| e-texts navigator |
| Wylie |
158a1 པའི་ཆོས་ཅན་ཡིན། །སྟོན་པས་དེ་དག་རབ་མཁྱེན་ནས། །དགེ་སློང་རྣམས་ལ་དེ་ཡང་བཤད། །ཀུན་དགའ་ཚུར་ཤོག་ཁྱོད་སོང་ལ། །ངའི་ཉན་ཐོས་རྣམས་ལ་སྨྲོས། །ལྷའི་མིག་གི་མཐར་ཕྱིན་པ། །
158a2 གནས་བརྟན་ཆེན་པོ་མ་འགགས་དང་། །གནས་བརྟན་ཆེན་པོ་ཀ་ཏའི་བུ། །གནས་བརྟན་གང་པོ་རབ་འབྱོར་དང་། །གསུས་པོ་ཆེ་ནི་ཆེན་པོ་དང་། །བ་ལང་བདག་དང་དགའ་བྱེད་དང་། །གྲོ་ཞིན་དོན་ཡོད་རྒྱལ་པོ་དང་། །ཆོས
158a3 གོས་ངན་པ་འཆང་བ་དང་། །དགའ་བོ་དང་ནི་སྒྲ་གཅན་བཟང་། །ང་ཡི་ཉན་ཐོས་གཞན་རྣམས་དང་། །སློབ་དང་མི་སློབ་གནས་བརྟན་དང་། །གཞན་ཡང་སོ་སོའི་སྐྱེ་བོ་དག་།ང་ནི་མྱ་ངན་འདའ་འགྱུར་གྱིས། །ཐམས་ཅད་ཤིན
158a4 ཏུ་མྱུར་བར་སྦྲོན། །སློབ་དང་སོ་སོའི་སྐྱེ་བོ་ཡིས། །མ་མཐོང་སྡུག་བསྔལ་སྐྱེ་འགྱུར་བས། །མྱ་ངན་འདས་པའི་འོག་ཏུ་ནི། །མྱ་ངན་ཟུག་རྔུས་གཟིར་མི་བྱ། །མྱ་ངན་མ་བྱེད་འདུ་བྱེད་རྣམས། །མི་རྟག་རྨི་ལམ་ལྟ་བུ
158a5 ཞེས། །ཇི་ལྟར་ཆོས་ཀྱི་ཆོས་ཉིད་ཀྱིས། །དེ་དག་རྣམས་ནི་དབུགས་དབྱུང་བྱ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་སླར་ཚིགས་སུ་བཅད་དེ་གསོལ་པ། མགོན་པོ
158a6 སངས་རྒྱས་མྱ་ངན་ལས། །འདའ་བར་འགྱུར་བར་ཐོས་ནས་བདག་།ཕྱོགས་སླད་བདག་ནི་ལུས་རྨ་ཞིང་། །བདག་ནི་གཡར་ངན་ཤིན་ཏུ་ཆེ། །ལུས་ཉམས་བདེ་བ་མ་མཆིས་ཤིང་། །སེམས་ཉམས་བདེ་བའང་མ་མཆིས
158a7 ལ། །ཆགས་བྲལ་ཉམས་བདེའང་མ་མཆིས་ན། །སྤྱན་ལྡན་བདག་ནི་ཇི་ལྟར་མཆི། །བདག་གི་སྐྱབས་དང་དཔུང་གཉེན་དང་། །འཇིག་རྟེན་རྣམ་འདྲེན་གང་ལགས་པ། །དེང་མཐོང་སླད་ཀྱིས་མི་མཐོང་ཞེས། །གནས་བརྟན
158a8 རྣམས་ལ་ཇི་སྐད་བགྱི། །མྱ་ངན་གྱུར་ཅིང་སྡུག་བསྔལ་བས། །ཇི་ལྟར་མྱ་ངན་བརྗོད་པར་བགྱི། །བདག་ཅག་རྣམས་ཀྱི་འཇིག་ཆེན་འདི། །གནས་བརྟན་དེ་དག་ཇི་ལྟར་ཉན། །གང་དག་སློབ་དང་སྐྱེ་བོ་ཡི། །དགེ་སློང་མྱ་ངན་ཟུག
iiif viewer powered by OpenSeadragon
