| e-texts navigator |
| Wylie |
159b1 དག་སྨྲས་སོ། །འཇིག་རྟེན་རྣམས་ཀྱི་དེད་དཔོན་གང་ཡིན་པ། །གང་གིས་འཇིག་རྟེན་བདེ་བ་སྩོལ་མཛད་ཅིང་། །སེམས་ཅན་རྣམས་ཀྱི་སྦྱིན་གནས་གང་ཡིན་པ། །ཐུབ་པ་དེ་ནི་དེ་རིང་མྱ་ངན་འདའ། །ཡེ་ཤེས་འབྱུང་གནས
159b2 རབ་རིབ་མུན་བཅོམ་ཞིང་། །འཇིག་རྟེན་སྲོག་ཆགས་རྣམས་ཀྱི་ཕ་དང་མ། །དེ་བཞིན་སྐྱབས་དང་དཔུང་གཉེན་གང་ཡིན་པ། །ཐུབ་པ་དེ་ནི་དེ་རིང་མྱ་ངན་འདའ། །ཟུག་རྔུ་འབྱིན་མཛད་སྡིག་མེད་ཉོན་མོངས་མེད། །གསོ་མཛད་དམ
159b3 པ་སྨན་པ་ཆེན་པོ་སྟེ། །མི་དགེའི་ཟུག་རྔུ་འབྱིན་མཆོག་གང་ཡིན་པ། །ཐུབ་པ་དེ་ནི་དེ་རིང་མྱ་ངན་འདའ། །གང་ཞིག་སེམས་ཅན་ཆགས་དང་སྡང་བས་བཅོམ། །རྨོངས་པས་ཟིལ་ནོན་རྒ་དང་འཆི་ལ་ཆགས། །འགགས་འགལ
159b4 ལམ་ལོག་ཞུགས་པ་གཟིགས་ནས་ནི། །འཇིག་རྟེན་ཐུགས་རྗེ་བསྐྱེད་ནས་ཆོས་སྟོན་ཅིང་། །གང་ཞིག་བདུད་སྡེ་རབ་གཏུམ་དྲག་པོའི་གཟུགས། །སྣ་ཚོགས་གཟུགས་ཅན་མཚོན་སྲ་རྡོ་རྗེ་ཐོགས། །ཁ་ཅིག་འཇིགས་པ་དུ་མ
159b5 རྣམ་སྟོན་ཅིང་། །གཞན་དག་སྣ་ཚོགས་བྲག་ཐོགས་འཁོད་གྱུར་པ། །དེ་འདྲར་རྣམ་མང་དྲག་པོའི་གཟུགས་ཅན་གྱི། །སྡེ་དག་གཟིགས་ཀྱང་མི་གཡོ་མི་འགུལ་བ། །བདུད་ཀྱི་སྡེ་བཅོམ་འཇིག་རྟེན་མགོན་པོ་དེ། །ས་ལའི
159b6 ཚལ་དུ་དེ་རིང་མྱ་ངན་འདའ། །གང་གིས་ཕྱག་གཡས་རབ་ཏུ་བརྐྱང་མཛད་དེ། །རི་རབ་རྩེ་འདི་གྲོང་བཅས་གཡོ་མཛད་ཅིང་། །ཆོས་ཀུན་མངའ་བརྙེས་རྣམ་འདྲེན་དྲང་སྲོང་དེ། །སཱ་ལའི་ཚལ་དུ་མྱ་ངན་འདའ་བར་འགྱུར། །གང་གིས
159b7 བརྡབས་པ་ཕྱོགས་བཅུར་བསམ་ཡས་པའི། །སྒྲ་བསྒྲགས་མཁྱེན་པའི་ཕ་རོལ་བྱོན་གྱུར་པ། །སྟོན་པ་སེམས་ཅན་རྣམས་ཀྱི་སྙིང་པོ་དེ། །ས་ལའི་ཚལ་དུ་དེ་རིང་མྱ་ངན་འདའ། །གང་གིས་སྟོབས་ལྡན་སྡེར་བཅས་སྐྲག
159b8 མཛད་ཅིང་། །མི་གཡོ་མྱ་ངན་མེད་པ་འདུས་མ་བྱས་པ་བརྙེས། །སྲོག་ཆགས་རྣམས་ལ་ཕན་ཕྱིར་འཁོར་ལོ་བསྐོར་མཛད་ཅིང་། །ཐུབ་པས་བདེན་པ་བཞི་དག་རབ་ཏུ་བསྟན། །གང་ཞིག་ཆོ་འཕྲུལ་བསམ་གྱིས་མི
iiif viewer powered by OpenSeadragon
