| e-texts navigator |
| Wylie |
205b1 དཔའ་ཆེན་པོ་བྱམས་པ་དང་། དེ་དག་ལ་སོགས་པ་བྱང་ཆུབ་སེམས་དཔའ་ཁྲི་ཐམས་ཅད་ཀྱང་། བཟོད་པ་དང་། གཟུངས་དང་། ཏིང་ངེ་འཛིན་ཐོབ་པ། ཆོས་ཐམས་ཅད་ལ་སྒྲིབ་པ་མེད་པའི་ཡེ་ཤེས་ཅན། སེམས་ཅན་ཐམས་ཅད་ལ་སེམས
205b2 མཉམ་པ། བདུད་ཀྱི་ཡུལ་ཐམས་ཅད་ལས་ཡང་དག་པར་འདས་པ། དེ་བཞིན་གཤེགས་པ་ཐམས་ཅད་ཀྱི་ཡུལ་ལ་འཇུག་པ། ཤེས་པ་ལ་མཁས་པ། བྱམས་པ་ཆེན་པོ་དང་། སྙིང་རྗེ་ཆེན་པོ་དང་ལྡན་པ་ཐབས་ཤེས་པ་ལ་མཁས་པ། ཤ་སྟག
205b3 དང་ཡང་ཐབས་ཅིག་གོ། །དེའི་ཚེ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ན་ཀུན་ཏུ་རྒྱུ་མཁས་པ་གསལ་བ། ཡིད་གཞུངས་པ། རིག་པའི་གནས་བཅུ་བརྒྱད་ཀྱི་ཕ་རོལ་ཏུ་ཕྱིན་པ། གཡོག་ལྔ་བརྒྱ་དང་། གཅིག་གི་མིང་ནི་ཉེ་རྒྱལ། གཅིག་གི་མིང་ནི
205b4 པང་ནས་སྐྱེས་ཞེས་བྱ་བ་གཉིས་ཤིག་འཁོད་དོ། །ཚོགས་ཀྱི་གཙོ་བོ་གཡོག་གི་ཚོགས་ཅན་དེ་གཉིས་ཕན་ཚུན་འདི་ལྟར་བདག་ཅག་ལས་གང་གིས་ཐོག་མར་བདུད་རྩི་ཐོབ་པ་དེས་ཅིག་ལ་ཅིག་སྦྲིན་ཏོ། །ཞེས་དམ་ཚིག་བྱས་སོ། །དེ་ནས་ཚེ་དང་ལྡན་པ་རྟ་ཐུལ་སྔ་དྲོའི་དུས་ཀྱི
205b5 ཚེ། ཤམས་ཐབས་དང་ཆོས་གོས་བགོས། ལྷུང་བཟེད་ཐོགས་ནས། རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་ཞུགས་པ་དང་། ཀུན་ཏུ་རྒྱུ་ཉེ་རྒྱལ་གྱི་ཚེ་དང་ལྡན་པ་རྟ་ཐུལ་སྤྱོད་ཡུལ་དུ་ཞུག་ནས་རྒྱལ་པོའི་ཁབ
205b6 ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་སོང་བ་མཐོང་ངོ་། །མཐོང་ནས་དེ་འདི་སྙམ་དུ་སེམས་ཏེ། ཅི་ལྟར་དགེ་སྦྱོང་འདིའི་སྤྱོད་ལམ་མཛེས་པ་དེ་ལྟ་བུ་ནི་བདག་གི་སྔོན་ཅད་དགེ་སྦྱོང་ངམ། བྲམ་ཟེ་འམ་མིར་གྱུར་པ་གཞན་སུ་ལ་ཡང་གང་ལ་ཡང་སྔོན
205b7 མ་མཐོང་ན། བདག་དེའི་གན་དུ་སོང་སྟེ། ཚེ་དང་ལྡན་པ་ཁྱོད་ཀྱི་བསྟན་པ་གང་ཡིན། གང་ལས་རབ་ཏུ་བྱུང་། གང་གིས་ཆོས་ལ་དགའ་ཞེས་འདྲིའོ། །སྙམ་ནས་ཀུན་ཏུ་རྒྱུ་ཉི་རྒྱལ་ཚེ་དང་ལྡན་པ་རྟ་ཐུལ་ག་ལ་བ་དེར་སོང་སྟེ་ཕྱིན་ནས། ཚེ་དང
205b8 ལྡན་པ་རྟ་ཐུལ་དང་ལྷན་ཅིག་ཏུ་མངོན་དུ་ཡང་དག་པར་དགའ་བར་བྱ་བ་དང་། ཡང་དག་པར་མགུ་བར་བྱ་བའི་གཏམ་སྣ་ཚོགས་བྱས་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས། ཀུན་ཏུ་རྒྱུ་ཉི་རྒྱལ་གྱིས་ཚེ་དང་ལྡན་པ་རྟ་ཐུལ་ལ་འདི
iiif viewer powered by OpenSeadragon
