| e-texts navigator |
| Wylie |
86b1 པར་ཡང་དག་པར་ཁོང་དུ་ཆུད་པ་དེ་དག་ངེས་པར་བྱེད་པས་ན། དེའི་ཕྱིར་བྱང་ཆུབ་སེམས་དཔའ་རྣམས་ཀྱི་ཚིག་ནི་ཚད་མ་ཡིན་གྱི་དྲང་བའི་དོན་ནི་དེ་ལྟ་མ་ཡིན་ནོ། །དེ་བཞིན་གཤེགས་པ་ནི་ཤའི་སྐུ་ཡིན་ཏེ། བུད་ཤིང་ཟད་པའི་མེ་བཞིན་དུ་ཡོངས་སུ
86b2 མྱ་ངན་ལས་འདས་སོ་ཞེས་བྱ་བ་འདི་ནི་ཉན་ཐོས་ཀྱི་ཐེག་པ་ཡིན་ཏེ་ཚད་མ་མ་ཡིན་ནོ། །མདོ་སྡེ་དེ་དག་ནི་གདུལ་བར་བྱ་བའི་དབང་གིས་གསུངས་པ་ཡིན་ཏེ། ཉན་ཐོས་ཀྱི་ཐེག་པ་ནི་ཡི་གེའི་ཕྱེད་སྦྱར་བ་དང་འདྲ་ཞིང་བྱེ་བྲག་ཏུ་འབྱེད་པ་ཡིན་ཏེ། སློབ་དཔོན
86b3 བྱེད་པ་མ་ཡིན་ནོ། །ཉན་ཐོས་ཀྱི་ཐེག་པ་པ་རྣམས་ནི་དྲང་བའི་དོན་རྣམས་ཀྱི་གྲངས་སུ་གཏོགས་སོ། །ཡེ་ཤེས་ལས་གསུངས་པའི་དེ་བཞིན་གཤེགས་པའི་ཆེ་བ་ཉིད་ཁོང་དུ་མ་ཆུད་པའི་ཤེས་པ་གང་ཡིན་པ་དེ་ནི་ཉན་ཐོས་ཀྱི་ཐེག་པ་ཡིན་ཏེ།
86b4 དེ་བས་ན་དྲང་བའི་དོན་ནི་ཚད་མ་མ་ཡིན་ནོ། །གང་ཟག་བཞི་པོ་དེ་དག་ཚད་མ་མ་ཡིན་ཏེ། ངེས་པའི་དོན་ཡིན་གྱི་དྲང་བའི་དོན་མ་ཡིན་ནོ། །དེ་བས་ན་དེ་དག་ནི་རྟེན་དུ་གྱུར་པ་དང་ངེས་པའི་དོན་ཡིན་ནོ། །དགེ་སློང་དག་ཁྱེད་ཀྱི་རྟེན་ནི་ཡེ་ཤེས་ཡིན
86b5 ནོ་ཞེས་བྱ་བ་ནི་དེ་བཞིན་གཤེགས་པའི་ཚིག་བླ་དགས་སོ། །ཆོས་ཀྱི་སྐུ་གང་ཡིན་པ་དེ་ནི་ཚད་མ་མ་ཡིན་ནོ། །ཐབས་ཀྱི་སྐུ་གང་ཡིན་པ་དེ་ནི་ཚད་མ་མ་ཡིན་ནོ། །ཐབས་ཀྱི་སྐུ་ལ་བལྟས་ན་དེ་བཞིན་གཤེགས་པའི་སྐུ་ལ་ཕུང་པོ་དང་།
86b6 ཁམས་དང་། སྐྱེ་མཆེད་རྣམས་ཇི་ལྟར་ཡོད། གལ་ཏེ་མེད་ན་ཡང་སྐུ་གདུང་གི་ཕུང་པོ་ག་ལས་འོངས། དེ་བས་ན་སྐུ་གདུང་གི་ཕྱིར་འཇིག་རྟེན་ན་མཆོད་རྟེན་འབྱུང་བ་ཡོད་ཀྱི་ཆོས་ཀྱི་སྐུ་ནི་འབྱུང་བ་མེད་དོ། །དེ་བཞིན་གཤེགས་པ་ཤའི
86b7 སྐུའོ་ཞེས་བྱ་བ་ནི་རྣམ་པར་ཤེས་པ་བརྟག་པ་ལས་བསྟན་ཏེ། རྣམ་པར་ཤེས་པ་ནི་ཚད་མ་མ་ཡིན་ནོ། །དེ་བས་ན་རྣམ་པར་ཤེས་པ་ཚད་མ་མ་ཡིན་ཞེས་བྱའོ། །སེམས་ཅན་གང་དག་དེ་ལྟར་རྟོག་པ་དེ་དག་ཀྱང་ཚད་མ་མ་ཡིན་ནོ། །དེ་ལྟ་བུའི
86b8 མདོ་སྡེ་རྣམས་ཀྱང་ཚད་མ་མ་ཡིན་ནོ། །དགེ་སློང་དག་ཁྱེད་ཀྱི་རྟེན་ནི་དོན་ཡིན་ནོ་ཞེས་བྱ་བ་ལ་དོན་ཞེས་བྱ་བ་ནི་གསལ་བའི་དོན་ཏོ། །གསལ་བའི་དོན་ཞེས་བྱ་བ་ནི་སྣང་བའི་དོན་ཏོ། །སྣང་བའི་དོན་ཞེས་བྱ་བ་ནི་ཞན་པ་མ་ཡིན་པའི་དོན་ཏོ། །ཞན་པ
iiif viewer powered by OpenSeadragon
