| e-texts navigator |
| Wylie |
19b1 པོའི་འཇིག་རྟེན་གྱི་ཁམས་སུ་ཆོས་ཀྱི་གཏམ་ཆེན་པོ་བརྗོད་པར་བྱ། བདག་གིས་སེམས་ཅན་ཐམས་ཅད་མགྲོན་དུ་གཉེར་ལ་ཆོས་ཀྱི་སྦྱིན་པས་ཚིམ་པར་བྱའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད
19b2 དང་། བདག་དང་གཞན་གྱི་སེམས་རིག་པའི་ལྷ་རྣམས་ཀྱིས་བྱང་ཆུབ་ཏུ་བསམ་པ་རིག་པས་བདག་གིས། ཐམས་ཅད་མཁྱེན་པའི་སེམས་ཀྱི་གནོད་པ་བཟོད་པར་བྱའོ། །སངས་རྒྱས་རྣམས་དང་ལྷ་རྣམས་དང
19b3 སེམས་ཅན་ཐམས་ཅད་དང་བདག་ལ་སླུ་བར་མི་བྱའོ་སྙམ་པ་འདི་ལྟ་བུ་ནི། བློ་གྲོས་རྒྱ་མཚོ་བྱང་ཆུབ་སེམས་དཔའི་སེམས་ཀྱི་གནོད་པ་བཟོད་ཅིང་། ཐེག་པ་ཆེན་པོ་དེ་ལས་མི་ཕྱེད་པ་སྟེ། བློ་གྲོས་རྒྱ་མཚོ་འདི
19b4 ནི་ཐམས་ཅད་མཁྱེན་པར་སེམས་བསྐྱེད་པ་རིན་པོ་ཆེ་དེའི་གནོད་པ་བཟོད་པའོ། །བཟོད་པའི་ཕ་རོལ་དུ་ཕྱིན་པའི་གོ་ཆ་གང་ཡིན་པ་དེ་ནི་བརྩོན་འགྲུས་ཀྱི་ཕ་རོལ་དུ་ཕྱིན་པ་གོང་ན་མེད་པ་གང་ཡིན་པ་དང་། ཕ་རོལ་ཏུ་ཕྱིན་པ
19b5 འདི་གཉིས་ཡོངས་སུ་རྫོགས་པར་བྱེད་པ་འདི་ནི་བྱང་ཆུབ་སེམས་དཔའི་སེམས་ཀྱི་གནོད་པ་བཟོད་པའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །བྱང་ཆུབ་ལམ་ལས
19b6 བསམ་པ་མི་ཕྱེད་ཅིང་། །དེ་ནི་སྙིང་རྗེ་ལས་ཀྱང་ཕྱེད་མ་ཡིན། །བདག་གིས་དཀོན་མཆོག་གསུམ་པོ་བསྲུང་བར་བྱ། །སངས་རྒྱས་ཆོས་རྣམས་ཡང་དག་བསྒྲུབ་པར་བྱ། །སུམ་བཅུ་རྩ་གཉིས་ཁྱད་འཕགས
19b7 མཚན་དང་དཔེ་བྱད་བཟུང་། །གང་དག་གིས་ནི་སྟོབས་བཅུ་རྣམས་ཀྱིས་ལུས་མཛེས་པ། །དེ་དག་ཡོངས་སུ་བཙལ་ཕྱིར་མཆོད་སྦྱིན་བྱེ་བ་བྱེད། །གནོད་པ་ཤིན་དུ་རྣམ་མང་བཟོད་ཅིང་ཡོན་ཏན་ཕྱུག་།བརྒྱ་ཕྲག
19b8 མཐའ་ཡས་ཞིང་རྣམས་དེ་དག་བདག་གིས་སྦྱང་། །རིན་ཆེན་ཆོས་མཆོག་འདི་དག་བདག་གིས་བསྲུང་བར་བྱ། །བརྒྱ་ཕྲག་མཐའ་ཡས་སེམས་ཅན་དེ་དག་བདག་གིས་དགོལ། །དེས་གནོད་པ་བཟོད་ཅིང་བསམ་པ
iiif viewer powered by OpenSeadragon
