| e-texts navigator |
| Wylie |
205a1 @##། །རྒྱ་གར་སྐད་དུ། ཨཱརྱ་མ་ཧཱ་སན་ནི་པཱ་ཏ་རཏྣ་ཀེ་ཏུ་དྷ་ར་ཎཱི་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་འདུས་པ་ཆེན་པོ་རིན་པོ་ཆེ་ཏོག་གི་གཟུངས་ཞེས་བྱ་བ་ཐེག་པ་ཆེན་པོའི་མདོ། དེ་བཞིན་གཤེགས་པ་འོད་ཞི་སྤོས་སྣང་དཔལ་ལ་ཕྱག་འཚལ
205a2 ལོ། །ཚངས་པ་ཆེན་པོ་དབྱངས་ཅན་ལ་ཕྱག་འཚལ་ལོ། །དེ་ལ་ཕྱག་འཚལ་སྟེ། བདུད་ཀྱི་འཁོར་གྱིས་མི་ཐོབ་བོ། །ཞེས་བྱ་བའི་གཟུངས་འདི་སྦྱོར་བར་བགྱིས། བདག་གིས་རིག་སྔགས་འདི་གྲུབ་པར་གྱུར་ཅིག་འདི་ལྟ་སྟེ། ཨ་བཱ་མེ་ཨ་བཱ་མེ།
205a3 ཨ~ཾ་བ་རེ། ཨ~ཾ་བ་རེ། པ་རི་ཀུན་ཛ་ན་ཊ་ན་ཊ་པུ་སྐ་ར་བ་ཧ་ཛ་ལུ་ཁ། ཁ་མ་ཁ་ཡ། ཨི་ལི་མི་ལི། ཀི་ལི་མི་ལི། ཀིརྟི་པ་ར། མུ་དྲེ་མུ་དྲ་མུ་ཁེ་སྭཱ་ཧཱ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ཀྱི་གྲོང
205a4 ཁྱེར་ཆེན་པོ་འོད་མའི་ཚལ། བྱ་ཀ་ལན་ད་ཀ་གནས་པ་ན། དགེ་སློང་སྟོང་དུ་ཚང་བའི་དགེ་སློང་གི་དགེ་འདུན་ཆེན་པོ་ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། ཉོན་མོངས་པ་མེད་པ། དབང་དང་ལྡན་པར་གྱུར་པ། སེམས་ཤིན
205a5 ཤིན་ཏུ་རྣམ་པར་གྲོལ་བ། ཤེས་རབ་ཤིན་ཏུ་རྣམ་པར་གྲོལ་བ། ཅང་ཤེས་པ་གླང་པོ་ཆེན་པོ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རབ་ཏུ་ཐོབ་པ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི
205a6 ཤེས་པས། སེམས་ཤིན་དུ་རྣམ་པར་གྲོལ་བ། སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་དུ་སོན་པ་ཤ་སྟག་དང་། ཐབས་གཅིག་ཏུ་བཞུགས་སོ། །བྱང་ཆུབ་སེམས་དཔའ་ཁྲིའི་བྱང་ཆུབ་སེམས་དཔའི་དགེ་འདུན་ཆེན་པོ་ལ་འདི་ལྟ་སྟེ།
205a7 ལྷུན་པོའི་རྩེ་འཛིན་གཞོན་ནུར་གྱུར་པ་དང་། ཆུ་ལྷའི་བློ་གྲོས་གཞོན་ནུར་གྱུར་པ་དང་། བཟང་པོའི་བློ་གྲོས་གཞོན་ནུར་གྱུར་པ་དང་། རྒྱལ་བའི་བློ་གྲོས་གཞོན་ནུར་གྱུར་པ་དང་། འོད་ཀྱི་བློ་གྲོས་གཞོན་ནུར་གྱུར་པ་དང་། ནམ་མཁའི་བློ་གྲོས་གཞོན
205a8 ནུར་གྱུར་པ་དང་། གློག་གི་བློ་གྲོས་གཞོན་ནུར་གྱུར་པ་དང་། འཇམ་དཔལ་གཞོན་ནུར་གྱུར་པ་དང་། ཐུབ་ཀ་གཞོན་ནུར་གྱུར་པ་དང་། ཆུ་ལྷ་གཞོན་ནུར་གྱུར་པ་དང་། དྲི་མེད་གཞོན་ནུར་གྱུར་པ་དང་། བྱང་ཆུབ་སེམས་དཔའ་སེམས
iiif viewer powered by OpenSeadragon
