| e-texts navigator |
| Wylie |
157a1 མེ་ཏོག་འབྲས་བུ་དག་། རྣམ་པ་ཀུན་གྱི་མཆོག་ལྡན་པ། །ཡིད་ནི་དགའ་བར་བགྱིད་པ་འཁྲུངས། །འཇིག་རྟེན་ཁམས་སུ་ལྗོན་མཆོག་དེ། །གྲིབ་མ་བསིལ་བས་སེམས་ཅན་རྣམས། །རབ་ཏུ་དགའ་བགྱིད་བྲོ
157a2 ནད་དང་། །མྱ་ངན་དག་ཀྱང་སེལ་བར་བགྱིད། །ཡོན་ཏན་མཐའ་ཡས་ཕུན་ཚོགས་ཤིང་། །སྲིད་རྩེའི་བར་དུ་མཐོ་བར་འཕགས། །དེ་མཐོང་བས་ནི་མིག་དག་ཅིང་། །ཐོས་པས་རྣ་བ་རྣམ་དག་འགྱུར། །དེ་ལས་རབ
157a3 འཇམ་དོན་ལྡན་ཞིང་། །ཤིན་ཏུ་རིགས་ཤིང་ཆོས་ལྡན་ལ། །སེམས་ཅན་ཀུན་ལ་བདེ་སྐྱིད་པའི། །སྒྲ་སྐད་དག་ཀྱང་ངེས་པར་འབྱུང་། །དེ་ལས་གང་གཱའི་བྱེ་སྙེད་ཀྱི། །འོད་ཟེར་དག་ནི་འབྱུང་འགྱུར་ཞིང་། །དེ་དག་སྙེད
157a4 ཀྱི་ཞིང་རྣམས་ཀྱང་། །ལྗོན་ཤིང་ཆེན་པོས་བསལ་བར་བགྱིད། །ཕྱོགས་བཅུའི་འཇིག་རྟེན་ཁམས་ཀྱི་མི། །མཐའ་ཡས་དཔག་ཏུ་མ་མཆིས་པ། །གང་དག་འོད་ཀྱིས་རེག་གྱུར་པ། །སེམས་ཅན་རྣམས་ཀྱི་དོན་ཀྱང
157a5 བགྱིད། །ཕྱོགས་བཅུའི་འཇིག་རྟེན་ཁམས་སུ་ནི། །དེ་ལས་དྲི་ངད་འབྱུང་བར་འགྱུར། །གང་དག་དེ་ཡི་དྲི་སྣོམ་པ། །དེ་དག་ངན་འགྲོར་མཆི་མི་འགྱུར། །དེ་དག་དམྱལ་བར་མི་མཆི་ཞིང་། །དུད་འགྲོའི་སྐྱེ་གནས
157a6 སྡིག་ཅན་དང་། །ཡི་དགས་ལྷ་མིན་རིས་མི་མཆི། །དེ་དག་བཟང་འགྲོར་མཆི་བར་འགྱུར། །སེམས་ཅན་ཀུན་ལ་བདེ་སྐྱེད་པ། །དེ་འདྲའི་ལྗོན་ཤིང་ཆེན་པོ་དེ། །གྱད་ཀྱི་དོག་སར་ཆག་ནས་ནི། །སཱ་ལའི་ཚལ་གྱི
157a7 གསེབ་དུ་སྒྱེལ། །ལྗོན་མཆོག་ཆག་པ་མཐོང་གྱུར་ནས། །དེ་ནས་སྲོག་ཆགས་སྟོང་ཕྲག་ནི། །བསམ་ཡས་དཔག་ཏུ་མ་མཆིས་པ། །ཆོ་ངེས་འདེབས་ཤིང་སྨྲེ་སྔགས་འདོན། །དེ་ཚེ་སྒྲ་དེ་མི་གྲག་ཅིང་། །དྲི
157a8 ཡང་བདའ་བར་མ་གྱུར་ལ། །གདེག་པའི་རྔོ་ཡང་མ་ཐོག་ནས། །དེ་མ་ཐག་ཏུ་བདག་ཀྱང་བརྒྱལ། །དེ་ལྟར་འཇིགས་སུ་རུང་བ་དང་། །སྤུ་ཡང་ཟིང་ཞེས་བགྱིད་པ་ཡི། །གཡར་ལམ་མདང་སུམ་རྨིས་པ་དེ། །
iiif viewer powered by OpenSeadragon
