| e-texts navigator |
| Wylie |
157b1 སྤྱན་དང་ལྡན་པ་བདག་ལ་གསུངས། །དེ་ནས་གནས་གཙང་མའི་རིས་ཀྱི་ལྷའི་བུ་རྣམས་དང་། མི་མཇེད་ཀྱི་བདག་པོ་ཚངས་པ་དང་། བདུད་ཀྱི་བུ་དེད་དཔོན་དང་། ལྷའི་དབང་པོ་བརྒྱ་བྱིན་དང་། རྒྱལ་པོ་ཆེན་པོ་བཞི་པོ་དག
157b2 སོ་སོ་ན་གནས་པས་བཅོམ་ལྡན་འདས་ཡོངས་སུ་མྱ་ངན་ལས་འདའ་བའི་སྔ་ལྟས་མཐོང་ནས། རང་རང་གི་འཁོར་ལྷའི་བུ་ཁྲག་ཁྲིག་ཕྲག་བརྒྱད་བཅུ་བརྒྱད་བཅུ་ལྷག་ཙམ་གྱིས་ཡོངས་སུ་བསྐོར་ཅིང་མདུན་དུ་བདར་ནས
157b3 བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། སྒྲ་སྐད་འཐུན་པར་ཉམ་ཐག་པའི་ང་རོས་ངུ་ཞིང་མྱ་ངན་བྱེད་ལ་སྨྲེ་སྔགས་འདོན་བཞིན་དུ་དེའི་ཚེ་ཚེ་དང་ལྡན་པ་ཀུན
157b4 དགའ་བོ་ལ་ཚིགས་སུ་བཅད་པ་འདི་དག་སྨྲས་སོ། །ཀྱེ་མའོ་སྡུག་བསྔལ་མི་བཟད་ཆེ། །སཱ་ལའི་ཚལ་ཁྲོད་དགའ་བར་ནི། །དེ་རིང་མགོན་པོ་མྱ་ངན་འདའ། །ཀུན་དགའ་ཁྱོད་ཀྱིས་མི་ཤེས་སམ། །གང་ཞིག་སྣང་མེད
157b5 རྣམས་ཀྱི་སྒྲོན། །སྐྱབས་དང་དཔུང་གཉེན་གང་ཡིན་པ། །དེ་ནི་ཞི་བ་ལེན་མེད་པར། །དེ་རིང་མྱ་ངན་འདའ་བར་འགྱུར། །དེ་ནས་བཅོམ་ལྡན་འདས་ཀྱིས་དེའི་ཚེ་ཚེ་དང་ལྡན་པ་ཀུན་དགའ་བོ་དང་། ཐམས་ཅད་དང་ལྡན་པའི་ལྷའི
157b6 འཁོར་དེ་དག་ལ་ཚིགས་སུ་བཅད་དེ་བཀའ་སྩལ་པ། ཇི་ལྟར་མཐོང་བ་གཞན་མིན་ཏེ། །དེ་རིང་སཱ་ལའི་ཚལ་ཁྲོད་དུ། །ང་ནི་མྱ་ངན་འདའ་འགྱུར་གྱིས། །མྱ་ངན་མ་བྱེད་བརྟན་པར་གྱིས། །ཁ་དོག་ལྡན་ཞིང་བསམ་ཡས་ལ། །འོད
157b7 དང་དྲི་བསུང་ཕུན་ཚོགས་པའི། །ལྗོན་ཤིང་ལྗོན་པ་ཆེན་པོ་དེ། །སཱ་ལའི་ཚལ་ཁྲོད་ཆག་གྱུར་པ། །ལྗོན་ཤིང་ཅི་འདྲར་སྟོན་པ་ནི། །དེ་རིང་སཱ་ལའི་ཚལ་ཁྲོད་དུ། །ཇི་ལྟར་མེ་ལ་ཆུས་བཏབ་བཞིན། །ལེན་མེད་མྱ་ངན་འདའ་བར
157b8 འགྱུར། །ཤེས་རབ་རྫུ་འཕྲུལ་མཐར་ཕྱིན་པ། །ཉེ་རྒྱལ་པང་ནས་སྐྱེས་དག་བཞིན། །མི་མཆོག་ང་ཡང་འདའ་འགྱུར་བར། །ཀུན་དགའ་ཁྱོད་ཀྱིས་མི་ཤེས་སམ། །འདུས་བྱས་ཐམས་ཅད་མི་རྟག་སྟེ། །སྐྱེ་ཞིང་འཇིག
iiif viewer powered by OpenSeadragon
