| e-texts navigator |
| Wylie |
92a1 དང་འཐུན་པར་བྱེད་པའི་དགེ་སློང་ལ་ནི་ཉེས་པ་ཆུང་ཟད་ཀྱང་མེད་དོ་ཞེས་ང་ཟེར་རོ། །གཞན་ཡང་འདི་ན་དགེ་སློང་ལ་ལ་དེ་བཞིན་གཤེགས་པའི་སྙིང་པོའི་མདོ་སྡེ་ཆེན་པོ་སྟོན་པར་བྱེད་དོ། །སེམས་ཅན་ཐམས་ཅད་ལ་ནི་སངས
92a2 རྒྱས་ཀྱི་ཁམས་ཡོད་ལ་ཁམས་དེ་རང་རང་གི་ལུས་ལ་ཚང་སྟེ། སེམས་ཅན་རྣམས་ཀྱིས་ཉོན་མོངས་པའི་རྣམ་པ་ཟད་པར་བྱས་ནས་སངས་རྒྱས་སུ་འགྱུར་ཏེ་འདོད་ཆེན་པ་ནི་མ་གཏོགས་སོ། །དེ་ལ་རྒྱལ་པོ་འམ་རྒྱལ་པོའི་བློན་པོ་འགའ་ཞིག་འདི་སྐད
92a3 ཅེས་ཟེར་ཏེ། དགེ་སློང་ཁྱོད་སངས་རྒྱས་སུ་འགྱུར་རམ་མི་འགྱུར། སངས་རྒྱས་ཀྱི་ཁམས་ཁྱོད་ལ་ཡོད་དམ་མེད་ཅེས་ཟེར་བ་ལ། དགེ་སློང་དེ་ན་རེ་ཚེ་དང་ལྡན་པ་བདག་སངས་རྒྱས་སུ་འགྱུར་རམ་མི་འགྱུར་བ་ལྟ་སུས་ཤེས་མོད་ཀྱི་འོན་ཀྱང་བདག་གི་ལུས
92a4 ལ་སངས་རྒྱས་ཀྱི་ཁམས་ནི་ཡོད་དོ་ཞེས་ཟེར་རོ། །དེ་ནས་དེས་དགེ་སློང་དེ་ལ་སྨྲས་པ། དགེ་སློང་ཁྱོད་འདོད་ཆེན་པ་ཁོ་ན་མ་ཡིན་ན་བདག་ནི་སངས་རྒྱས་སུ་འགྱུར་རོ་སྙམ་དུ་སོམས་ཤིག་།དེ་ནས་དགེ་སློང་དེས་དེ་ལ་སྨྲས་པ། ཚེ་དང་ལྡན་པ་ཆོས་དེ
92a5 ནི་བདག་གི་ལུས་ལ་གོར་མ་ཆག་པར་ཡོད་དོ་ཞེས་གལ་ཏེ་དེ་སྐད་ཟེར་ན། དགེ་སློང་དེ་ལ་མིའི་ཆོས་ལས་བླ་མར་གྱུར་པའི་ཉེས་པ་ཡོད་ཅེས་བྱ་འམ་མེད་ཅེས་བྱ་ཞེ་ན། ཁམས་ཡོད་དོ་ཟིན་ཀྱང་སྦྱིན་པ་དང་། ཚུལ་ཁྲིམས་དང་། ཤེས་པ་དང་།
92a6 ཆོས་དང་ལྡན་པ་རྣམས་ལ་ཡོད་པར་ཟད་དོ་ཞེས་བརྗོད་པར་བྱའོ། །གཞན་ཡང་དགེ་སློང་རབ་ཏུ་བྱུང་ནས་སེམས་པར་བྱེད་དེ། ཀྱེ་མ་བདག་སངས་རྒྱས་སུ་འགྱུར་རམ་མི་འགྱུར་སྙམ་པ་འམ། བདག་གིས་ནི་སངས་རྒྱས་ཉིད་ཐོབ་པར་འགྱུར་བར
92a7 མངོན་ནོ་སྙམ་དུ་སེམས་ན་འབྲས་བུ་མ་ཐོབ་ཏུ་ཟིན་ཀྱང་བསོད་ནམས་མང་པོ་འཕེལ་བར་འགྱུར་རོ། །གལ་ཏེ་དེ་ལྟ་མ་ཡིན་ན་དགེ་སློང་ཐམས་ཅད་ཀྱང་མིའི་ཆོས་ལས་བླ་མར་འགྱུར་རོ། །དེ་ཅིའི་ཕྱིར་ཞེ་ན། ངས་བསྐལ་པ་བྱེ་བ་ཕྲག་བརྒྱད་བཅུའི
92a8 བར་དུ་རུང་བ་མ་ཡིན་པའི་དངོས་པོ་ཡོངས་སུ་འཛིན་པ་སྤངས་ཏེ། ཆོག་ཤེས་པ་དང་། ཡོ་བྱད་བསྙུངས་པའི་མཆོག་ལ་གནས་ནས་དེ་བཞིན་གཤེགས་པའི་སྙིང་པོ་ཡོད་པར་བསྒོམས་ཏེ་མངོན་པར་རྫོགས་པར་སངས་རྒྱས་ནས་ཆོས་ཀྱི་ཕུང་པོ་འབུམ
iiif viewer powered by OpenSeadragon
