| e-texts navigator |
| Wylie |
94b1 བྱའོ། །སེམས་ཅན་ཐམས་ཅད་ཀྱང་ངེས་པར་བསྒྲལ་བར་བྱའོ། །འདུལ་བ་དང་འདུལ་བ་མ་ཡིན་པའི་བྱེ་བྲག་ཀྱང་ཕྱེད་པར་བྱའོ། །བདག་ལ་སངས་རྒྱས་སུ་འགྱུར་བའི་ས་བོན་དེ་བཞིན་གཤེགས་པའི་སྙིང་པོ་ཞེས་བྱ་བ་ཡོད་དེ། བདག་གིས
94b2 སངས་རྒྱས་ཐོབ་པར་འགྱུར་རོ། །བདག་གིས་ཉོན་མོངས་པའི་རྣམ་པ་རྣམས་རྣམ་པར་གཞོམ་པར་བྱའོ། །དགེ་བསྙེན་ཁྱེད་རྣམས་ལ་ཡང་སངས་རྒྱས་ཀྱི་ཁམས་ཡོད་དེ། བདག་ཅག་ཀུན་ཀྱང་སངས་རྒྱས་སུ་འགྱུར་ཞིང་དེ་བཞིན་གཤེགས་པའི་ས
94b3 ཐོབ་པར་འགྱུར་རོ། །ཉོན་མོངས་པའི་རྣམ་པ་རྣམས་ཟད་པར་བྱའོ་སྙམ་དུ་སེམས་པ་དེ་ལྟ་བུ་ནི་དམ་པའི་ཆོས་ཀྱི་རྟོག་པའི་སྒོ་ནས་བྱང་ཆུབ་སེམས་དཔའ་ཡིན་ཏེ་མིའི་ཆོས་ལས་བླ་མར་གྱུར་པའི་ཉེས་པ་བྱུང་བ་མ་ཡིན་ནོ་ཞེས་ང་ཟེར་རོ། །ཉེས
94b4 བྱས་ཀྱི་ཉེས་པ་བྱུང་བས་ཀྱང་སུམ་བཅུ་རྩ་གསུམ་པའི་ལྷ་རྣམས་ཀྱི་ལོ་གྲངས་པས་ཀྱང་ལྷག་པར་ལོ་བརྒྱད་ཁྲིའི་བར་དུ་སེམས་ཅན་དམྱལ་བར་འཚེད་པར་འགྱུར་ན་ཉེས་པ་སྦོམ་པོ་ལྟ་ཅི་སྨོས་ཏེ། ཐེག་པ་ཆེན་པོ་འདི་ལ་ནི་ཉེས་པ་སྦོམ་པོའི་ཉེས
94b5 པ་བྱུང་བ་དང་བསྟེན་པར་མི་བྱའོ། །ཉེས་པ་སྦོམ་པོ་ཞེས་བྱ་བ་ནི་བཅོམ་ལྡན་འདས་ཀྱི་མཆོད་རྟེན་བསྲུང་བའི་ཕྱིར་གཞན་ཡོངས་སུ་གཟུང་བ་ལ་མེ་ཏོག་གི་ཕྲེང་བ་བཏགས་པ་དེ་རྙིངས་ནས་སྲད་བུ་དགོས་པའི་ཕྱིར་ལེན་པར་བྱེད་དེ། དགེ་སློང
94b6 རྣམས་ལ་འཛེམ་ནས་དགེ་སློང་རྣམས་ལ་མ་དྲིས་པར་དགེ་སློང་གིས་བླངས་ན་ཉེས་པ་སྦོམ་པོའི་ཉེས་པ་ཅན་དུ་འགྱུར་རོ། །གལ་ཏེ་འདི་ལྟ་ཞིག་གིས་ཅིར་ཡང་མི་འགྱུར་རོ་སྙམ་དུ་འཛིན་ཏེ་ལེན་པར་བྱེད་ན་ཡང་དེ་ལྟ་བུ་དག་དང་བསྟེན་པར་མི་བྱའོ། །
94b7 རྐུ་བའི་སེམས་ཀྱིས་མཆོད་རྟེན་བཤིག་ན་ཡང་ཉེས་པ་སྦོམ་པོའི་ཉེས་པ་ཅན་དུ་འགྱུར་ཏེ། དེ་ལྟ་བུ་དག་དང་བསྟེན་པར་མི་བྱའོ། །འདི་ན་ཁྱིམ་བདག་གམ་བློན་པོ་ལ་ལ་ཞིག་གིས་གལ་ཏེ་ཆོས་ཀྱི་བསམ་པས་སྐུ་གདུང་ལ་བཀུར་སྟི་བྱའམ། ཕག
94b8 གུ་དགོས་པའི་ཕྱིར་མཆོད་རྟེན་རྙིང་པ་བཤིག་སྟེ། བླངས་ནས་ཁྱིམ་བདག་གམ་བློན་པོ་དེས་མཆོད་རྟེན་དེ་ལས་གསེར་དངུལ་ཞིག་བྱུང་ན། དེ་དགེ་སློང་འགའ་ཞིག་གི་ལག་ཏུ་གཏད་པ་ལས་དགེ་སློང་དེས་དེ་བླངས་ཏེ། བདག་གི་ནོར་དུ་བྱས་ལ་རྩོད
iiif viewer powered by OpenSeadragon
