| e-texts navigator |
| Wylie |
12a1 པ་དང་། གསོ་བ་སླ་བས་འཕགས་པའི་རིགས་ཆོག་ཤེས་པ་དང་། བླ་མ་དང་སྦྱིན་གནས་རྣམས་ལ་འདུད་ཅིང་རབ་ཏུ་འདུད་པ་དང་། ང་རྒྱལ་མེད་པས་ཁེངས་པ་དང་རྩོད་པ་རྣམ་པར་སྤོང་བ་དང་། སེམས
12a2 ངེས་པར་སེམས་པས་ང་རྒྱལ་ལས་ཀྱང་ང་རྒྱལ་རྣམ་པར་སྤོང་བ་དང་། རྙོག་པ་མེད་པས་སེམས་གསལ་བ་དང་། བདག་ལ་མི་བསྟོད་པས་བདག་ཤེས་པ་ལ་འཇུག་པ་དང་། གཞན་ལ་མི་སྨོད་པས་སེམས་ཅན
12a3 རྗེས་སུ་སྲུང་བ་དང་། སྨན་གྱི་སེམས་ཀྱིས་ཆོས་ལ་གུས་པ་དང་། དེའི་དོན་སོ་སོར་མྱོང་བས་ཆོས་དོན་དུ་གཉེར་བ་དང་། དེ་ལ་གཞོལ་འབབ་པས་ཆོས་འདོད་པ་དང་། ཉོན་མོངས་པ་མེད་པ་ལ་གནས་པས
12a4 ཆོས་ལ་དགའ་བ་དང་། ཆོས་མ་ཡིན་པ་རྣམ་པར་སྤོང་བས་ཆོས་ཡོངས་སུ་ཚོལ་བ་དང་། རྟག་ཏུ་ངོ་ཚ་ཤེས་པས་དཀོན་མཆོག་གསུམ་ལ་དད་པ་རྒྱུན་མི་འཆད་པ་དང་། ལས་ཀྱི་རྣམ་པར་སྨིན་པ་ལ་ཡིད་ཆེས་པས་དགེ
12a5 བ་ཐམས་ཅད་ཡིད་ལ་བྱེད་པའི་བྱ་བ་ལ་འཇུག་པ་དང་། དྲང་བས་སྤྱོད་ལམ་སྦས་པ་དང་། ཁེངས་པ་མེད་པས་མཉེན་པ་དང་། ཞི་གནས་ཡོངས་སུ་ཚོལ་བས་རྒོད་པ་དང་བྲལ་བ་དང་། བློ་བརྟན་པས་སྙོམ་ལས
12a6 མེད་པ་དང་། རབ་ཏུ་མི་གཡོ་བས་སེམས་རི་དང་མཚུངས་པ་དང་། རྗེས་སུ་ཆགས་པ་དང་ཁོང་ཁྲོ་བ་དང་བྲལ་བས་སེམས་ས་དང་མཚུངས་པ་དང་། བསམ་པ་དག་པས་སེམས་ཆུ་དང་མཚུངས་པ་དང་། རློམ་སེམས
12a7 མེད་པས་སེམས་མེ་དང་མཚུངས་པ་དང་། གནས་མེད་པས་སེམས་རླུང་དང་མཚུངས་པ་དང་། ཤིན་དུ་དྲི་མ་མེད་པས་སེམས་ནམ་མཁའ་དང་མཚུངས་པ་དང་། སངས་རྒྱས་ཀྱི་ཚུལ་འཁྲུགས་པ་མེད་པའི
12a8 ཕྱིར་རབ་ཏུ་འབྱུང་བ་ལ་གཞོལ་བ་དང་། ལུས་དབེན་པའི་ཕྱིར་དགོན་པ་ལ་དགའ་བ་དང་། སེམས་དབེན་པའི་ཕྱིར་ཆོས་ལ་སྤྱོད་པ་དང་། དེ་བྱེད་ཅིང་ཡང་དག་པར་སྒྲུབ་པའི་ཕྱིར་ཚིག་བདེན་པ་དང་། ཁ་འོག་ཏུ་ལུས
iiif viewer powered by OpenSeadragon
