| e-texts navigator |
| Wylie |
158b1 རྔུ་ཡིས། །ཀུན་ནས་ཟུག་པ་ཇི་ལྟར་གནས། །མི་མཆོག་བསྐལ་པར་བཞུགས་སུ་གསོལ། །འཁོར་བཞིའི་ནང་དུ་མཆིས་ནས་ནི། །སྟོན་པ་མྱ་ངན་འདའ་འགྱུར་ཞེས། །ཇི་ལྟར་བརྗོད་བགྱི་མི་ཡི་མཆོག་།ཐུབ་ཆེན
158b2 བསྐལ་པར་བཞུགས་སུ་གསོལ། །སྒྲོན་མ་ཆེན་པོའི་འཇིག་རྟེན་དུ། །ཤིན་ཏུ་མྱུར་བར་ནུབ་འགྱུར་ཏེ། །འཇིག་རྟེན་འདི་དག་རབ་མྱུར་བར། །ལྡོངས་པ་ཉིད་དུ་འགྱུར་ལགས་སོ། །མི་མཆོག་བདག་ནི་གཡར་ངན་འདི།
158b3 དགེ་སློང་རྣམས་ལ་སྨྲར་མི་སྤྲོ། །གང་ལ་གཡར་ངན་མ་མཆིས་པ། །གཞན་ཞིག་མངག་པར་བཀའ་སྩལ་གསོལ། །བཅོམ་ལྡན་འདས་ཀྱིས་བཀའ་སྩལ་པ། གོའུ་ཏ་མའི་བུ་འདུ་བྱེད་ཐམས་ཅད་མི་རྟག་པ་ཡིན་གྱིས
158b4 མྱ་ངན་མ་བྱེད་པར་ཐོང་ཅིག་། དེ་ནས་བཅོམ་ལྡན་འདས་ཀྱིས་དེའི་ཚེ་ཚེ་དང་ལྡན་པ་ཀུན་དགའ་བོ་ལ་ཕྱིར་ཚིགས་སུ་བཅད་དེ་བཀའ་སྩལ་པ། བྱེ་བ་མཐའ་ཡས་ལྷ་རྣམས་ཀྱིས། །དེ་རིང་སངས་རྒྱས་འདའ་ཐོས་ནས། །གཞལ
158b5 མེད་ཁང་དག་སྤངས་ནས་ནི། །མྱ་ངན་བྱེད་ཅིང་སྨྲེ་སྔགས་འདོན། །ང་འདས་ཕྱི་ན་དགེ་སློང་དག་།མ་མཐོང་མྱ་ངན་བྱེད་མ་གཞུག་།འདི་ནི་རིམ་གྲོ་བྱེད་པའི་ལས། །སོང་ལ་དགེ་སློང་རྣམས་ཀྱང་སྦྲོན། །དེའི་ཚེ་ཚེ་དང་ལྡན
158b6 པ་མ་འགགས་པ་རི་རབ་ཀྱི་སྤོ་ལ་སུམ་ཅུ་རྩ་གསུམ་པའི་ལྷ་རྣམས་ལ་ཆོས་སྟོན་ཅིང་འདུག་གོ། །ཚེ་དང་ལྡན་པ་མ་འགགས་པས་ལྷའི་མིག་རྣམ་པར་དག་པ་མི་ལས་ཤིན་ཏུ་འདས་པས་ལྷའི་བུ་དབང་ཆེ་བ་དབང་ཆེ་བར་གྲགས
158b7 པ་རྣམས་རང་རང་གི་གཞལ་མེད་ཁང་དག་ནས་མི་སྣང་བར་གྱུར་པ་མཐོང་ཞིང་ལྷ་རྣམས་ཀྱི་སྨྲེ་སྔགས་འདོན་པའི་སྒྲ་ཆེན་པོ་དག་ཀྱང་ཐོས། རང་གི་འཁོར་རྣམས་ཀྱང་སྲབས་པར་མཐོང་ངོ་། །དེ་ནས་ཚེ་དང་ལྡན་པ་མ་འགགས
158b8 པས་དེའི་ཚེ་བསམས་ཏེ། ལྷའི་མིག་གིས་ལྷའི་བུ་འཁོར་དང་བཅས་པ་དེ་དག་ཡི་ཆད་ཅིང་རང་རང་གི་འདོད་པའི་དགའ་བ་དག་སྤངས་ཏེ། རིངས་པ་རིངས་པར་གང་དུ་དོང་ཞིང་འདོང་བར་བྱེད་ཅེས་འཇིག་རྟེན་ལ་རྣམ་པར་བལྟས
iiif viewer powered by OpenSeadragon
