| e-texts navigator |
| Wylie |
92b1 ས་ཏོན་པའི་སངས་རྒྱས་བཅོམ་ལྡན་འདས་སྙིང་རྗེ་ཆེན་པོ་དང་ལྡན་པར་གྱུར་པའི་ཕྱིར་རོ་ཞེས་ཟེར་བ་དེ་ལྟ་བུ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་གསུངས་པའི་མདོ་སྡེ་དང་འདུལ་བ་ཡིན་པར་རིག་པར
92b2 བྱའོ། །བདུད་ཀྱིས་སྨྲས་པའི་མདོ་སྡེ་དང་འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི་བདུད་དང་འཐུན་པར་བྱེད་པ་ཡིན་པར་རིག་པར་བྱའོ། །སངས་རྒྱས་ཀྱིས་གསུངས་པའི་མདོ་སྡེ་དང་འདུལ་བ་ཚད་མར་བྱེད་པ་གང་ཡིན
92b3 པ་དེ་དག་ནི་བྱང་ཆུབ་སེམས་དཔའ་ཡིན་པར་རིག་པར་བྱའོ། །ཕམ་པ་བཞི་ཡང་མེད། དགེ་འདུན་གྱི་ལྷག་མ་བཅུ་གསུམ་ཡང་མེད། མ་ངེས་པ་གཉིས་ཀྱང་མེད། སྤང་བའི་ལྟུང་བྱེད་སུམ་བཅུ་ཡང་མེད། ལྟུང་བྱེད་འབའ་ཤིག་པ་དགུ་བཅུ
92b4 རྩ་གཅིག་ཀྱང་མེད། སོ་སོར་བཤགས་པར་བྱ་བ་བཞི་ཡང་མེད། བསླབ་པར་བྱ་བ་མང་པོ་ཡང་མེད། རྩོད་པ་ཞི་བར་བྱ་བའི་ཆོས་བདུན་ཡང་མེད། ཉེས་བྱས་རྣམས་ཀྱང་མེད། ཉེས་པ་སྦོམ་པོ་རྣམས་ཀྱང་མེད། མཚམས་མེད་པ་དང་།
92b5 འདོད་ཆེན་པ་ཡང་མེད་དེ། སྔར་སྨོས་པའི་བསླབ་པའི་གཞི་དེ་རྣམས་མེད་བཞིན་དུ་གལ་ཏེ་འགལ་བར་བྱས་པས་དགེ་སློང་དག་སེམས་ཅན་དམྱལ་བར་འགྲོ་བར་འགྱུར་ན། དེ་དག་ནི་མུ་སྟེགས་ཅན་ཡིན་ནོ། །གང་དག་ལ་དེ་རྣམས་མེད་ན་དེ
92b6 ལྟ་ན་ནི་མཐོ་རིས་སུ་འགྲོ་བར་འགྱུར་རོ། །བཅོམ་ལྡན་འདས་ཀྱིས་ནི་བསྡིགས་པའི་ཕྱིར་འདུལ་བ་ལས་བསླབ་པའི་གཞི་རྣམས་བཀའ་སྩལ་ཏོ། །མི་ཚངས་པར་སྤྱོད་པ་བསྟེན་པར་འདོད་པ་གང་ཡིན་པ་དེ་ནི་གོས་ཚོན་ཅན་དང་། ཆོས་གོས་སྤངས་ཏེ
92b7 གོས་དཀར་པོ་བགོས་ནས་དེ་ལྟ་བུ་བྱས་པའི་འོག་ཏུ་དེ་བདག་ཉིད་ཀྱིས་བསམས་པ། བདག་གིས་ནི་རང་གི་ཡོན་ཏན་ཆུང་བའི་ཕྱིར་མནོག་ཆུང་བའི་འདོད་པ་བསྟེན་གྱིས་མེད་དོ། །འོན་ཀྱང་བཅོམ་ལྡན་འདས་བཞུགས་པའི་ཚེ་ཡང་དགེ་སློང་དག་གིས
92b8 འདོད་པ་རྣམས་བསྟེན་ནས་མཐོ་རིས་དང་ཐར་པ་ཐོབ་པར་གྱུར་ན། ཅི་བདག་ཆོས་ཉིད་ལ་ཞུགས་པ་ཡིན་ནམ། འདི་ནི་གནའ་ནས་ལུགས་ཀྱིས་ཡོད་པ་ཁོ་ནའོ་སྙམ་དུ་དེ་ལྟར་སྒོམ་པའི་དགེ་སློང་ནི་ཕམ་པ་བྱུང་དུ་ཟིན་ཀྱང་ཐར་པ་ཐོབ་པར་འགྱུར་རོ། །
iiif viewer powered by OpenSeadragon
