| e-texts navigator |
| Wylie |
95a1 པར་བྱེད་ན་དགེ་སློང་དེ་ལ་ལེགས་པ་མ་ཡིན་ནོ། །དགེ་བསྙེན་དེ་དག་ནི་ཆོས་ལ་གནས་པ་ཡིན་ནོ། །དགེ་སློང་དེ་ནི་ཡིད་བརྟན་དུ་མི་རུང་སྟེ་བསྟེན་པར་མི་བྱའོ། །མ་ནིང་ཡིན་པར་ཤེས་པར་བྱའོ། །མཚན་གཉིས་པ་ཡིན་པར་ཤེས
95a2 པར་བྱའོ། །མཚན་གཉིས་པ་ཞེས་བྱ་བ་ནི་གང་ལ་མཚན་གཉིས་ཡོད་པ་སྟེ། གང་གི་ཚེ་སྐྱེས་པའི་འདོད་ཆགས་སྐྱེས་པ་དེའི་ཚེ་ནི་བུད་མེད་དང་འདོད་པ་སྤྱོད་པར་བྱེད་ལ། གང་གི་ཚེ་བུད་མེད་ཀྱི་འདོད་ཆགས་སྐྱེས་པ་དེའི་ཚེ་ནི་སྐྱེས་པ་དང་འདོད་པ
95a3 སྤྱོད་པར་བྱེད་དོ། །དེ་བས་ན་མཚན་གཉིས་པ་ཞེས་བྱ་སྟེ་དེ་དང་ཡང་བསྟེན་པར་མི་བྱའོ། །དེ་ལྟར་དེ་ལྟ་བུ་དག་དང་བསྟེན་པར་མི་བྱ་ན་བསླབ་པའི་གཞི་ལྔའི་ཉེས་པ་བྱེད་པ་དེ་དག་ལྟ་ལ་བསྟེན་དུ་ག་ལ་རུང་།། །། བམ་པོ་དགུ་པ།
95a4 དགེ་སློང་རྣམས་ཀྱིས་ནི་ཐོག་མར་དགེ་སྦྱོང་གི་ཆོས་ཀྱིས་གྲོག་སྦུར་རྣམས་ལ་ཡང་སྙིང་རྗེ་བྱའོ། །དགེ་སྦྱོང་གི་ཆོས་ཀྱིས་ཆང་གི་དྲི་བྲོ་བའི་བཏུང་བ་ཡང་སྤང་བར་བྱའོ། །དགེ་སྦྱོང་གི་ཆོས་ཀྱིས་རྨི་ལམ་དུ་ཡང་བརྫུན་དུ་སྨྲ་བའི་སེམས་བསྐྱེད
95a5 པར་མི་བྱའོ། །དགེ་སྦྱོང་གི་ཆོས་ཀྱིས་རྨི་ལམ་དུ་ཡང་བུད་མེད་དང་ཕྲད་པའི་སེམས་བསྐྱེད་པར་མི་བྱའོ། །གསོལ་པ། ཅི་ལགས། རྨི་ལམ་དུ་བུད་མེད་དང་ཕྲད་པར་གྱུར་ན་མི་ཚངས་པར་སྤྱོད་པའི་ནོངས་པར་འགྱུར་ལགས་སམ། བཀའ་སྩལ
95a6 པ། མི་འགྱུར་ཏེ། གལ་ཏེ་བློ་གྲོས་དང་དྲན་པ་དང་ལྡན་པ་འདོད་པ་དྲི་ང་བ་དག་ལ་མི་ཚངས་པར་སྤྱོད་པའི་སེམས་མི་སྐྱེད་ན་དེ་ནི་ཉོན་མོངས་པ་དང་བུད་མེད་ཀྱི་གཏམ་སྨད་པས་རྟོག་པ་ཡང་དག་པར་ཆད་པའི་ཕྱིར་སེམས་སྐྱེད་མི་སྲིད་དོ། །རྨི
95a7 ལམ་དུ་ཕྲད་པར་གྱུར་ན་ཡང་ནང་པར་སད་ན་མུ་གེ་འབྱུང་བའི་ཚེ་དགེ་སློང་གིས་རང་གི་བུའི་ཤའི་ཟས་ཟོས་པ་བཞིན་དུ་འགྱོད་པར་འགྱུར་ན་དེ་ལ་གཙང་ངོ་སྙམ་པའི་བློ་ལྟ་ག་ལ་འབྱུང་། གལ་ཏེ་སེམས་སྐྱེས་ན་ཡང་ཕྱིར་གཞིལ་བར་བྱའོ་ཞེས་ཟེར་བ
95a8 དེ་ལྟ་བུའི་ཆོས་ཀྱི་སྒོ་ནི་སངས་རྒྱས་ཀྱིས་གསུངས་པའི་མདོ་སྡེ་དང་འདུལ་བ་ཡིན་པར་རིག་པར་བྱའོ། །བདུད་ཀྱིས་སྨྲས་པའི་མདོ་སྡེ་དང་འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི་བདུད་དང་འཐུན་པར་བྱེད་པ་ཡིན་པར་རིག་པར་བྱའོ། །སངས
iiif viewer powered by OpenSeadragon
