| e-texts navigator |
| Wylie |
93a1 བསླབ་པའི་གཞི་ལྔ་ལས་འགལ་བར་བྱས་པ་དང་། རུང་བ་མ་ཡིན་པ་ཐམས་ཅད་ཡོངས་སུ་བཟུང་ཡང་དེ་དང་འདྲའོ། །དེ་བཞིན་གཤེགས་པས་ཉེས་བྱས་ཀྱི་ཉེས་པ་བྱུང་བས་ཀྱང་སུམ་བཅུ་རྩ་གསུམ་པའི་ལྷ་རྣམས་ཀྱི་ལོ
93a2 གྲངས་པས་ཀྱང་ལྷག་པར་ལོ་བརྒྱད་ཁྲིའི་བར་དུ་སེམས་ཅན་དམྱལ་བར་འཚེད་པར་འགྱུར་རོ་ཞེས་གསུངས་མོད་ཀྱི། དེ་ཡང་བསྡིགས་པར་ཟད་དེ་ཕམ་པ་ལས་ན་གཅིག་གི་དམའ་བ་ཉེས་པ་སྦོམ་པོའི་སྐྱོན་གང་ཡིན་པ་དེ་ཡང་མི་བཟད་པ་མ་ཡིན་ཏེ་འདུལ
93a3 བ་འཛིན་པ་མང་པོ་རྣམས་ཀྱིས་བརྫུན་དུ་སྨྲས་མོད་ཀྱི། དེ་ནི་མི་བཙན་ནོ་ཞེས་དེ་བཞིན་གཤེགས་པས་གསུངས་སོ་ཞེས་ཟེར་བ་དེ་ལྟ་བུའི་མདོ་སྡེ་དང་འདུལ་བ་ནི་བདུད་ཀྱིས་སྨྲས་པ་ཡིན་པར་རིག་པར་བྱའོ། །བསླབ་པའི་གཞི་ཐམས་ཅད་ཀྱི་ནང་ན་ནི
93a4 ཉེས་བྱས་ཆུང་བ་ཡིན་ལ་དེ་ལྟར་ཆུང་བའི་ཉེས་བྱས་བྱུང་དུ་ཟིན་ཀྱང་བདག་ལ་མ་བྱུང་ངོ་ཞེས་སྙོན་པར་བྱེད་དེ། ཉེས་པ་བྱུང་བ་རུ་སྦལ་བཞིན་དུ་སྦེད་པར་བྱེད་པ་དེ་ལྟ་བུའི་གང་ཟག་ལ་བསྟེན་པར་མི་བྱའོ། །བརྫུན་དུ་སྨྲ་བའི་ཆོས་གཅིག་འགལ་བར
93a5 བྱས་པའི་སྐྱེ་བོ་འཇིག་རྟེན་ཕ་རོལ་སྤངས་པས་ནི་མི་བྱ་བ་ཅི་ཡང་མེད་དེ། མི་བྱ་བའི་བག་ཅི་ཡང་མི་སྟེན་པ་མེད་ཅེས་བྱ་བའི་དོན་ཏོ། །སངས་རྒྱས་ཀྱི་བསྟན་པ་ནི་དེ་ལྟར་ཆ་ཕྲ་བ་ཡིན་ན་ཉེས་པ་སྦོམ་པོ་མི་སྡོམ་པར་ལྟ་ག་ལ་མཛད། གལ་ཏེ་དེ་ཙམ
93a6 ཡང་སྡོམ་པར་མི་བྱེད་པ་ནི་མཆོག་ཏུ་མ་བསྡམས་པ་ཡིན་ནོ། །ཇི་ཞིག་བཟུང་སྟེ་ཚུལ་ཁྲིམས་སྲུང་ཞེ་ན། སངས་རྒྱས་ཀྱི་ཁམས་ཡོད་ལ་གསུང་རབ་ཡན་ལག་དགུའི་ཚུལ་གྱིས་སངས་རྒྱས་སུ་འགྱུར་བའི་རྟོག་པ་གཅིག་པུས་སེམས་ཅན་ཐམས
93a7 ཅད་ལ་སངས་རྒྱས་ཀྱི་ཁམས་ཡོད་དོ་ཞེས་བྱ་བ་དང་། ཤིན་ཏུ་རྒྱས་པ་ལས་བདག་མེད་པའི་མཆོག་ཡོད་དོ་ཞེས་སྨྲ་བ་ནི་གསུང་རབ་ཡན་ལག་དགུའི་ཚུལ་གྱིས་མདོ་སྡེ་སྤོང་བ་མ་ཡིན་ནོ། །གཞན་དུ་ན་ནི་དེ་ལྟར་འགྱུར་རོ། །གསོལ་པ། སེམས
93a8 ཅན་ཐམས་ཅད་ལ་སངས་རྒྱས་ཀྱི་ཁམས་མཆིས་པར་གསུང་རབ་ཡན་ལག་དགུ་ལས་ངེས་པར་བསྟན་ན་གང་ཟག་ཏུ་ལྟ་བར་ཇི་ལྟར་མི་གྱུར་ལགས། བདག་གིས་ཐོས་པ་བཞིན་དུ་ཇི་ལྟར་གཟུང་བར་བགྱི། དེ་ལྟར་ན་ནི་མིའི་ཆོས་ལས་བླ་མར་ཡང
iiif viewer powered by OpenSeadragon
