| e-texts navigator |
| Wylie |
156b1 འདས་ཡོངས་སུ་མྱ་ངན་ལས་འདའ་བ་དེ་ཉིད་ཀྱི་དུས་ཀྱི་ཚེ་ཀུ་ཤའི་གྲོང་ཁྱེར་ན་གྱད་རྣམས་དང་ཉེ་བ་ན་ཡོད་པ་ཤིང་སཱ་ལ་ཟུང་གི་ཚལ་ན་ཤིང་སཱ་ལ་ཟུང་གི་བར་ན་བཞུགས་སོ། །དེ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ག་ལ་བ་དེར་སོང
156b2 སྟེ་ཕྱིན་ནས་བཅོམ་ལྡན་འདས་ཀྱི་སྤྱན་སྔར་ཐལ་མོ་སྦྱར་ཏེ་བཅོམ་ལྡན་འདས་ལ་མིག་མི་འཛུམས་པར་རྟོག་ཅིང་འདུག་གོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། གོའུ་ཏ་མའི་བུ་ཁྱོད་ཅིའི་ཕྱིར་དེ་བཞིན
156b3 གཤེགས་པ་ལ་མིག་མི་འཛུམས་པར་རྟོག་པར་བྱེད། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་མདང་བདག་གིས་དེ་བཞིན་གཤེགས་པ་ཡོངས་སུ་མྱ་ངན་ལས
156b4 འདའ་བའི་སྔ་ལྟས་གཡར་ལམ་འཇིགས་པ་ཆེན་པོ་འཇིགས་སུ་རུང་བ། སྤུ་ཟིང་ཞེས་བགྱིད་པ་ཞིག་རྨིས་ལགས་ཏེ། བཅོམ་ལྡན་འདས་བདག་གཡར་ལམ་དེ་རྨིས་ནས་བཅོམ་ལྡན་འདས་ཤིན་ཏུ་མྱུར་བར་ཡོངས་སུ
156b5 མྱ་ངན་ལས་འདའ་བར་མི་འགྱུར་ལགས་གྲང་སྙམ་ནས་དེའི་སླད་དུ་སྡུག་བསྔལ་ཞིང་ཡིད་མི་བདེ་བ་དང་། མྱ་ངན་གྱི་ཟུག་རྔུས་གཟིར་བར་གྱུར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། གོའུ་ཏ་མའི་བུ
156b6 ཁྱོད་ཀྱི་རྨི་ལམ་ན་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བའི་སྔ་ལྟས་འཇིགས་པ་ཇི་ལྟ་བུ་ཞིག་རྨིས། དེ་ནས་བཅོམ་ལྡན་འདས་ཀྱིས་དེའི་ཚེ་ཚེ་དང་ལྡན་པ་ཀུན་དགའ་བོ་ལ་ཚིགས་སུ་བཅད་དེ་བཀའ་སྩལ་པ།
156b7 སཱ་ལའི་ཚལ་ཁྲོད་འདི་ཉིད་དུ། །འཇིག་རྟེན་མགོན་པོའི་ལྟས་སུ་ནི། །ཁྱོད་ཀྱིས་རྨི་ལམ་ཅི་རྨིས་པ། །དྲིས་པ་དེ་ནི་ང་ལ་སྨྲོས། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་ཚིགས་སུ་བཅད་དེ་གསོལ
156b8 པ། མདང་སུམ་བདག་གི་གཡར་ལམ་ན། །འཇིགས་སུ་རུང་ཞིང་དངངས་བགྱིད་ལ། །སྤུ་ཟིང་བགྱིད་པ་རྨིས་གྱུར་པ། །དེ་ནི་མི་མཆོག་གསན་ཏུ་གསོལ། །འཇིག་རྟེན་ཁམས་འདིར་ལྗོན་པའི་ཤིང་། །རྟག་ཏུ
iiif viewer powered by OpenSeadragon
