ
22b2 པ་ཉིད་ཁོང་དུ་ཆུད་པ་དང་། བཏང་སྙོམས་ཡང་དག་བྱང་ཆུབ་ཀྱི་ཡན་ལག་གཉིས་དང་བྲལ་བ་དང་། ཡང་དག་པའི་ལྟ་བ་ལྟ་བ་ཐམས་ཅད་སྤོང་བ་དང་། ཡང་དག་པའི་རྟོག་པ་རྟོག་པ་དང་རྣམ་པར་རྟོག་པ་དང་།
22b3 ཡོངས་སུ་རྟོག་པ་ཐམས་ཅད་དང་བྲལ་བ་དང་། ཡང་དག་པའི་ངག་སྒྲ་སྐད་ཐམས་ཅད་མཉམ་པ་ཉིད་ལ་འཇུག་པ་དང་། ཡང་དག་པའི་ལས་ཀྱི་མཐའ་ལུས་དང་། སེམས་ཀྱི་ལས་དང་བྲལ་བ་དང་། ཡང་དག
22b4 པའི་འཚོ་བ་ཚོལ་བ་ཐམས་ཅད་རྒྱུན་བཅད་པ་དང་། ཡང་དག་པའི་རྩོལ་བ་འདེག་པ་མེད་ཅིང་འཇོག་པ་མེད་པ་དང་། ཡང་དག་པའི་དྲན་པ་དགེ་བ་དང་མི་དགེ་བའི་རྣམ་པར་རིག་པ་ལ་མི་འཇུག་པ་དང་། ཡང་དག
22b5 པའི་ཏིང་ངེ་འཛིན་སེམས་ཀྱི་དམིགས་པ་མཉམ་པ་ཉིད་ལ་འཇུག་པ་དང་། ཞི་བ་ཞི་གནས་ཀྱི་མཐར་སོང་བ་དང་། ལྷག་མཐོང་ལྟ་བ་རྣམ་པར་དག་པ་དང་། སྐྱེ་བ་མེད་པའི་དོན་མི་རྟག་པའི་དོན་དང་། གདོད་མ
22b6 ནས་སྐྱེ་བ་མེད་པའི་དོན་སྡུག་བསྔལ་གྱི་དོན་དང་། རྒྱུ་བ་མེད་པའི་དོན་བདག་མེད་པའི་དོན་དང་། ཉེ་བར་ཞི་བའི་དོན་ཞི་བའི་དོན་དང་། དུལ་བས་སྦྱིན་པ་དང་། བསིལ་བའི་དངོས་པོར་གྱུར་པའི་ཚུལ་ཁྲིམས་དང་།
22b7 ཟད་པའི་ཆོས་དང་ལྡན་པའི་བཟོད་པ་དང་། ཤིན་དུ་རྣམ་པར་ཕྱེ་བས་རྣམ་པར་འབྱེད་པའི་བརྩོན་འགྲུས་དང་། ནད་ཉེ་བར་ཞི་བའི་བསམ་གཏན་དང་། ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པའི་མཚན
22b8 ཉིད་ཀྱི་ཤེས་རབ་དང་། སེམས་ཅན་གདོད་མ་ནས་རྣམ་པར་དག་པའི་བྱམས་པ་དང་། ནམ་མཁའ་དང་མཚུངས་པའི་སྙིང་རྗེ་དང་། དགའ་བ་མེད་པའི་དགའ་བ་དང་། རྩོད་པ་ཐམས་ཅད་རྒྱུན་བཅད་པའི་བཏང
iiif viewer powered by OpenSeadragon
